កាលពីថ្ងៃទី 31 ខែមករា ឆ្នាំ 2018 នេះ ក្រុមហ៊ុនទូរស័ព្ទដៃ Xiaomi បានប្រកាសបើកសម្ពោធជាផ្លូវការនូវភាពជាដៃសហការគ្នាជាមួយនឹងក្រុមហ៊ុន SEATEL ដើម្បីអោយក្រុមហ៊ុននេះ ក្លាយជាក្រុមហ៊ុនបណ្តាញទូរស័ព្ទតែមួយគត់ ដែលមានលក់ទូរស័ព្ទ Xiaomi ព្រមជាមួយនឹងការបង្ហាញនូវវត្តមានរបស់ MWDis INTERNATIONAL ដែលជាតំណាងប្រធានចែកចាយស្មាតហ្វូននៅទូទាំងប្រទេសកម្ពុជាផងដែរ។ ពិធីនេះ ត្រូវបានប្រារព្ធធ្វើឡើងនៅឯផ្សារទំនើបអ៊ីអនម៉ល AEON MALL រាជធានីភ្នំពេញ ក្រោមវត្តមានលោកអគ្គនាយកប្រតិបត្តិរបស់ក្រុមហ៊ុន SEATEL គឺលោក HAN HANCHOU ជាមួយនឹងលោក CHEN BINGYANG ជាប្រធានផ្នែកលក់ក្រៅស្រុកនៃក្រុមហ៊ុន Xiaomi ព្រមទាំង ឯកឧត្តម ហួត ហាក់ អនុរដ្ឋលេខាធិការក្រសួងទំនាក់ទំនងរដ្ឋសភា ព្រឹទ្ធសភានិងអធិការកិច្ច ហើយនឹងវត្តមានលោកស្រីអគ្គនាយក មាន អក្ខរា ដែលជាតំណាងប្រធានចែកចាយ MWDis INTERNATIONAL រួមជាមួយនឹងភ្ញៀវកតិ្តយសជាច្រើនរូបទៀតផង ។
ឯកឧត្តម ហួត ហាក់ អនុរដ្ឋលេខាធិការក្រសួងទំនាក់ទំនងរដ្ឋសភា ព្រឹទ្ធសភានិងអធិការកិច្ច បានសម្តែងការពេញចិត្ត និងជឿជាក់យ៉ាងខ្លាំងចំពោះផលិតផល និងសេវាកម្មរបស់ក្រុមហ៊ុន SEATEL ដោយឯកឧត្តមមានប្រសាសន៍ថា ល្បឿនអ៊ីនធឺណិតដ៏លឿនរបស់ SEATEL គឺពិតជាធ្វើអោយមនុស្សគ្រប់គ្នាចងចាំដក់ជាប់ក្នុងអារម្មណ៍មែនទែន ហើយទន្ទឹមនឹងនោះ ឯកឧត្តមក៏បានបញ្ជាក់បន្ថែមថា ទូរស័ព្ទដៃ Xiaomi គឺជាប្រភេទទូរស័ព្ទដៃដែលមានកិត្តនាមល្បីខ្នាតអន្តរជាតិ ហើយចំពោះការសហការជាមួយក្រុមហ៊ុន SEATEL លើកនេះ នឹងទទួលបានលទ្ធផលកាន់តែអស្ចារ្យ ។
លោកអគ្គនាយកប្រតិបត្តិក្រុមហ៊ុន SEATEL លោក HAN HANCHOU បានថ្លែងអំណរគុណយ៉ាងខ្លាំងចំពោះវត្តមានរបស់ឯកឧត្តម ហួត ហាក់ អនុរដ្ឋលេខាធិការ ក្រសួងទំនាក់ទំនងរដ្ឋសភា ព្រឹទ្ធសភានិងអធិការកិច្ច និងវត្តមានរបស់តំណាងចែកចាយដែលបានមកចូលរួមក្នុងកម្មវិធីនេះ។ លោកបានទទួលស្គាល់ពីសមត្ថភាពប្រកួតប្រជែងទីផ្សារលើពិភពលោករបស់ទូរស័ព្ទដៃ Xiaomi។ លោក HAN HANCHOU បានមានប្រសាសន៍បន្តថា ទូរស័ព្ទដៃ Xiaomi មានឈ្មោះល្បីទូទាំងពិភពលោក និងមានអ្នកគាំទ្រច្រើន គឺដោយសារតែមាន “សមត្ថភាពខ្ពស់ តម្លៃសមរម្យ”។ លោក HAN HANCHOU ពិតជារីករាយណាស់ ដែលទូរស័ព្ទដៃ Xiaomi អាចគាំទ្រជាមួយនឹងបណ្តាញ SEATEL 4G VoLTE បានពេញលក្ខណៈ ដែលឈរបន្ទាប់ពីទូរស័ព្ទដៃម៉ូឌែល SAMSUNG និង HUAWEI ដែលជាទូរស័ព្ទដែលល្បីឈ្មោះជាអន្តរជាតិ្ត ។
លោក CHEN BINGYANG ដែលជាតំណាងប្រធានផ្នែកលក់ក្រៅស្រុករបស់ក្រុមហ៊ុន Xiaomi បានមានប្រសាសន៍ថា ក្រុមហ៊ុន SEATEL គឺជាបណ្តាញទូរគមនាគមន៍ និងអ៊ីនធឺណិត 100% 4G VolTE ដែលបានបណ្តាក់ទុននៅកម្ពុជា ព្រមទាំងទទួលបានការជឿជាក់ និងគាំទ្រពីសំណាក់អតិថិជនជាច្រើនកុះករ និងអាចផ្តល់ឱកាសដល់អតិថិជនទូរស័ព្ទដៃ Xiaomi នៅក្នុងការសាកល្បងនូវបណ្តាញអ៊ិនធឺណិតដ៏លឿនអស្ចារ្យ។ នៅថ្ងៃអនាគត ក្រុមហ៊ុន Xiaomi នឹងសហការជាមួយនឹងក្រុមហ៊ុន SEATEL បន្តទៀត ដើម្បីបំពេញនូវតម្រូវការកាន់តែខ្ពស់និងអតិថិជនកាន់តែច្រើន ហើយក៏សង្ឃឹមថា អតិថិជនទាំងអស់នឹងបន្តតាមដាន។
លោក ផា បូរ៉ា ដែលជាអ្នកគ្រប់គ្រងរបស់ MWDis INTERNATIONAL បានមានប្រសាសន៍ថា ការមកដល់របស់ផលិតផល Xiaomi ជាផ្លូវការនេះ ដោយសារមានការយល់ឃើញ ពីអ្នកចែក ចាយពីបណ្តាលប្រទេសលើសកលលោកនិងអ្នកប្រើប្រាស់វាយតំលៃខ្ពស់ថាផលិតផល Xiaomi មានសមត្ថភាពខ្ពស់ ទាំងតម្លៃដ៏សមរម្យបំផុត លើទីផ្សារកម្ពុជានាពេលបច្ចុប្បន្ន។ លោក បូរ៉ា មានជំនឿចិត្ត ហើយក៏មានសមត្ថភាពនឹងធ្វើឲ្យការលក់ផលិតផល Xiaomi ឲ្យបានយ៉ាងរលូន។ នៅក្នុងការឱកាសចុះកិច្ចព្រមព្រៀងសហការណ៍រវាង ក្រុមហ៊ុន SEATEL និងក្រុមហ៊ុន Xiaomi និង MWDIS ពេលនេះ លោកមានសង្ឃឹមថា ពួកយើងនឹងមានការរីកចំរើននិងទទួលបានការគាំទ្រសំណាក់ដៃគូរអាជីវករនិងអតិថិជនទូទាំងរាជធានីខេត្ត យ៉ាងពេញទំហឹងនិងជានិច្ចនិរន្តន៏។
ក្រុមហ៊ុន Xiaomi ត្រូវបានបង្កើតឡើងនៅក្នុងខែមេសា ឆ្នាំ 2010 ដែលជាសហគ្រាសមួយធ្វើការផ្តោតទៅលើបច្ចេកវិទ្យាទំនើបនៃទូរស័ព្ទដៃស្មាតហ្វូន ទូរទស្សន៍អ៊ិនធឺណិត និង បណ្តាញ Intelligent home ecology និងជាក្រុមហ៊ុនលំដាប់ថ្នាក់ទី 4 ដែលមានសមត្ថភាពបង្កើត Chip (ឈីប) ទូរស័ព្ទបានដោយខ្លួនឯង និងទទួលបានភាពជោគជ័យ ការជឿជាក់ និងពេញចិត្តយពីអតិថិជនរាប់លានអ្នកនៅក្នុងទីផ្សារប្រទេសចិន និងឥណ្ឌាជាដើម នៅក្នុងកិច្ចសហការរវាងក្រុមហ៊ុន Xiao mi និង Seatel លើកនេះ ពោល គឺបានចាប់ផ្តើមនូវម៉ូឌែលថ្មីបំផុតចំនួន 3 គឺ Redmi 5A, Note 5A、Note 5A Prime ជាមួយនឹងតម្លៃដ៏ទាបក្នុងទីផ្សារដ៏គួរអោយភ្ញាក់ផ្អើរ ($115、$125、$155) ដើម្បីអោយប្រជាពលរដ្ឋខ្មែរអាចសាកល្បងប្រើប្រាស់នូវ”ទូរស័ព្ទដៃដែលមានតម្លៃសាកសមនឹងសមត្ថភាពទូរស័ព្ទផ្ទាល់” ! បច្ចុប្បន្ន ទូរស័ព្ទទាំង 3 ប្រភេទខាងលើនេះ កំពុងតែមានដាក់លក់នៅតាមបណ្តាហាង Seatel shop ទាំង 30 ហាងទូទាំងប្រទេស! ស្តុកដំបូងចំនួនមានកំណត់ សូមធ្វើការទិញអោយបានឆាប់រហ័ស!
