no-alternative title
no-alternative title
no-alternative title
no-alternative title
no-alternative title
no-alternative title
no-alternative title

MSI GT83 TITAN 8GR ម៉ាស៊ីនកុំព្យូទ័រ Gaming ស៊េរីថ្មី ត្រូវបានគេចាត់ទុកថា គឺអធិរាជមហាកំលាំងសំរាប់អ្នកលេងហ្គេម

ជាថ្មីម្តងទៀតក្រុមហ៊ុនផលិតម៉ាស៊ីនកុំព្យូទ័រដែលកំពុងមានឈ្មោះបោះសំឡេងក្នុងវិស័យម៉ាស៊ីនកុំព្យូទ័រប្រភេទ Gaming Laptop ឈ្មោះថា MSI បានពាំនាំមកនូវម៉ាស៊ីនកុំព្យូទ័រ Gaming ស៊េរីថ្មីមួយម៉ូដែលទៀតមកកាន់ទីផ្សារនោះគឺម៉ូដែល MSI GT83 TITAN 8GR ដែលជាអធិរាជមហាកំលាំងដែលអ្នកប្រើប្រាស់កំពុងទន្ទឹងរងចាំ។ ម៉ាស៊ីនកុំព្យូទ័រស៊េរីថ្មីមួយនេះត្រូវបានក្រុមហ៊ុនដំឡើងមកជាមួយផ្នែករឹងដែលខ្លាំងៗនិងបច្ចេកវិទ្យាប្រើប្រាស់ដ៏ទំនើបចុងក្រោយបំផុតជាមួយការរចនារូបរាងឡើងបែបហំកាចខ្លាំងជាងស៊េរីមុនៗមើលទៅពិតជាស័ក្តិសមជាម៉ាស៊ីនកុំព្យទ័រ Gaming ពិតៗ។

ការរចនារូបរាងមានភាពរឹងមាំមើលទៅកាចមិនធម្មតា

MSI GT83 TITAN 8GR មិនមែនជាម៉ាស៊ីនកុំព្យូទ័រដែលមានទំងន់ស្រាល និងស្តើងនោះទេ ព្រោះវាមានទម្ងន់សរុបដល់ទៅ 5.5 គីឡូក្រាមឯណោះជាមួយកម្រាស់សរុប 64 មីលីម៉ែត្រ។ ទម្ងន់របស់វាគឺស្មើរជិតពីរដងបើធៀបនឹងម៉ាស៊ីនកុំព្យូទ័រផ្សេងដូច្នេះវាអាចនឹងពិបាកបន្តិចក្នុងការស្ពាយយកតាមខ្លួន។ តួរខ្លួនផ្នែកខាងក្រោមរបស់់ GT83 TITAN 8GR ផលិតឡើងពីជ័រស្វិតរលោងគុណភាពខ្ពស់មានភាពហាប់ជិតមាំល្អធានាបានក្នុងការធ្លាក់ ឬប៉ះទង្គិចផ្សេងដោយយថាហេតុ។ រីផ្នែកខាងលើវិញជាលោហះធាតុប្រភេទ Brushed Alloy Metal រំលេចដោយនិមិត្តសញ្ញានាគរាជស្ថិតក្នុងកញ្ចក់ Corning Gorilla Glass ដ៏ប្រណិត មានអក្សរ MSI នៅពីលើ និងមានឆ្នូតពណ៌ក្រហមនៅសងខាងដែលវានឹងបញ្ចេញពន្លឺពណ៌នៅពេលងងឹត។ 

 

ងាកមកចាប់អារម្មណ៍នៅផ្នែកក្តារចុចវិញដោយ MSI ធ្វើបានកាន់តែប្រសើរបំផុតសម្រាប់ម៉ាស៊ីនកុំព្យូទ័រយក្សមួយនេះ។ មួយផ្នែកនៅខាងក្រោមគឺជាក្តារចុចប្រភេទ RGB LED Mechanical Backlight Keyboard ដែលមានពណ៌ចម្រុះប្រដេញគ្នាយ៉ាងស្រស់ស្អាតជាមួយទំហំឃីចុច 1.2mm ផ្តល់ភាពងាយស្រួលក្នុងការវាយអត្ថបទ និងគ្រប់គ្រង់ការលេងហ្គេម ហើយវាការឆ្លើយតបការចុចរបស់យើងបានរហ័ស និងមានសំឡេងស្ងាត់ល្អហើយទ្រទ្រង់កំលាំងសង្កត់ 45 ក្រាម។ យើងអាចធ្វើការផ្លាស់ប្តូរពណ៌ក្តារចុចបានតាមដែលយើងចង់បាននៅលើកម្មវិធី MSI Dragon Center 2.0 ដែលមានមុខងារកំនត់ និងមើលទៅលើកម្រិតទំហំល្បឿនប្រើប្រាស់របស់ម៉ាស៊ីនដូចជា RAM, CPU, GPU និង HHD ជាដើម។ 

 

ផ្នែកខាងលើក្តារចុចជាផ្ទៃលាតរលោងមានរំលេចដោយស្រមោលសាក់រូបនាគរាជ។ នៅផ្នែកខាងស្តាំក្តារចុចគឺជាក្តារសម្រាប់ចុចលេខប្រភេទថាច់ពណ៌ក្រហម (Touch Numeric Keypad) ដែលអាចប្រើបានពីមុខងារគឺសម្រាប់ចុចលេខផង និងធ្វើជា Touch Pad ផង។ នៅជុំវិញតួរខ្លួនរបស់ GT83 TITAN យើងឃើញមានរន្ធសំខាន់ដូចជារន្ធបញ្ចេញកំដៅធំៗចំនួនពីរនៅសងខាងផ្នែកខាងក្រោយ និងរន្ធមួយទៀតនៅចំកណ្តាលធ្វើអោយការបច្ចេកកំដៅរបស់ម៉ាស៊ីនបានកាន់តែប្រសើរ។ GT83 TITAN មានរន្ធបំពងសំឡេងចំនួនបួនដោយពីរនៅខាងស្តាំ និងពីរទៀតនៅខាងឆ្វេងប្រើប្រាស់បច្ចេកវិទ្យាបំពងសំឡេង Nahimic 3 Audio Technology ដោយមួយគ្រាប់អាចបន្លឺសំឡេងបានក្នុងកម្រិត 3W ហើយ Speaker ទាំងបួនរបស់វាអាចបញ្ចេញសំឡេងបានច្បាស់ក្នុងកម្រិត 360 ដឺក្រេពិសេសសម្រាប់ការទស្សនាខ្សែភាពយន្ត និងការលេងហ្គេម។ 

 

ម៉ាស៊ីននេះ ក៏មានភ្ជាប់នូវ Speaker មួយគ្រាប់ផ្សេងទៀតជាប្រភេទ Woofer Speaker ដែលអាចបន្លឺសំឡេងបានកម្រិត 3W ថែមទៀតផង។ ចំពោះរន្ធដោតវាមានរន្ធដោតប្រភេទ USB3.1 Type-A ជំនាន់ទី1 ចំនួន 3, USB3.1 Type-A ជំនាន់ទី2 ចំនួន 2, រន្ធ USB3.1 Type-C ជំនាន់ទី1 ឬ Thunderbolt ចំនួន 1, រន្ធ HDMI x1, mini display port x1, រន្ធប្រើជាមួយ SD Card ចំនួន 1 ទ្រទ្រង់បានជាមួយម៉េមូរីប្រភេទ XC/HC, រន្ធដោតម៉ាក្រហ្វូន, រន្ធដោតកាស, រន្ធ TOSLINK SPDIF Out និងរន្ធ RJ45 ប្រើប្រាស់បច្ចេកវិទ្យា Killer DoubleShot Pro ជាមួយមុខងារ Smart Stream ចំនួន 1 ពិសេសក្នុងការលេងហ្គេមម៉ាស៊ីនធំៗនៅប្រព័ន្ធអ៊ីនធើណិត។ 

កញ្ចក់អេក្រង់ធំទូលាយងាយស្រួលក្នុងការប្រើប្រាស់បំពេញកិច្ចការងារ

ជាមួយទម្ងន់ដ៏ធ្ងន់ និងកម្រាស់ដ៏ក្រាស់នៃម៉ាស៊ីនកុំព្យូទ័រ Gaming ស៊េរីថ្មីមួយនេះ MSI ក៏បានសងប៉ះប៉ូវមកវិញជាមួយកញ្ចក់អេក្រង់បង្ហាញដ៏ធំទូលាយទំហំដល់ទៅ 18.4 អ៊ីងឯណោះ។ វាប្រើប្រាស់បច្ចេកវិទ្យាអេក្រង់ Full HD IPS-Level។ បើទោះបីជាអេក្រង់របស់ GT83 TITAN 8 GR មានទំហំធំដល់ទៅ 18.4 អ៊ីងក៏ពិតមែនប៉ុន្តែវាទ្រទ្រង់ការបង្ហាញបានត្រឹមកម្រិត Full-HD ទំហំ 1080x1920px និងប្រើប្រាស់បច្ចេកវិទ្យាបង្ហាញកម្រិត  refresh rate 60Hz ប៉ុណ្ណោះ បើធៀបនឹងម៉ូដែល GS63 7RF STEALTH PRO ដែលមានកញ្ចក់អេក្រង់ទ្រទ្រង់ការបង្ហាញដល់កម្រិត 4K ជាមួយបច្ចេកវិទ្យាបង្ហាញកម្រិត refresh rate 120Hz ឯណោះ។ ប៉ុន្តែវាក៏មានភ្ជាប់បន្ថៃមនូវបច្ចេកវិទ្យាអេក្រង់ការពារចំណាំងផ្លាត NTSC ដែលវាអាចអោយយើងមើលឃើញរាល់ការបង្ហាញលើផ្ទៃកញ្ចក់អេក្រង់របស់វាបានច្បាស់គ្រប់ផ្នែកគ្រប់ជ្រុង និងបំពាក់នូវបច្ចេកវិទ្យា MSI True Color 2.0 ដែលជួយធ្វើអោយការបង្ហាញចេញនូវកម្រិតពណ៌ sRGB បានច្បាស់ដិត 100%។

 

កំលាំងម៉ាស៊ីនខ្លាំងគ្មានគូប្រៀប

ប្រសិនបើលោកអ្នកត្រូវការម៉ាស៊ីនកុំព្យូទ័រដែលមានកំលាំងខ្លាំងអាចអូសជាមួយកម្មវិធីក្រាហ្វិកកម្រិតខ្ពស់ដូចជាកម្មវិធីរចនា  (Graphic Design), គូសប្លង់ និងលេងហ្គេមម៉ាស៊ីនដែលមានទំហំក្រាហ្វិចកប់នោះម៉ាស៊ីន MSI GT8 TITAN 8GR នេះពិតជាត្រូវចិត្តលោកអ្នកប៉ាច់តែម្តង។ កំលាំងម៉ាស៊ីនរបស់ GT8 TITAN ប្រតិបត្តិការលើ CPU ជំនាន់ទី 8 របស់ Intel ស៊េរី Intel Core-i7 Processor ដែលបាន upgrade ដល់ Core-i9 Processor ប្រើប្រាស់បច្ចេកវិទ្យាល្បឿន 6-core boost មានល្បឿនប្រតិបត្តិការលឿនជាង CPU ជំនាន់មុខ 40% ដោយវារត់នៅលើ Mainboard ស៊េរី Intel® CM246។ សម្រាប់ GPU វិញវាប្រើប្រាស់ពពួក GeForce® GTX 1080 ដែលមានកំលាំងល្បឿន 8GB ប្រភេទ GDDR5X SLI ប្រើប្រាស់បច្ចេកវិទ្យាល្បឿន Ultra-fast FinFET មានល្បឿនលឿនក្នុងការ random ហ្គេមដែលមានក្រាហ្វិចខ្ពស់បានកាន់តែរលូន។ 

ម៉ាស៊ីនកុំព្យូទ័រនេះមានរន្ធសម្រាប់ដាក់អង្គគណនាបណ្តោះអាសន្ន (RAM) ចំនួន 4 Slot ទ្រទ្រង់ប្រភេទ RAM DDR4-2400 អាចដាក់បានទំហំដល់ 64GB ។ ម៉ាស៊ីនរបស់វាទ្រទ្រង់ប្រព័ន្ធប្រតិបត្តិការ Windows 10 Home/Pro ហើយសម្រាប់ថាសរឹងប្រើសម្រាប់ទុកដាក់ឯកសារវិញជាប្រភេទ SATA ខ្នាត 2.5” Super RAID 4  ប្រើប្រាស់បច្ចេកវិទ្យា Dual NVMe M.2 SSDs by PCIe Gen3 X4 in RAID0  និងប្រភេទ M.2 SSD Combo (NVMe PCIe Gen3 / SATA) ចំនួនពីរបន្ថែមទៀត។ GT8 TITAN 8GR ប្រើប្រាស់ថ្មប្រភេទ Li-Ion ទំហំ 8 Cell ដែលមានកំលាំងថាមពល 75Whr។

មុខងារ និងបច្ចេកវិទ្យាមួយចំនួនទៀត

-បច្ចេកវិទ្យា Cooler Boost Titan Cooling Technology: ប្រើដើម្បីជួយកាត់បន្ថយការឡើងកំដៅនៅលើ CPU និង GPU នៅពេលដំណើរការរយះពេលយូរ ឬអូសជាមួយកម្មវិធី និងហ្គេមដែលមានក្រាហ្វិកធំៗដោយវាប្រើកង្ហាបំភាយកំដៅចំនួន 3 ដែលអាចបន្ថយកំដៅបានក្នុងកម្រិត 15 HEAT PIPES នៅលើ CPU និង GPU បាន 30%។

-បច្ចេកវិទ្យា MSI X Boost Technology: ជួយបង្កើនល្បឿនដំណើរការប្រព័ន្ធផ្ទុកទិន្នន័យ (HHD) អោយដំណើរការបានលឿនរហ័ស។

-មុខងារ Matrix Display: សម្រាប់បំបែកការប្រើប្រាស់ទៅកាន់ផ្ទាំងបង្ហាញ (Monitor) ផ្សេងទៀតបានចំនួនបីតាមរយះរន្ធ mini display port និង HDMI ដែលទ្រទ្រង់ការបញ្ចូនរូបភាពបានក្នុងកម្រិត 4K។

-បច្ចេកវិទ្យា MSI Killer DoubleShot Pro: មានសមត្ថភាពពិសេសជួយធ្វើអោយដំណើរការលើប្រព័ន្ធទាញទិន្នន័យនៅលើបណ្តាញអ៊ីនធើណិតបានរហ័សបំផុតទាំងការប្រើប្រាស់នៅលើបណ្តាញប្រើខ្សែតាមរន្ធ RJ45 និងឥតខ្សែ (Wi-Fi) ប្រើប្រាស់បច្ចេកវិទ្យា Killer Gb LAN + Killer 802.11 a/c WiFi  ជាមួយមុខងារ Smart Stream ពិសេសសម្រាប់ការលេងហ្គេម និងការ Live Stream នៅប្រព័ន្ធបណ្តាញអ៊ីនធើណិត ។ 

សរុបសេចក្តី

ប្រសិនបើយើងមិនគិតពីកម្រាស់ និងទំងន់ដ៏ធ្ងន់របស់ម៉ាស៊ីនកុំព្យូទ័រ MSI GT83 TITAN 8GR ហើយផ្តោតសំខាន់ទៅលើកំលាំងល្បឿនដំណើរការ និងបច្ចេកវិទ្យាដែលម៉ាស៊ីនមួយនេះអាចធ្វើបាននោះម៉ាស៊ីនកុំព្យូទ័រ Gaming មួយនេះពិតជាមិត្តដ៏ល្អប្រសើរបំផុតដែលនឹងនៅកំដរការកម្សាន្ត ការលេងហ្គេម និងការងារទាំងឡាយរបស់អ្នកគ្រប់ពេល។ ម៉ាស៊ីនកុំព្យូទ័រមួយនេះមានផ្នែករឹងខ្លាំងៗ និងបច្ចេកវិទ្យាប្រើប្រាស់ទំនើបៗចុងក្រោយដែលយើងមិនអាចរកបាននៅលើម៉ាស៊ីនកុំព្យូទ័រដទៃ៕

no-alternative title
ព័ត៌មានពាណិជ្ជកម្ម