នៅព្រឹកថ្ងៃសៅរ៍ទី 9 ខែធ្នូ ឆ្នាំ 2017 នេះ LG BrandShop សាខាស្ទឹងមានជ័យ បានរៀបចំយុទ្ធនាការសំអាតទីក្រុងស្អាត គឺ រើសសំរាម សម្អាតនៅតាមសួនច្បារទីធ្លាសាធារណះ តាមបណ្ដាយផ្លូវមុន្នីរ៉េត ដោយមានការចូលរួមសហការពីសំណាក់សាលាខ័ណ្ឌមានស្ទឹងមានជ័យ ប្រជាការពារ និងកងកំម្លាំង សណ្ដាប់ធ្នាប់ ព្រមទាំងប្រជាពលរដ្ឋក្នុងតំបន់នោះចំនួនប្រមាណជាជាង 200 នាក់។
យោងតាមប្រសាសន៍របស់លោកឧកញា សុខ ពិសិដ្ឋ នាយកគ្រប់គ្រងក្រុមហ៊ុន ggear ដែលជាក្រុមហ៊ុននាំចូល និងចែកចាយផលិតផល LG នៅក្នុងប្រទេសកម្ពុជា បានបញ្ជាក់អោយដឹងថា គោលបំណងនៃការរៀបចំសកម្មភាពនេះ គឺដើម្បីជាការចូលរួមចំណែកក្នុងការថែទាំ សំអាតបរិស្ថានរបស់យើង និងជាសារបញ្ជ្រាបការយល់ដឹងអំពីការឈប់បោះសំរាមចោលពាសវាលពាសកាល និងការទុកដាក់កាកសំណល់ក្នុងធុងសំរាមអោយបានត្រឹមត្រូវ។ សូមចូលរួមធ្វើអោយទីក្រុងគ្មានសម្រាមទាំងអស់គ្នា!