បច្ចុប្បន្ននេះ ការរចនារូបរាង គឺពិតជាសំខាន់មែនទែន ដែលអាចធ្វើឱ្យអ្នកប្រើប្រាស់ជាច្រើនងាកមកចាប់អារម្មណ៍ទៅលើស្មាតហ្វូនស៊េរីថ្មីរបស់ខ្លួន។ នៅក្នុងឆ្នាំនេះ ការងាកទៅលើប្រើប្រាស់អេក្រង់ពេញលេញដែលមានស៊ុមព័ទ្ធអេក្រង់ស្តើងចាប់ផ្តើមទទួលការគាំទ្រយ៉ាងខ្លាំង ហើយជាពិសេសគឺការផ្លាស់ប្តូរប្រព័ន្ធស្កេនក្រយ៉ៅដៃទៅដាក់នៅផ្នែកខាងក្រោយវិញជាមួយនឹងការដកចេញនូវប៊ូតុង Home ពីផ្នែកអេក្រង់ខាងមុខនោះ។ ថ្មីៗនេះ ក្រុមហ៊ុនបច្ចេកវិទ្យា OUKITEL ក៏បញ្ចេញនូវស្មាតហ្វូនស៊េរីថ្មីម៉ូដែល OUKITEL C8 4G ដែលមានរូបរាងកាន់តែស្រស់ស្អាតទាក់ទាញមិនចាញ់ស្មាតហ្វូនថ្នាក់ខ្ពស់របស់ក្រុមហ៊ុនបច្ចេកវិទ្យាធំៗដែលមានតម្លៃខ្ទង់ពាន់ដុល្លារអាមេរិកនោះទេ។ ស្មាតហ្វូនស៊េរីថ្មីនេះមានការរចនារូបរាងមិនធម្មតាស្រស់ស្អាត កម្លាំងម៉ាស៊ីនខ្លាំង និងការប្រើប្រាស់ថាមពលថ្មបានកាន់តែយូរថែមទៀត។
ការរចនារូបរាងដ៏ប្រណិតមិនធម្មតា៖ បើក្រឡេកទៅមើលស្មាតហ្វូនស៊េរីថ្មីនេះ ក្រុមហ៊ុនបច្ចកវិទ្យា OUKITEL កាន់តែប្រឹងប្រែងក្នុងការនាំយកនូវការរចនារូបរាងកាន់តែស្រស់ស្អាតប្រណិតមិនចាញ់ស្មាតហ្វូនថ្នាក់ខ្ពស់តម្លៃពាន់ដុល្លារនោះទេ។ ផ្នែកខាងមុខរបស់ស្មាតហ្វូននេះមានអេក្រង់រាបស្មើរជាមួយនឹងគែមកោងសងខាងដែលងាយស្រួលក្នុងការកាន់ ហើយនឹងការប្រើប្រាស់តែដៃម្ខាងតែប៉ុណ្ណោះ។ ផ្នែកខាងលើរបស់ស្មាតហ្វូននេះមានភ្លើង Flash ឧបាល័របំពងសំឡេង សេនស័រ និងកាមេរ៉ាមុខ។ នៅគែមផ្នែកខាងស្តាំរបស់ស្មាតហ្វូននេះគេសង្កេតឃើញមានប៊ូតុងចំនួន 3 គឺប៊ូតុងឡើងចុះសំឡេង និងប៊ូតុងចាក់សោរអេក្រង់ផងដែរ ហើយនៅគែមខាងឆ្វេងមិនមានរន្ធដោត ឬប៊ូតុងអ្វីនោះទេ។
គែមផ្នែកខាងលើរបស់ស្មាតហ្វូននេះគេសង្កេតឃើញមានរន្ធដោតកាសស្តាប់ និងរន្ធសម្រាប់បញ្ចូលថាមពលថ្មផងដែរ។ បើក្រឡេកទៅមើលផ្នែកខាងក្រោយរបស់ស្មាតហ្វូនស៊េរីថ្មី OUKITEL C8 PRO នេះ គេសង្កេតឃើញមានប្រព័ន្ធកាមេរ៉ាតែមួយគ្រាប់ប៉ុណ្ណោះនៅពីលើភ្លើង LED Flash ចំនួន 2 គ្រាប់ ហើយនឹងប្រព័ន្ធស្កេនក្រយ៉ៅដៃរង្វង់មូល។ នៅផ្នែកខាងក្រោមនៃផ្នែកខាងក្រោយ វាមានតួអក្សរ OUKITEL សម្រាប់បង្ហាញអំពីម៉ាកយីហោក្រុមហ៊ុន និងគេហទំព័រចំណុចកណ្តាល ខណៈគែមខាងឆ្វេងគេសង្កេតឃើញរន្ធជាច្រើនដែលជាឧបាល័របំពងសំឡងរបស់ស្មាតហ្វូននេះ។
អេក្រង់ភ្លឺច្បាស់ជាមួយនឹងស៊ុមព័ទ្ធអេក្រង់ស្តើង និងកាមេរ៉ាជំនួយដោយ Flash មុខក្រោយ៖ ស្មាតហ្វូន OUKITEL C8 4Gប្រើប្រាស់នូវអេក្រង់ប្រភេទ infinity Display កម្រិត 18:9 Aspect Ratio ដែលមានគែមកោងនៅសងខាងជាមួយនឹងកម្រិតភាពច្បាស់ ភិចសែលជាមួយ Multi-Touch 5 ។ OUKITEL C8 4G មានអេក្រង់ទំហំ 5.5 អ៊ីង។ ចំនែកកាមេរ៉ាខាងក្រោយរបស់ស្មាតហ្វូន OUKITEL C8 4G ខាងមុខមានទំហំ 13 MP ភ្ជាប់ជាមួយនឹងភ្លើង LED Flash ស្របពេលដែលកាមេរ៉ាខាងមុខរបស់វាមានទំហំត្រឹមតែ 5MP ជំនួយដោយភ្លើង LED Flash ផងដែរ។
កម្លាំងម៉ាស៊ីនខ្លាំងតាមរយៈបន្ទះឈីបរបស់តៃវ៉ាន់៖ ស្មាតហ្វូន OUKITEL C8 4G ប្រើប្រាស់នូវបន្ទះឈីបប្រភេទ MediaTek MT6580A ល្បឿនដល់ទៅ 1.3GHz ជាមួយនឹងដំណើរការនៃបច្ចេកវិទ្យា ហើយនិងមានក្រាហ្វិកកាតប្រភេទ Mali T720MP ដែលមានកម្រិតល្បឿន 550MHz និង GPU Cores ចំនួន 2 សម្រាប់ជំនួយទៅលើប្រព័ន្ធម៉ាស៊ីន។ OUKITEL C8 4G ប្រើប្រាស់រ៉េមទំហំ 2GB និងម៉េមូរីក្នុងម៉ាស៊ីនទំហំ 16GB ហើយវាប្រើប្រាស់នូវប្រព័ន្ធ Wi-Fi, GPS, A-GPS និងជាច្រើនទៀត។ ថាមពលថ្មរបស់វាគឺមានកម្លាំងដល់ទៅ 3000mAh ដែលអាចប្រើប្រាស់រយៈពេល 2 ទៅ 3 ថ្ងៃសម្រាប់ការបញ្ចូលថាមពលថ្មម្តងនោះ។ កាន់តែពិសេសជាងនេះទៀតនោះ វាមានសេនស័រជាច្រើនដូចជា Notifications LED, Fingerprint Scanner, Proximity, Light Sensor និង Accelerometer ផងដែរ។
អាចរកជាវបាននៅ ៖ ក្រុមហ៊ុន Polaris Mobile international
ទូរស័ព្ទលេខ ៖ 078 266 168
FaceBook : https://www.facebook.com/OukitelCambodia/
Address: No. 461E0, BLVD Preah Monyvong, Sangkat Boeng Prolit, Khan 7 Makara
