កាលពីថ្ងៃទី 19 ខែមករា កន្លងនេះ ក្រុមហ៊ុន សែលកាត បាននាំយកស្នាមញញឹមទៅកាន់ក្មេងៗ នៅក្នុងសកម្មភាពសប្បុរសធម៌ទៅកាន់ អង្គការលើកស្ទួយប្រជាពលរដ្ឋ (People Improvement Organization) នៅស្ទឹងមានជ័យ។ ក្រុមការងារ សែលកាត បានប្រមូលវិភាគទានជាសាធារណៈតាំងពីមុនបុណ្យណូអែល ដែល រាប់បញ្ចូលជាផ្នែកមួយនៃកម្មវិធីជួយដល់សហគមន៍របស់ពួកគេ រួមមានដួចជាសៀវភៅសរសេរ និងសៀវភៅអាន រាប់រយក្បាល សម្ភារៈសិក្សា សំលៀកបំពាក់ ត្រូវបាននាំ យកទៅឱ្យកុមារបង្កភាពភ្ញាក់ផ្អើលដល់ពួកគេ បន្ថែមពីលើជំនួយសង្គ្រោះផ្សេងៗទៀត ទៅដល់អ្នកគ្រប់គ្រងអង្គការផងដែរ ។
លោក អៀន វ៉ាត់សុន នាយកប្រតិបត្តិក្រុមហ៊ុន សែលកាត បានមានប្រសាសន៍ថា សកម្មភាពនេះ គឺពិតជាល្អខ្លាំងណាស់ ដែលក្រុមការងាររបស់យើង ជាពិសេស គឺក្រុមការងារក្មេងៗ ជំនាន់ក្រោយរបស់យើង ជាអ្នកផ្ចុងផ្ដើមគម្រោងនេះ ដោយខ្លួនគេផ្ទាល់ ព្រមទាំងធ្វើជា អ្នកសម្របសម្រួលកម្មវិធីសប្បុរសធម៌ ចាប់តាំងពីរដូវកាលបុណ្យណូអែលដែលជាពេល វេលាចែករំលែកក្ដីស្រលាញ់រហូតមកដល់ពេលនេះ។ សូមអរគុណដល់អ្នកទាំងអស់គ្នាដែល បានចំណាយពេលវេលាចូលរួមជាមួយយើងនៅថ្ងៃនេះ។
លោកបានបន្តថា នេះគ្រាន់តែជាសកម្មភាពសប្បុរសធម៌មួយក្នុងសកម្មភាពជាច្រើន ដែលក្រុមហ៊ុន សែលកាត អាចផ្តល់ត្រឡប់ទៅសហគមន៍វិញ ហើយបង្ហាញថា យើងពិតជាយកចិត្តទុក ដាក់ចំពោះសហគមន៍របស់យើង។ ក្មួយៗកុមារកំព្រាបានចំណាយពេលវេលាមួយថ្ងៃដ៏ រីករាយជាមួយក្រុមការងារសែលកាតរបស់យើង ហើយយើងសង្ឃឹមថានឹងបានជួបពួកគេម្តងទៀតក្នុងពេលឆាប់ៗនេះ »។
