ថ្មីៗនេះ ក្រុមហ៊ុន ZOPO បានប្រកាសចេញនូវស្មាតហ្វូន Android ថ្នាក់កណ្តាលស៊េរីថ្មីចំនួន 2 ម៉ូដែលគឺ P5000 និង Z5000 សំរាប់ទីផ្សារជុំវិញពិភពលោក រួមទាំងកម្ពុជា ផងដែរ។ ស្មាតហ្វូន P5000 មានពីរពណ៌សម្រាប់ជ្រើសរើស គឺពណ៌ក្រហម និងពណ៌ខ្មៅ ស្របពេលដែលស្មាតហ្វូន Z5000 មានពណ៌ខ្មៅ និងពណ៌មាស។ P5000 គឺជាស្មាតហ្វូនស៊េរីថ្មី ដែលភ្ជាប់ជាមួយអេក្រង់ទំហំ 5.99 អ៊ីង កម្រិតភាពច្បាស់ IPS LCD HD+1440x720 ភិចសែល នៅក្នុងកម្រិត Aspect Ratio ដល់ទៅ 18:9។
សព្វថ្ងៃនេះ ការប្រើប្រាស់កម្រិត អេក្រង់ Aspect Ratio ដល់ទៅ 18:9 នេះ កំពុងតែមានការពេញនិយមយ៉ាងខ្លាំងពិសេសសម្រាប់ក្រុមហ៊ុន LG និង Samsung។ កញ្ចក់អេក្រង់របស់ស្មាតហ្វូននេះ ការពារដោយកញ្ចក់ 2.5D។ P5000 បំពាក់នូវបន្ទះឈីប Helio P10 system-on-chip (SoC) ក្រាហ្វិកកាតប្រភេទ Mali T860 graphics chipset ដែលមានល្បឿនដល់ទៅ 1.8GHz។ ស្មាតហ្វូននេះប្រើប្រាស់ Hybrid Dual-SIM ដែលអ្នកប្រើប្រាស់អាចប្រើ Nano SIM ឬ microSD បន្ថែមពីលើម៉េមូរីក្នុងម៉ាស៊ីនទំហំ 32GB។ P5000 ភ្ជាប់ជាមួយរ៉េមទំហំ 4GB ប្រព័ន្ធកាមេរ៉ាភ្លោះ 13MP+5MP ភ្លើង LED Flash ភ្លោះ កាមេរ៉ាខាងមុខទំហំ 16MP ប្រព័ន្ធប្រតិបត្តិការ Android 7.0 Nougat ថាមពលថ្ម 5000mAh និងការទ្រទ្រង់បណ្តាញ 4G រួមទាំង Fast charging ថែមទៀតផង។
ចំនែក ស្មាតហ្វូន Z5000 វិញ គឺមានរូបរាងថ្មី ស្រស់ស្អាតទាក់ទាញជាមួយអេក្រង់ទំហំ 5.5 អ៊ីង កម្រិត Aspect Ratio 16:9 កម្រិតអេក្រង់ HD 1280x720 ភិចសែលដូចគ្នា នឹងបំពាក់មកជាមួយនូវបន្ទះឈីប Helio P10 និងរ៉េមទំហំ 4GB ម៉េមូរីក្នុងម៉ាស៊ីនទំហំ 64GB ហើយនិងរន្ធបញ្ចូលថាមពល USB Type-C ថែមទៀត។ ស្មាតហ្វូនទាំងពីរស៊េរីនេះ គឺជាស្មាតហ្វូនថ្មី ដែលកំពុងមានវត្តមាននៅក្នុងទីផ្សារប្រទេសកម្ពុជា ស្មាតហ្វូនទាំងពីរនេះ គឺមានតម្លៃសមរម្យដែលលោកអ្នកមិនអាចមើលរំលង៕
