កាលពីថ្ងៃទី 4 ខែមេសា ឆ្នាំ 2019 កន្លងទៅនេះ ក្រុមហ៊ុន អ៊ី ស៊ី អាយ ឌីស្រ្ទីប៊្យូសិន ( ECI Distribution ) ដែលជាក្រុមហ៊ុននាំចូល និង ចែកចាយផលិតផលបច្ចេកវិទ្យាជាច្រើនម៉ាកមានដូចជា DELL MEC, Lenovo, Honeywell, Promate, Sony Projector, Fuji Xerox, Transcend, APC, Bitdefender, ហើយនិងឧករណ៍អេឡិកត្រូនិកផ្សេងៗទៀតជាច្រើននៅក្នុងព្រះរាជាណាចក្រកម្ពុជា បានសហការគ្នាជាមួយនឹងក្រុមហ៊ុន DELL EMC បានរៀបចំពិធីជប់លៀងដែលមានការអញ្ជើញចូលរួមពីសំណាក់តំណាងចែកចាយបន្តរបស់ខ្លួនយ៉ាងច្រើនកុះករ ដែលបានរៀបចំនូវហាង The Storm Pub & Restaurant ។
សូមបញ្ជាក់ថាការជប់លៀងតំណាងចែកចាយបន្តរបស់ក្រុមហ៊ុនទាំងអស់ដើម្បីបង្កើនទំនាក់ទំនងយ៉ាងជិតស្និត ជំរុញការលក់ និងធ្វើបទបង្ហាញពីផលិតផល ដែរសុទ្ធសឹងតែជាផលិតផលសេរីថ្មី ទំនើប ទាន់សម័យ ហើយជាផលិតផលចុងក្រោយរបស់ ក្រុមហ៊ុន DELL EMC។ នៅក្នុងឱកាសនោះដែរលោក ញ៉េប ចន្ថា ដែលជា អ្នកគ្រប់គ្រងទូទៅ របស់ក្រុមហ៊ុន អ៊ី ស៊ី អាយ បានមានប្រសាសន៍អោយដឹងថា គោលបំណងសំខាន់នៃការជួបជុំតំណាងអ្នកចែកចាយបន្ត គឺជាការចូលរួមចំណែកមួយដ៏សំខាន់ក្នុងការចែករំលែកនូវបទពិសោធន៍ថ្មីៗ និងបច្ចេកវិទ្យាទំនើបៗ ដែលមាននៅលើផលិតផលថ្មីរបស់ ក្រុមហ៊ុន DELL EMC។
មួយវិញទៀត គឺ ក្រុមហ៊ុន ចង់បង្កើននូវការប្រាស្រ័យទាក់ទងគ្នា អោយបានកាន់តែជិតស្និតមួយកំរិតថែមទៀតរវាងក្រុមហ៊ុន ជាមួយនិងតំណាងចែកចាយបន្តទាំងអស់ ដែលពួកគាត់ បានខិតខំជួយជំរុញការលក់ផលិតផលនានារបស់ក្រុមហ៊ុន ក៏ដូចជាផលិតផល DELL EMC នាពេលកន្លងរហូតមកដល់សព្វថ្ងៃនេះ។ សព្វថ្ងៃនេះ ក្រុមហ៊ុន អ៊ី ស៊ី អាយ មានក្រុមហ៊ុនជាដៃគូរសហការនិងក្រុមហ៊ុនចែកចាយបន្តជាច្រើននៅក្នុងប្រទេសកម្ពុជា ដោយសារតែផលិតផលមានគុណភាពខ្ពស់ មានការធានាត្រឹមត្រូវ និង មានតម្លៃសមរម្យផងដែរ ។ជាពិសេស ក្រុមហ៊ុនតែងតែមានការបណ្តុះបណ្តាល និង ការជួបជុំគ្នាសួរ សុខទុក្ខជាមួយនឹងដៃគូរសហការរបស់ខ្លួនដើម្បីបង្កើនការប្រាស្រ័យទាក់ទងគ្នាទៅវិញទៅមក។
ហើយជាចុងក្រោយលោក ញ៉េប ចន្ថា តំណាងអោយ ក្រុមហ៊ុនទាំងពីរ ក៏សូមថ្លែងអំណរអរគុណដល់ដៃគូរទាំងអស់ដែលតែងតែគាំទ្រនៅផលិតផលរបស់ក្រុមហ៊ុន អ៊ី ស៊ី អាយ រហូតមក និង សន្យាថាបន្តការយកចិត្តទុកដាក់បំពេញតំម្រូវការដល់អតិថិជនអោយកាន់តែប្រសើរជាងនេះទៅទៀត។ ពត៏មានបន្ថែមសូមទំនាក់ទំនងក្រុមហ៊ុន៖ ផ្ទះលេខ16 ផ្លូវ290 សង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ Tel: 081 777 939 / 081 777 943 Facebook: DELL EMC Cambodia