កាលពីថ្ងៃទី 09 ខែកុម្ភៈ ឆ្នាំ 2018 នៅសណ្ឋាគារហ៊ីម៉ាវ៉ារី ក្រុមហ៊ុន អ អិម អេ ខេមបូឌា បានបើកពិធីសម្ពោធជាផ្លូវការនូវការនាំចូលម៉ាស៊ីនសម្អាតម៉ាក Hako, PowerBoss, និង Minuteman ដែលជាផលិតផលថ្មីតរបស់ប្រទេសអាល្លឺម៉ង់ មកកាន់ទីផ្សារប្រទេសកម្ពុជា ស្របពេលដែល កំណើននៃអាគារ សហគ្រាស ភោជនីយដ្ឋាន សណ្ឋាគារ ខុនដូរ រួមជាមួយនឹងផ្សារទំនើបជាច្រើន ដែលមានតម្រូវការម៉ាស៊ីនប្រភេទនេះ។ ពិធីនេះ មានការអញ្ចើញចូលរួមពីសំណាក់តំណាងពីក្រុមហ៊ុន Hako និងក្រុមហ៊ុន RMA Cambodia រួមជាមួយនឹងភ្ញៀវកត្តិយសជាច្រើនរូប។
តាមប្រសាស៍របស់លោក ងន សាំង នាយកប្រតិបត្តិនៃក្រុមហ៊ុន អ អិម អេ ខេមបូឌា បានឲ្យដឹងថា ម៉ាស៊ីនសម្អាតម៉ាក Hako PowerBoss និង Minuteman គឺជាម៉ាកផលិតផលដ៏ល្បីល្បាញពីប្រទេសអាឡឺម៉ង់ ដែលវាមានសមត្ថភាពខ្ពស់ក្នុងសម្អាតបានទាំងផ្នែកខាងក្នុង និងខាងក្រៅ យ៉ាងមានប្រសិទ្ធិភាព និងមិនមានសម្លេងរំខាន។ លោកបានបន្ថែមថា ម៉ាស៊ីនសម្អាតទាំងនេះ គឺជាបច្ចេកវិទ្យាចុងក្រោយគេបង្អាស់របស់ប្រទេសអាឡឺម៉ង់ ដែលជួយសម្រួលការងារច្រើនក្នុងការសម្អាតតាមផ្លូវសាធារណៈ រោងចក្រសហគ្រាស ភោជនីយដ្ឋាន សណ្ឋាគារ និងសាលារៀនជាដើម។
ម៉ាស៊ីននេះ មានច្រើនប្រភេទដូចជា៖ ម៉ាស៊ីនបោសសម្អាត ម៉ាស៊ីនបូមធូលី និងម៉ាស៊ីនខាត់ការ៉ូ ហើយយើងជ្រើសយកម៉ាស៊ីនរុញពីក្រោយ ឬក៏ម៉ាស៊ីនជិះពីលើក៏បាន។ ជាក់ស្ដែងដូចជានៅទីក្រុងហាណូយ ម៉ាស៊ីនបោសសម្អាត City Master ត្រូវបានគេប្រើជាច្រើនរយគ្រឿងសម្រាប់បោសសម្អាតតាមផ្លូវសាធារណៈ ហើយ ម៉ាស៊ីន PowerBoss គេនិយមប្រើនៅតាមរោងសហគ្រាសធំ។
គួបញ្ចាក់ថា ក្រុមហ៊ុន អ អិម អេ ខេមបូឌា គឺជាក្រុមហ៊ុននាំចូល និងចែកចាយផ្ដាច់មុខនូវម៉ាកផលិតផល និងសេវាកម្មល្បីៗជាច្រើនដែលមានដូចជា៖
-ផ្នែករថយន្ដ: Ford, Jaguar Land Rover និង Range Rover
-ផ្នែកកសិកម្ម: John Deere (Tractor & Harvester)
-ផ្នែកគ្រឿងចក្រធុនធ្ងន់: JCB, FUSO, & Fire Truck
-ផ្នែកឃ្លាំងទំនិញ/លើកដាក់ទំនិញ: TCM Forklift, ធ្នើរដាក់ទំនិញ Starke, ឧបករណ៍លើកទៅទីខ្ពស់ JLG, MS Pallet
-ផ្នែកសេវាកម្មជួលរថយន្ដ: AVIS
-ផ្នែកចំណីអាហារ: The Pizza Company, Dairy Queen, Swensen, Krispy Kreme, & BAR B Q Plaza
-ផ្នែកសេវាកម្មហិរញ្ញប្បទាន: BSP Finance Cambodia ជាដើម៕
