កាលពីថ្ងៃទី 05 ខែមេសានេះ ក្រុមហ៊ុន RMA Cambodia ដែលជាក្រុមហ៊ុនតែមួយគត់ទទួលបានសិទ្ធិនាំចូល និលក់រថយន្ត Jaguar នៅក្នុងទីផ្សារប្រទេសកម្ពុជា បានប្រារព្ធពិធីសម្ពោធនូវរថយន្តថ្មី Jaguar E-Pace ឆ្នាំ 2018 សំរាប់ទីផ្សាររថយន្ដទំនើបនៅព្រះរាជាណាចក្រកម្ពុជាហើយ ក្រោមវត្តមានរដ៏ខ្ពងខ្ពស់បំផុតបស់ឯកឧត្តម និងលោកជំទាវ អ្នកឧកញ៉ា លោកឧកញ៉ា រូមជាមួយថ្នាក់ដឹកនាំជាន់ខ្ពស់របស់ក្រុមហ៊ុន ហើយនិងភ្ញៀវកិត្តិយសមកពីស្ថាប័ននានាជាច្រើនរូប នៅក្នុងនោះក៏មានវត្តមានរបស់តារាល្បីៗជាច្រើនផងដែរ។
តាមប្រសាសន៍របស់លោក អ៊ូល ហ្សេបេកឺ (Ulf Sebecke) នាយកគ្រប់គ្រងទូទៅរបស់រថយន្ដ Jaguar Land Rover បានឲ្យដឹងថា Jaguar E Pace ស៊េរីថ្មីឆ្នាំ 2018 គឺរថយន្តប្រភទេទំនើបថ្មីមួយទៀតរបស់ក្រុមហ៊ុន Jaguar ដែលគ្រប់គ្នានៅជុំវិញពិភណលោក បានស្គាល់ថា គឺជាត្រកូលរថយន្ដប្រភេទ SUV បែបស្ព័រ ដែលមានទំហំតូចជាងរថយន្ដ Jaguar F-Pace ជាមួយ នឹងការរចនារូបរាងដ៏គួរឲ្យទាក់ទាញ។
Jaguar E Pace ស៊េរីថ្មីឆ្នាំ 2018 នេះ គឺជារថយន្តជំនាន់ទី 2 បន្ទាប់ពី Jaguar F-Pace ដែលជារថយន្ដប្រភេទ SUV បែបស្ព័រដំបូងគេ និងទទួលបានការគ្រាំទ្រយ៉ាងខ្លាំងពីសកលលោក។ ដូច្នេះហើយ ទើបម៉ាករថយន្ដប្រណិតរបស់ចក្រភពអង់គ្លេសដ៏ធំមួយនេះ ងាកមកផលិតរថយន្ដប្រភេទ SUV បែបស្ព័រ ដើម្បីប្រកួតប្រជែងជាមួយនិងរថយន្ដ SUV ម៉ាកដទៃផ្សេងៗទៀត។ រថយន្តJaguar E-Pace ត្រូវបានក្រុមហ៊ុន ភ្ជាប់មកជាមួយនឹងកម្លាំងម៉ាស៊ីន V 2.0 ប្រភទេ ម៉ាស៊ីនសាំង និងដំណើរការកង់វិលទាំងបួន Turbocharged ជាមួយកង់រង្វង់ 21 អ៊ីង ដែលផ្តល់នូវភាពងាយស្រួល នៅក្នុងការបើកបរនៅគ្រប់ស្ថានភាពផ្លូវ ពិសេស គឺនៅប្រទេសកម្ពុជាតែម្តង។
នៅក្នុងនាមជាកូនកាត់រថយន្ដស្ព័រ Jaguar E-Pace មានសមត្ថភាពខ្ពស់បំផុត ដោយអាចបើកបរនៅក្នុងល្បឿនចាប់ពី 0-100គ.ម ដោយចំណាយពេលវលាត្រឹមតែ 6.5 វិនាទីតែប៉ុណ្ណោះ។ បើនិយាយពីបច្ចេកវិទ្យារបស់ Jaguar E-Pace ទៀតសោធ គឺពិតជាមិនចាញ់គូរប្រកួតប្រជែងផ្សេងទៀតឡើយ។ រថយន្ដ SUV ដ៏តូចច្រឡឹងមួយនេះ បានបំពាក់បច្ចេកវិទ្យាទំនើបចុងក្រោយគេ ទាំងផ្នែកខាងក្នុង និងខាងក្រៅ។ រថយន្ដនេះ ក៏បានភ្ជាប់មកជាមួយនឹងអំពូលភ្លើង LED ទាំងខាងមុខ និងខាងក្រោយ ហើយហ្វាមុខ ត្រូវបានបំពាក់ជាមួយប្រភេទ Matrix LED ជាមួយអំពូល LED ជាសញ្ញាពេលថ្ងៃយ៉ាងស្រស់ស្អាត។
ក្រុមហ៊ុន បានបញ្ជាក់បន្ថែមថា រថយន្តទំនើប Jaguar E-Pace មានបំពាក់នូវបច្ចេកវិទ្យា 4G Wi-Fi Hotspot ជាមួយនឹងរន្ធដោត USB ដែលអាចសាកថ្មបានដល់ទៅ 4 ដើម្បីផ្តល់ភាពងាយស្រួលអ្នករួមដំណើរជាមួយ។ ចំណែកឧបករណ៍បំពងសំឡេង គឺពិតជាមិនធម្មតានោះទេ។ រថយន្តនេះ ក៏មានភ្ជាប់មកជាមួយនូវឧបករណ៍បំពងសំឡេងម៉ាក Meridian របស់ចក្រភពអង់គ្លេស រហូតដល់ 6 គ្រាប់ អាចបន្លឺសម្លេងបានយ៉ាងពិរោះរណ្តំ ដែលធ្វើឲ្យលោកអ្នក មានអារម្មណ៍ថា កំពុងតែស្ថិតនៅក្នុងការប្រគំតន្ត្រីផ្ទាល់តែម្តង។
សូមជំរាបថា កន្លងមកក្រុមហ៊ុន Jaguar Land Rover ក៏ធ្លាប់បានលើកឡើងផងដែរថា រហូតមកទល់នឹងសព្វថ្ងៃនេះ ការប្រើប្រាស់យានយន្ដក្នុងប្រទេសកម្ពុជា កំពុងតែមានការកើនឡើងគួរឲ្យកត់សម្កាល់ ហើយយើងសង្កេតឃើញថា មានក្រុមហ៊ុនជាច្រើន បាននាំចូលរថយន្ដមកកាន់ទីផ្សារប្រទេសកម្ពុជាយើងផងដែរ ដែលមួយចំនួនបានទទួលសិទ្ធិផ្ដាច់មុខពីរោងចក្រ ប៉ុន្ដែមួយចំនួនទៀតពុំបានទទួលសិទ្ធិពីរោងចក្រនោះទេ។ កត្តានេះហើយ គឺពិតជាផ្តល់នូវផលវិបាកសម្រាប់អតិថិជន ក៏ដូជជាអ្នកប្រើប្រាស់ ពីព្រោះថា គឺមានភាពខុសគ្នារវាងការទិញរថយន្ដពីក្រុមហ៊ុនទទួលសិទ្ធិផ្ដាច់មុខ និងការទិញរថយន្ដពីទីផ្សារខាងក្រៅ។
សំរាប់ព័ត៌មានលម្អិតស្តីពីរថយន្តប្រណិត Jaguar និង Land Rover មាននៅមហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ។ សូមទំនាក់ទំនង៖ 023 8888 11 070 999 111 ។ គេហទំព័រ ផ្លូវការ៖ www.jaguarcambodia.com ។ ទំព័រ Facebook ផ្លូវការ៖ Jaguar Cambodia និងទំព័រ Instagram ផ្លូវការ៖ @JaguarCambodia
