កាលពីចុងសប្តាហ៍នេះ ក្រុមការងាររបស់ក្រុមហ៊ុនទូរស័ព្ទម៉ូតូរ៉ូឡានៅក្នុងប្រទេសកម្ពុជា បានបង្កើតនូវសកម្មភាពថ្មីមួយ ជាមួយនឹងការដង្ហែរក្បួនយុទ្ធនាការស្តីពីការកាត់បន្ថយនូវគ្រោះថ្នាក់ចរាចរនៅក្នុងទីក្រុងភ្នំពេញ ដើម្បីបង្ហាញដល់បងប្អូនប្រជាពលរដ្ឋទាំងអស់គ្នា អោយគោរពច្បាប់ និងពាក់មួកសុវត្ថិភាព ហើយនឹងយល់អោយបានច្បាស់ពីច្បាប់ចរាចរណ៍ទាំងអស់គ្នា។
ការដង្ហែរក្បួនយុទ្ធនាការនេះ គឺចាប់ផ្ដើមពីផ្សារទួលទំពូង ដោយបន្តឆ្លងកាត់តាមបណ្តាវិថី និងផ្លូវធំៗមួយចំនួន មានដូចជា ផ្លូវមុនីវង្ស ម៉ៅសេទុង មុនីរ៉េត សុធារស ស៊ីសុវត្ថិ កម្ពុជាក្រោម ខេមរៈភូមិន្ទ និងបន្តមកកាន់ផ្លូវសីហនុ ដែលជាទីប្រជុំជន និងជាគោលដៅចុងក្រោយបង្អស់នៃការដង្ហែរក្បួនយុទ្ធនាការនេះ។
បន្ទាប់ពីបញ្ចប់ការដង្ហែរក្បួនយុទ្ធនាការនេះ ក្រុមហ៊ុន ទូរស័ព្ទម៉ូតូរ៉ូឡានៅក្នុងប្រទេសកម្ពុជា ក៏នៅតែបបន្តស្នើរដល់ប្រជាពលរដ្ឋកម្ពុជា ទាំងអស់អោយបន្តចូលរួមធ្វើជាប្រជាពលរដ្ឋល្អ ព្រមទាំងពាក់មួកសុវត្ថិភាព និងគោរពច្បាប់ចរាចរណ៍ទាំងអស់គ្នាជាមួយម៉ូតូរ៉ូឡា។
