ថ្ងៃនេះ ក្រុមការងាររបស់ គេហទំព័រ ពិភពអេឡិចត្រូនិក សូមជូននូវព័ត៌មានថ្មីមួយ ហើយជឿជាក់ថា ប្រិយមិត្តទំាងអស់ នឹងមានការភ្ញាក់ផ្អើលជាមិនខាន នោះគឺការមកដល់នូវផលិតផលផ្លូវការរបស់ Beats ដែលជាឧបករណ៍កំសាន្តតន្រី្តដ៏ពេញនិយមកបំផុតនៅលើពិភពលោក ហើយផលិតផល Beats នេះ នឹងបង្ហាញវត្តមាននៅលើទីផ្សារកម្ពុជា ជាមួយនឹងក្រុមហ៊ុន Falcon Tech ដែលជាមានសិទ្ធិអ្នកចែកចាយផលិតផល Apple នៅកម្ពុជា។
គួរបញ្ជាក់ថា ត្រឹមតែរយៈពេកលជង 6 ខែ បន្ទាប់ពីទទួលបានសិទ្ធិពីក្រុមហ៊ុន Apple មក ក្រុមហ៊ុន Falcon Tech បានធ្វើអោយប្រជាជនកម្ពុជា មានការផ្លាស់ប្តូរផ្នត់គំនិតស្ទើរតែគ្រប់គ្នា ជាមួយនឹងការសម្រេចចិត្តងាកមកប្រើប្រាស់ផលិតផល Apple ផ្លួវការ។ ដោយសារតែចំណុចនេះ បានធ្វើអោយក្រុមហ៊ុននេះមានការជឿជាក់យ៉ាងខ្លាំងពី Apple។ ថ្ងៃនេះ ក្រុមការងាររបស់យើងបានទទួលព័ត៌មានថា ក្រុមហ៊ុននេះ នឹងនាំចូលនិងចែកចាយ Beats ជាផ្លូវការបន្ថែមទៀតទៅលើផលិតផល Apple ដែលស្រាប់។ មានន័យថា ប្រិយមិត្ត នឹងអស់កង្វល់ និងមានការបារម្ភចំពោះការសំរេចចិត្តទិញផលិត ផលបែបកំសាន្ត Audio ដែលមានគុណភាពល្អ ព្រោះថា ផលិតផលផ្លូវការនេះ នឹងបំពេញតំរូវការបានយ៉ាងងាយ ។ Beats ជាឧបករណ៏ថ្មីមួយ ដែលអាចបំពេញ និងកែសំរួលភាពនឿយហត់ និងភាពតប់ប្រម៉ល់របស់អ្នកបានមួយចំណែកផងដែរ ពីព្រោះថា នេះយុគសម័យបច្ចេកវិទ្យា ដូច្នេះ ការកំសាន្ត គឺបានភ្ជាប់នូវការសិក្សា ដែលនឹងធ្វើអោយការរស់នៅកាន់តែផ្លាស់ប្តូរ និងវិវឌ្ឍទៅមុខជានិច្ច ។
និយាយពី Beats នេះទៀតសោត ក្រុមការងាររបស់យើងខ្ញុំ ជឿជាក់ថា គ្រប់គ្នាប្រាកដជាដឹងហើយថា គឺប្រេនមួយល្បីល្បាញ និងមានការគាំទ្របំផុត ហើយផលិតផលនេះ គឺស្ថិតនៅក្រោមឆ័ត្ររបស់ Apple ហើយប្រេននេះផងដែរ។ កន្លងមកក្រុមហ៊ុន Apple បានធ្វើការវាយលុកយ៉ាងខ្លាំងទៅលើផលិតផល Beats នៅលើទីផ្សារអាមេរិក អឺរ៉ុប និងអាស៊ី ។ ទាក់ទងជាមួយនឹងព័ត៌នេះដែរ គឺពិតជាធ្វើអោយមានការភ្ញាក់ផ្អើលមែនទែន ដែលក្រុមហ៊ុន Apple បានអនុញ្ញាតិអោយ Falcon Tech ចែកចាយ Beats នៅទីផ្សាដ៏តូវមួយនេះ។ សូមជំរាបថា ពេលនេះ កម្ពុជាទាំងមូល កំពុងជ្រួតជ្រាបមែនទែនផលិតផលរបស់ Apple ដែលមានការធានាជាលក្ខណៈផ្លូវការ។
