កាលពីថ្ងៃទី 19 ខែឧសភានេះ ក្រុមហ៊ុន ASUS បានសហការគ្នាជាមួយ IT Computer ដែលជាតំណាងចែកចាយរបស់ខ្លួន រៀបចំព្រឹត្តិការណ៍ជួបជុំ ជាមួយនឹងដៃគូ ហើយនឹងហាងលក់កុំព្យូទ័រ ញាំអាហារពេលល្ងាចរួមគ្នា ដើម្បអបអរនៅក្នុងឱកាសនៃបង្ហាញនូវក្រាហ្វិកកាតស៊េរីថ្មីនៅក្នុងប្រទេសកម្ពុជា។ ពិធីនេះ ត្រូវបានរៀបចំធ្វើឡើងនៅភោជនីយ៍ដ្ឋាន Buttom Up ដែលមានភ្ញៀវចូលរួមជាង 100 នាក់។
តាមការបញ្ជាក់របស់ ក្រុមហ៊ុន Asus បានអោយដឹងថា ការមកដល់នៃបន្ទះឈីប Intel® Core™ processors ជំនាន់ទី 8 ជាមួយនឹងក្រាហ្វិកកាតកម្រិតខ្ពស់ Z370 platform នៅពេលនេះ គឺមានការពង្រឹងទៅលើល្បឿនដំណើរការកាន់តែខ្លាំងក្លាក្នុងការប្រើប្រាស់នៅលើកុំព្យូទ័រ PCs មិនថា ការងារកម្រិតធ្ងន់ ឬការងារនៅលើការកែប្រែទៅលើវីដេអូនោះទេ ឬការបង្កើតនូវការងារផ្សេងៗទៀតដូចជា Streaming Gaming ជាដើម។ ក្នុងនោះក៏មានការពង្រឹងទៅលើ Core i3 ផងដែរ សម្រាប់ប្រើប្រាស់ជាមួយនឹងក្រាហ្វិកកាតប្រភេទ H370, B360 និង H310 ជាមួយនឹងការបន្ថែមទៅលើការតភ្ជាប់ទៅលើ Connectivity ជាច្រើន ហើយបន្ទះឈីប Chipsets ទាំងនេះ គឺអាចដំណើរការបាននៅគ្រប់ ASUS 300-series motherboards ដែលនឹងប្រើប្រាស់នូវបច្ចេកវិទ្យាផ្តាច់មុខនេះ ដែលនឹង ជួយអ្នកគ្រប់គ្នាអោយរីករាយជាមួយនឹងសមត្ថភាពនៃកុំព្យូទ័រ PCs របស់ខ្លួន។
គួរបញ្ជាក់ថា ក្រុមហ៊ុន ASUS បានធ្វើការអភិវឌ្ឍទៅលើ ROG Strix, TUF Gaming និង Prime lines ដែលមានការកែប្រែពង្រឹងសមត្ថភាពកាន់តែប្រសើរឡើងនៅក្នុងរយៈពេលជិត 30 ឆ្នាំហើយនៅក្នុងការបង្កើតនូវ Motherboards នេះនោះ។ ដោយមានការប្រើប្រាស់នូវ DIGI+ VRM ដែលផ្តល់នូវថាមពលទៅកាន់ CPU នឹងការពង្រឹងទៅលើរ៉េមអោយមានស្ថេរភាព និងការដំណើរការខ្លាំងក្លានោះ។ ចំពោះ UEFI BIOS គឺផ្តល់នូវភាពងាយស្រួលសម្រាប់អ្នកប្រើប្រាស់ក្នុងការដោះស្រាយទៅលើការជម្រើសជាច្រើននៅក្នុង search function ដែលអ្នកប្រើប្រាស់អាចធ្វើការស្វែងរក និងកែប្រែទៅលើ Settings ជាក់លាក់ថែមទៀត។ សម្រាប់ Configuration profiles គឺអាចធ្វើការរក្សាទុក និងចែករំលែកទៅកាន់មនុស្សជាច្រើនទៀត ហើយសម្រាប់Firmware ក៏នឹងធ្វើការ Updates ផងដែរ។
ក្រាហ្វិកកាត H370, B360 និង H310 motherboards ដែលមកដល់នៅពេលនេះ គឺមានការពង្រឹងទៅលើសមត្ថភាពកាន់តែប្រសើរទៅលើការលេងហ្គេមនៅក្នុងការបង្កើនល្បឿននៅលើប្រព័ន្ធ និងសីតុណ្ហភាពនៅលើ GPU ជាមួយនឹង ASUS និង ROG graphics cards។ អ្វីដែលចាប់អារម្មណ៍ចំពោះ H370 និង B360 គឺមានការប្រើប្រាស់នូវ USB 3.1 Gen 2 និង 802.11ac Wi-Fi for wireless networking ផងដែរ។ ក្នុងនោះ ក៏មានទ្រទ្រង់ទៅលើ Intel Optane Memory ដែលប្រើប្រាស់ជា ultrafast flash storage ក្នុងការកាត់បន្ថយទៅលើរយៈពេលនៃការរង់ចាំនៃម៉ាស៊ីនផងដែរ។
សម្រាប់ក្រាហ្វិកកាតប្រភេទ Republic of Gamers (ROG) Strix motherboards ក៏មានការពង្រឹងកាន់តែខ្លាំងក្លាទៅលើការលេងហ្គេមរបស់អ្នកប្រើប្រាស់ផងដែរ។ សម្រាប់ ASUS Prime series គឺមានការកែប្រែកាន់តែមានប្រសិទ្ធិភាព និងអស្ចារ្យបំផុត។ សម្រាប់ ASUS TUF Gaming ក៏មានប្រើប្រាស់ជាមួយនឹង Gaming Motherboards កម្រិតល្មមក្នុងការប្រើប្រាស់ផងដែរ។ សម្រាប់ប្រភេទ TUF Gaming Alliance អ្នកប្រើប្រាស់អាចធ្វើការបង្កើតនូវប្រព័ន្ធខ្លួនឯងសម្រាប់ការប្រកួតកាន់តែអស្ចារ្យថែមទៀត។