no-alternative title
no-alternative title
no-alternative title
no-alternative title
no-alternative title
no-alternative title
no-alternative title

កញ្ញា ឱក សុគន្ធកញ្ញា និងកញ្ញា មាន សូនីតា គឺជាឯកអគ្គរាជទូតប្រចាំផលិតផល Samsung នៅឆ្នាំ 2018 នេះ

សព្វថ្ងៃនេះ បើយើងក្រឡេកទៅមើលលើទីផ្សារស្មាតហ្វូននៅក្នុងប្រទេសកម្ពុជា ឃើញថា ក្រុមហ៊ុនទូរស័ព្ទជាច្រើន គឺបាននឹងកំពុងតែមានសកម្មភាពយ៉ាងចខ្លាំង បើយើងប្រៀបធៀបទៅហ្នឹងឆ្នាំមុនៗ ជាមួយនឹងការប្រកួតប្រជែងយ៉ាងស្វិតស្វាញនេះ ក្រុមហ៊ុននិមួយៗ បានស្វែងរកតារាចំរៀងល្បីៗ ក៏ដូចជាតារាសំដែងឆ្នើមៗ មកធ្វើជាតំណាងផលិតផលរបស់ខ្លួនស្ទើរតែគ្រប់ក្រុមហ៊ុនទៅហើយ។ ជាក់ស្តែងដូចជា Samsung ជាដើម។ កន្លងមកក្រុមហ៊ុន Samsung បានជ្រើសរើស កញ្ញា ឱក សុគន្ធកញ្ញា ធ្វើជាឯកអគ្គរាជទូតប្រចាំផលិតផល Samsung ម្នាក់រួចមកហើយ។ ថ្ងៃនេះ ដើម្បីរឹតតែធ្វើអោយ Samsung ទទួលបាននូវប្រជាប្រិយភាព ក្រុមហ៊ុន ក៏បានជ្រើសរើសយកកញ្ញា មាន សូនីតា ម្នាក់ទៀតធ្វើជាឯកអគ្គរាជទូតប្រចាំផលិតផល Samsung នៅក្នុងឆ្នាំ 2018 នេះដោយបានចាប់ផ្តើមកាលពីពីខែមករាកន្លងមកនេះ។

 

លោក Seungho Choi អគ្គនាយកសាខាក្រុមហ៊ុនថៃសាមសុងអេឡិចត្រូនិកប្រចាំប្រទេសកម្ពុជា បានមានប្រសាសន៍ថា៖ «កញ្ញា ឱក សុគន្ធកញ្ញា ជាអ្នកតំណាងទូរស័ព្ទដៃ Samsung អស់រយៈពេលជាច្រើន ឆ្នាំមកហើយ ហើយក្នុងឆ្នាំថ្មីនេះ កញ្ញានៅតែរក្សាតំណែងរបស់ខ្លួន ព្រោះថា គឺតារាចម្រៀងដ៏ពេញនិយម នៅផលិតកម្មរស្មីហង្សមាសមួយនេះ បានចូលរួមកម្មវិធី និងយុទ្ធនាការជាច្រើនរបស់ក្រុមហ៊ុនសាមសុង ព្រមទាំងបានបង្កើតស្នាដៃជាច្រើនជូនដល់ Samsung ទៀតផង។»

 

លោកបានបន្តថា ចំណែកឯ កញ្ញា មាន សូនីតា ត្រូវបានគេស្គាល់ថា គឺជាតារាសម្តែងស្រីដ៏ល្បីល្បាញម្នាក់ ដែលទទួលបាននូវភាពជោគជ័យយ៉ាងខ្លាំងនៅក្នុងវិស័យសិល្បៈក្នុងប្រទេសកម្ពុជា។ ទន្ទឹមនឹងនេះ គេសង្កេតឃើញថា កញ្ញាក៏មានភាពជោគជ័យយ៉ាងត្រចះត្រចង់ នៅក្នុងមុខជំនួញរបស់ខ្លួនផងដែរ ដែលប្រិយមិត្តជាច្រើនបានជ្រាបច្បាស់មកហើយ ថាកញ្ញា មាន សូនីតា ជា «រាជនីក្រមា»។» តារាស្រីទាំងពីរដួងនេះ បានបង្ហាញចំណាប់អារម្មណ៍យ៉ាងរំភើប និងសប្បាយរីករាយដែលក្រុមហ៊ុនសាមសុងបានជ្រើសរើសជាឯកអគ្គរាជទូតប្រចាំផលិតផល Samsung ក្នុងឆ្នាំ 2018។

 

កញ្ញា ឱក សុគន្ធកញ្ញា បាននិយាយថា៖ កញ្ញាពិតជារំភើប និងស្ទើរតែមិនជឿ ដែលក្រុមហ៊ុន Samsung ជឿជាក់លើសមត្ថភាពរបស់នាងខ្ញុំពីមួយឆ្នាំទៅមួយឆ្នាំ ហើយបានផ្តល់ភាពកក់ក្តៅដល់រូបនាងដូចជាក្រុមគ្រួសារមួយអ៊ីចឹង។ កញ្ញាបានថ្លៃងអំណរគុណក្រុមហ៊ុន Samsung ដែលតែងតែផ្តល់ឱកាសជាច្រើនដល់រូបនាងដើម្បីចូលរួមក្នុងសង្គមកម្ពុជា»។

 

កញ្ញា មាន សូនីតា និយាយថា៖ «នេះជាលើកដំបូង ហើយក៏ជាដំណឹងដ៏ពិសេសមួយ ដែលក្រុមហ៊ុន Samsung បានជ្រើសរើសរូបនាងខ្ញុំជាតំណាងឲ្យផលិតផលសាមសុងជាមួយកញ្ញា ឱក សុគន្ធកញ្ញា។ កញ្ញានឹងប្រឹងប្រែងឲ្យអស់ពីសមត្ថភាពដើម្បីចូលរួមជាមួយយុទ្ធនាការផ្សេងៗរបស់ Samsung។ សូនីតា បានបញ្ជាក់ថា កញ្ញា តែងតែគាំទ្រផលិតផល Samsung ព្រោះថា ក្រុមហ៊ុន Samsung តែងតែនាំមកនូវផលិតផលថ្មីៗ ប្រកបដោយភាពច្នៃប្រឌិតខ្ពស់ តារាមុខស្រស់ម្នាក់នេះ សង្ឃឹមថា ហ្វេនរបស់ខនាងទាំងអស់នឹងគាំទ្រ ព្រមទាំងតាមដានសកម្មភាពថ្មីៗរបស់រួបនាងផងដែរ។»

 

 

no-alternative title
ព័ត៌មានពាណិជ្ជកម្ម