ស្មាតហ្វូនដែលមានអេក្រង់អាចបត់បានឈ្មោះថា Mate X ដែលបានងបង្ហាញខ្លួននៅក្នុងព្រឹត្តការណ៍មួយ កាលពីពេលថ្មីៗនេះ បានបង្ហាញខ្លួននៅស្រុកខ្មែរយើងកាលពីម្សិកលមិញនេះហើយ ដែលពិធីនេះត្រូវបានក្រុមហ៊ុន Huawei បានប្រារព្ធធ្វើឡើងនូវក្នុងការិយាល័យកណ្តាលរបស់ខ្លួនតែម្តង គឺនៅអាគារ Xchange Square ជាន់ទី 18 ដែលមានការអញ្ជើញចូលរួមពីថ្នាក់ដឹកនាំរបស់ក្រុមហ៊ុន Huawei ហើយតារាចំរៀង នីកូ រួមជមួយនឹងតំនាងដៃគូ ហើយនឹងអ្នកសារព័ត៌មានជាច្រើនរូប។
សូមជំរាបថា វត្តមានរបស់ស្មាតហ្វូន Mate X គឺមិនត្រឹមតែបង្ហាញពីអេក្រង់អាចបត់បានប៉ុណ្ណោះទេ គឺថែមទាំងមានភ្ជាប់ជាមួយនឹងបច្ចេកវិទ្យានៃការបញ្ចូលថាមពលថ្មដល់ទៅ 55W SuperCharge ដែលធ្វើអោយនេះ ក្លាយជាស្មាតហ្វូនដែលមានល្បឿនលឿនបំផុតថែមទៀតផង។ Huawei ធ្លាប់បាននិយាយថា Mate X អាចបង្កើនល្បឿនដល់ទៅ 85% នៅក្នុងរយៈពេលត្រឹមតែ 30 នាទីប៉ុណ្ណោះ។ នៅពេលដែលវាបង្ហាញខ្លួនជា Tablet នោះ ស្មាតហ្វូន Mate X មានអេក្រង់ទំហំ 8” ជាមួយនឹងកម្រិតាំភាពច្បាស់ 2480x2200 pixels ហើយនៅពេលដែលបត់នោះ អេក្រង់ខាងក្រៅរបស់វាមានទំហំ 6.6” ជាមួយនឹងកម្រិតភាពច្បាស់ 2480x1148pixels ដែលត្រូវបានគេដឹងថាមានកម្រិតសមាមាត្រ 19.5:9។្ តំណាងក្រុមហ៊ុន Huwei បាននិយាយថា ស្មាតហ្វូននេះអាចបង្ហាញចេកបានចំនួន 3 ជម្រើស ជាមួយអេក្រង់ទំហំផ្សេងៗគ្នា។
Huawei និយាយថា អ្នកអាចធ្វើការថតរូបភាព Selfies ច្បាស់បំផុតជាមួយនឹងស្មាតហ្វូន Mate X នេះ។ សម្រាប់ការមើលរូបភាពវិញនោះ អ្នកអាចប្រើប្រាស់នូវអេក្រង់ធំរបស់ស្មាតហ្វូននេះដែលលាតពេញគែមតែម្តង។ ស្មាតហ្វូននេះ មានអេក្រង់បត់បានកម្រ៉ាស់ស្តើងបំផុតគឺត្រឹមតែ 11mm ប៉ុណ្ណោះនៅពេលដែលស្មាតហ្វូន Mate X នេះបត់។ នៅពេលដែលវាពន្លារចេញនោះ កម្រាស់របស់វាគឺត្រឹមតែ 5.4 mm ប៉ុន្តែសម្រាប់សមាសភាគជាច្រើនទៀត ដូចជាកាមេរ៉ារបស់វា គឺត្រូវការកន្លែងសម្រាប់ប្រតិបត្តិទៅលើដំណើរការនោះដូចនេះវាស្ថិតនៅតែផ្នែកម្ខាងណាមួយរបស់ស្មាតហ្វូននេះ។
ក្រុមហ៊ុន Huawei បានប្រើប្រាស់នូវថាមពលថ្មធំដល់ទៅ 4,500mAh សម្រាប់ដំណើរការទៅលើស្មាតហ្វូន Mate X និងធ្វើការបញ្ចូលថាមពលថ្មតាមរយៈរន្ធដោត USB-C port ដែលស្ថិតនៅផ្នែកខាងក្រោម។ ស្មាតហ្វូននេះ 0មានប្រព័ន្ធស្កេនក្រួយ៉ៅដៃស្ថិតនៅផ្នែកចំហៀងផងដែរ។
អ្វីដែលគួរអោយស្តាយនោះ គឺថា ក្រុមហ៊ុន Huawei មិនអនុញាតអោយអ្នកសារព័ត៌មានធ្វើការថតរូបដោយផ្ទាល់ជាមួយនឹងស្មាតហ្វូនអេក្រង់អាចបទបាននេះទេ ហើយក៏មិនអនុញាតអោយធ្វើការបត់ទូរស័ព្ទនេះឡើយ និយាយរួមកាលពីមិ្សលមិញនេះ គឺត្រឹមតែបង្ហាញពីលោកនាយកក្រុមហ៊ុន Huawei នៅកម្ពុជា រួមនិងតារាចំរៀង នីកូ ប៉ុណ្ណោះ ដែលទទួលបាននូវបទពិសោធន៍៏ពីស្មាតហ្វូន Huawei Mate X ស៊េរីថ្មីនេះ។ ប៉ុន្តែអ្វីដែលចាប់អារម្មណ៍នោះ ក្រុមហ៊ុន Huawei បានប្រកាសថា នឹងចេញលក់ស្មាតហ្វូនអេក្រង់អាចបត់បាននេះនៅចន្លោះពាក់កណ្តាលឆ្នំនេះ បន្ទាប់ពីការបង្ហាញវត្តមានជាផ្លូវការនៅទីក្រុងប៉ារីសប្រទេសបារាំង នៅខែក្រោយនេះ។ លោកបានបន្តថា តម្លៃអាចនឹងមានប្រែប្រួលថែមទៀតផង។