កាលពីថ្ងៃទី 20 ខែមេសា ឆ្នាំ 2018 នេះ នៅសណ្ឋាគារសុខាភ្នំពេញ ក្រុមហ៊ុន OPPO នៅប្រទេសកម្ពុជា បានសម្ពោធនូវស្មាតហ្វូន OPPO F7 ដែលមានការផ្សាយបន្តផ្ទាល់តាមរយៈកញ្ចក់ទូរទស្សន៍រស្មីហង្សមាស និងផេកផ្លូវការរបស់ក្រុមហ៊ុន OPPO ផងដែរ។ ព្រឹត្តិការណ៏នេះ គឺមានការចូលរួមពីសំណាក់តារាចំរៀង ដែកជាតំណាងបីនាក់ក្នុងការផ្សព្វផ្សាយឲ្យផលិតផលរបស់ខ្លួនទៀតផង ក្នុងនោះរួមមានដូចជា៖ អ្នកនាង ពេជ្រ សោភា កញ្ញា រ៉េត ស៊ូហ្សាណា និង លោក STEP ដែលសុទ្ធសឹងតែជាតារាកំពុងទទួលបានប្រជាប្រិយភាពខ្លាំងនាពេលបច្ចុប្បន្ន។
ក្រុមហ៊ុន OPPO បានបញ្ជាក់ឲ្យដឹងថា ទូរស័ព្ទដែលខ្លួនដាក់សម្ភោធនេះ គឺជាម៉ូដែលថ្មីមួយ ដែលមានការវិវឌ្ឍមួយកម្រិតទៀត ទៅលើការថតរូបSelfie ហើយម៉ូដែលនេះនឹងធ្វើឲ្យអ្នកប្រើប្រាស់ទាំងអស់កាន់តែរីករាយ និងពេញចិត្តចំពោះការថតរូបSelfie ដោយបច្ចេកវិទ្យា AI ដែលមាននៅលើ OPPO F7 នេះ។ គួរបញ្ជាក់ថា កាលពីចុងឆ្នាំ 2017 ក្រុមហ៊ុន OPPO បានបញ្ចេញនូវម៉ូដែល F5 ជាម៉ូដែលដំបូងគេដែលបានបំពាក់កាមេរ៉ា 20MP រួមជាមួយបច្ចេកវិទ្យា AI ដែលបានធ្វើអោយអតិថិជនជាច្រើនមានការពេញចិត្ត និងគាំទ្រជាខ្លាំង។
ជាមួយនឹងវត្តមាន OPPO F7 គឺពិតជាខ្លាំងជាងមុន ដោយសារតែស្មាតហ្វូនថ្មីនេះ គឺបានបំពាក់មកជាមួយកាមេរ៉ាមុខរហូតដល់ទៅ 25MP ដែលមានកាមេរ៉ាមុខទំហំធំដំបូងគេបង្អស់នាពេលបច្ចុប្បន្ន ហើយបានភ្ជាប់ជាមួយបច្ចេកវិទ្យាAI Beauty 2.0។ ពិសេសជាងនេះ ទៅទៀត OPPO F7 បានប្រើប្រាស់នូវSensor HDR 576 របស់Sony ដែលវាអាចធ្វើការបានយ៉ាងល្អក្នុងការផ្តិតយករូបភាពដ៏ស្រស់ស្អាតទោះស្ថិតក្នុងស្ថានភាពរូបភាពនៅឆ្ងាយឬកុងពន្លឺក៏ដោយ។
ចំពោះបច្ចេកវិទ្យា AI Beauty 2.0 របស់ OPPO F7 គឺមានសមត្ថភាព អាចចាប់យកចំនុចសម្គាល់សំខាន់ៗនៅលើផ្ទៃមុខរបស់មនុស្សរហូតដល់ទៅ296ចំនុច វាថែមទាំងអាចសម្គាល់នូវភេទ អាយុ សម្បុរស្បែក ប្រភេទស្បែកដែលអាចធ្វើឲ្យការថតរូបរបស់អ្នកកាន់តែស្រស់ស្អាតនិងមានលក្ខណៈធម្មជាតិ។ មួយវិញទៀតនោះគឺមុខងារ AI Learning ដែលវាវៃឆ្លាតក្នុងការចងចាំនូវអ្វីដែលយើងបានកំណត់ទៅលើរូបភាពដែលអ្នកចង់បាន នៅពេលដែលយើងថតរូបលើកក្រោយ វានឹងធ្វើការកំណត់ទៅលើរូបថតរបស់យើងដោយស្វ័យប្រវត្តិដោយយើងមិនចាំបាច់ធ្វើការកំណត់ម្តងទៀតឡើយ។
កាមេរ៉ាមុខរបស់ OPPO F7 ក៏មានមុខងាVivid Mode ដែលជាមុខងារជួយឲ្យការថតរូបកាន់តែស្រស់ស្អាត បន្ថែមពណ៌ទៅលើ Backgroundឲ្យកាន់តែស្រស់ស្អាតនិងមានភាពរស់រវើក។ លើសពីនេះទៅទៀត ស្មាតហ្វូននេះ ក៏មានមុខងារAR Stickers ដែលអាចឲ្យលោកអ្នកថតរូបខ្យូតៗជាមួយ Stickers ជាច្រើន។ ចំណែកកាមេរ៉ាក្រោយរបស់OPPO F7 មានទំហំ16MPបូករួមជាមួយ AI Recognition(ការសម្គាល់ឆ្លាតវៃ) ដែលអាចសម្គាល់ទៅលើស្ថានភាពផ្សេងៗរហូតដល់ 16 ស្ថានភាព ដែលអាចដាក់នូវកំរិតពន្លឺឲ្យស្រស់ស្អាតទៅតាមស្ថានភាពនីមួយៗ។
និយាយពីអេក្រង់របស់ OPPO F7 គឺមានទំហំ 6.23 អ៊ីង វិមាត្រ19:9 កម្រិតបង្ហាញ FHD+ និងResolution 2280x1080 pixels ហើយវាជាអេក្រង់ឆក (Notch Screen) Super Full Screen។ វាថែមទាំងភ្ជាប់មកជាមួយនូវមុខងារ Full Screen Multitasking ដែលមុខងារនេះអាចឲ្យយើងមើលវីដេអូ ឬលេងហ្គេមបណ្តើរ ហើយអាចឆ្លើយតបសារ ឬលេងchat បណ្តើរ(We chat, Messenger & What App)។
OPPO F7 ត្រូវបានក្រុមហ៊ុនដាក់អោយដំណើរការដោយ Processor ងក្រោយបំផុតគឺ 8+2(AI)-core ដែលមានល្បឿន2.0 GHz (MTK P60)។ ចំពោះម៉ូដែល OPPO F7 នឹងមានSpecs ពីរជំរើសសម្រាប់ឲ្យអតិថិជនជ្រើសរើស គឺF7 Ram 4GB+Rom64GB និង F7 Ram 6GB+Rom128GB ហើយម៉ូដែលទាំងពីរនេះសុទ្ធតែដំណើរការដោយColorOS 5.0 ដើរដោយAndroid 8.1។
រូបរាងខាងក្រៅវិញ OPPO F7 ត្រូវបានបានរចនាតួខ្លួនភ្លឺរលោងដូចជាកញ្ចក់ ព្រមទាំងមានកន្លែងស្កេនក្រយៅដៃនៅលើផ្ទៃខាងក្រោយវាផងដែរ។ វានឹងមានបីពណ៌សម្រាប់ឲ្យជ្រើសរើស មានដូចជា៖ ពណ៌ក្រហម(Solar Red) ពណ៌ប្រាក់(Moonlight Silver) និងពណ៌ពេជ្រខ្មៅ(Diamond Black)។
ចំពោះតម្លៃវិញ OPPO F7 Ram ទំហំ 4GB មានតម្លៃត្រឹមតែ 329$ ប៉ុណ្ណោះ ហើយលោកអ្នកក៏អាចចាប់ផ្តើមធ្វើការ Pre-order តាមបណ្តាហាងលក់ទូរស័ព្ទនានាទូទាំងប្រទេសពីថ្ងៃនេះ រហូតដល់ថ្ងៃទី 27 ខែមេសា ឆ្នាំ 2018 និងអាចរកជាវបាននៅលើទីផ្សារនៅថ្ងៃទី 28 ខែមេសា ឆ្នាំ 2018 នេះ។ OPPO F7 (128GB) វិញនឹងមកដល់ទីផ្សារប្រទេសកម្ពុជានៅក្នុងខែឧសភានេះជាមួយនឹងតម្លៃ 429$។