កាលពីខែឧសភា កន្លងទៅនេះ អតីតគ្រូបង្រៀននៅសាលាបឋមសិក្សាពោធិ៍សាត់ម្នាក់ បានរំភើបចិត្តរហូតដល់និយាយស្ទើរមិនចេញ នៅពេលដែលទទួលបានរង្វាន់រថយន្ត FORD Ranger XLT មានតម្លៃស្មើនឹង 178 លានរៀលពីក្រុមហ៊ុនតែបៃតងអូអិឈិ ។ លោក ស៊ិន គក់ ដែលឆ្នាំនេះ មានអាយុ 55 ឆ្នាំហើយនោះ គឺកំពុងតែប្រកបអាជីពជាអ្នករត់ម៉ូតូឌុប ដែលគាត់អាចរកចំណូលបានត្រឹមតែ 20000 រៀលប៉ុណ្ណោះ ក្នុងមួយថ្ងៃ ដើម្បីផ្គត់ផ្គង់គ្រួសារដែលមានសមាជិក 5 នាក់ ស្របពេលដែលកូនប្រសាប្រុសរបស់គាត់កំពុងចំណាកស្រុកទៅធ្វើការនៅប្រទេសថៃ។
លោក ស៊ិន គក់ បានបញ្ជាក់ឲ្យដឹងថា៖ «ខ្ញុំសឹងតែមិនជឿនឹងភ្នែកនៅពេលដែលខ្ញុំបើកគម្របដបត្រូវរង្វាន់។ សម្រាប់អ្នកក្រ ដូចជាខ្ញុំមិនដែលហ៊ានគិតផងថាមានឡានជិះ។ នេះមិនត្រឹមតែជារង្វាន់ដ៏ធំប៉ុណ្ណោះទេ ប៉ុន្តែវាបានធ្វើឲ្យជិវិតខ្ញុំទទួលបានការផ្លាស់ប្តូរយ៉ាងខ្លាំង។ ខ្ញុំសូមអរគុណដល់ក្រុមហ៊ុនអូអិឈិ ដែលបានបង្កើតកម្មវិធីផ្តល់រង្វាន់បែបនេះ សម្រាប់ប្រជាជនខ្មែរយើង។ ខ្ញុំពិតជាមិនអាចបំភ្លេចអ្វីដែលអូអិឈិផ្តល់ឲ្យខ្ញុំនៅពេលនេះឡើយ។» សូមជំរាបថា រង្វាន់ដែលលោក ស៊ិន គក់ ទទួលបាននៅពេលនេះ គឺបានពីកម្មវិធី OISHI Instant Win របស់ក្រុមហ៊ុនតែបៃតងអូអិឈិ ដែលបង្កើតឡើងកាលពីចុងឆ្នាំ 2017 កន្លងទៅ ហើយគាត់គឺជាអ្នកទី 2 ហើយដែលបានទទួលរង្វាន់នេះ។
លោក សុង សាក់លី នាយកផ្នែកលក់ និងទីផ្សារ នៃក្រុមហ៊ុនអូអិឈិបានឲ្យដឹងថា៖ «ពួកយើងពិតជារីករាយដែលបានបង្កើតនូវកម្មវិធី Instant Win Promotion ដ៏ធំនេះឡើង វាមិនត្រឹមតែជាកម្មវិធីមួយដែលលើកទឹកចិត្តដល់អតិថិជនឲ្យទទួលទានទឹកតែដែលត្រូវបានផលិតចេញពីសន្លឹកតែល្អៗបីប្រភេទហើយមានប្រយោជន៍ចំពោះសុខភាពប៉ុណ្ណោះទេ ប៉ុន្តែជាកម្មវិធីមួយដែលជំរុញប្រជាជនឲ្យខិតខំប្រឹងប្រែងធ្វើឲ្យជីវភាពកាន់តតែប្រសើរឡើង »។
គួររំលឹកផងដែរថា កម្មវិធីអូអិឈិ Instant Win Promotion គឺជាកម្មវិធីមួយដែលផ្ដល់ឱកាសដល់អតិថិជនដើម្បីផ្សងសំណាងយករង្វាន់នៅក្រោមគម្របដប ដែលមានដូចជា៖ រថយន្ត Ford Ranger XLT ប្រាក់សុទ្ធ ១០ លានរៀល និងរង្វាន់អូអិឈិជាច្រើនលានដបថែមទៀតផង។ មានរង្វាន់ជាច្រើនកំពុងរងចាំលោកអ្នកឈ្នះ។ តើអ្នកណានឹងក្លាយជាអ្នកឈ្នះរង្វាន់បន្ទាប់ក្នុងកម្មវិធី OISHI Instant Win Promotion នេះ? សម្រាប់ព័ត៌មានបន្ថែម សូមចូលទៅកាន់ទំព័រហ្វេសប៊ុក OISHI Drink Station ឬទូរស័ព្ទមកលេខ 015 691 555 / 015 693 555 ដើម្បីទទួលរង្វាន់៕
