យើងខ្ញុំជឿជាកថា ប្រិយមិត្តទាំងអស់គ្នា ប្រាកដជាធ្លាប់បានដឹងរួចមកហើយថា រាល់ម៉ូដែលរបស់ OPPO ដែលបានចេញលក់លើទីផ្សារ គឺតែងតែមានភាពលេចធ្លោ និងភាពទាក់ទាញផ្សេងៗគ្នា។ សម្រាប់ម៉ូដែល OPPO R15 នេះវិញ ក៏មានលក្ខណៈពិសេស និងមានរូបរាងមិនចាញ់ម៉ូដែលចុងក្រោយរបស់ក្រុមហ៊ុនដទៃទៀតដែរ គឺមានលក្ខណះទំនើបទាំងបច្ចេកវិទ្យា និងការរចនារូបរាងបែបសាមញ្ញ តែបង្កប់ភាពឥតខ្ចោះ អាចនិយាយបានថា គឺជាម៉ូដែលទីមួយដែល OPPO ផ្ដោតទៅលើចំណុច Clean Design។
R15 Nebula Special Edition រចនាលាយឡំពណ៌បីក្នុងសំបកតែមួយមានពណ៌ស៊ីជម្ពូ ពណ៍ស្វាយ និងពណ៍ខៀវ និងមានគែមព័ទ្ធជុំវិញដោយអាលុយមីញ៉ូម ចំណែកឯផ្នែកខាងមុខវិញពោរពេញដោយកញ្ចក់។ ការរចនារូបរាងសាមញ្ញប្រកបដោយភាពឥតខ្ចោះលើម៉ូដែលមួយនេះ ជាការសហការគ្នារវាងក្រុមហ៊ុន OPPO និងលោក Karim Rashid អ្នកឌីហ្សាញដ៏ល្បីបំផុតមួយរូបក្នុងសហរដ្ឋអាមេរិក ដែលអតិថិជន នឹងបានឃើញរូបសញ្ញាហត្ថលេខានៅផ្នែកខ្នងក្រោយ ម៉ាស៊ីន តែម៉ូដែលមួយនេះ មិនមានលក់នៅក្នុងប្រទេសកម្ពុជានោះទេ។
ជាមួយនឹងការប្រើប្រាស់ទូរស័ព្ទនេះ សម្រាប់ប្រិយមិត្ត ដែលចូលចិត្តមើលវីដេអូ និងលេងហ្គេមច្រើន គឺត្រូវម៉ាច់តែម្ដង ព្រោះថា OPPO R15 Pro នេះមានអេក្រង់ Super-V Display មានទំហំ 6.28 អ៊ីង មានកម្រិត 2280x1080px (មាត្រដ្ឋាន19:9)។ បន្ថែមពីនេះ ការលេងហ្គេម និងដំណើរការកម្មវិធីផ្សេងៗ នៅក្នុងទូរស័ព្ទរបស់អ្នកនឹងកាន់តែមានភាពងាយស្រួលជាងមុន ដោយសារ OPPO R15 Pro ភ្ជាប់ជាមួយបន្ទះឈីប: Qualcomm Snapdragon 660 ជាមួយនឹង RAM ទំហំ 6GB។ ការរក្សារទិន្នន័យ ក៏មិនបាច់មានការព្រួយបារម្ភច្រើនពីទំហំ Space ទៀតដែរ ដោយសារតែទូរស័ព្ទត្រកូល R ដ៏ពិសេសមួយនេះ គឺមានទំហំផ្ទុកទិន្នន័យដល់ទៅ 128GB ហើយអាចបន្ថែមបានដល់ទៅ 256GB ឯណោះ។
និយាយរួមទៅ អ្នកណាៗ ក៏ដឹងដែរថា OPPO ជាក្រុមហ៊ុនដែលផលិតទូរស័ព្ទមានកាមេរ៉ាមុខធំៗ។ OPPO R15 Pro មានកាមេរ៉ាមុខទំហំដល់ទៅ 20MP គាំទ្រមុខងារ Facial Unlock និងបច្ចេកវិទ្យា AI ផ្ដល់ភាពងាយស្រួលក្នុងការគ្រប់គ្រងទូរសព្ទអ្នកក្នុងការ Unlock ទូរស័ព្ទ។ ចំណែកឯកាមេរ៉ាក្រោយវិញមានទំហំដល់ទៅ 20MP ឯណោះ ដោយលើកនេះ OPPO R15 Pro ដាក់កាមេរ៉ាក្រោយភ្លោះពីរគ្រាប់ 20+16MP ផ្ដល់សមត្ថភាពថតរូប ដែលអាចនិយាយបានថាស្ទើរតែមិនចាំបាច់យកកាមេរ៉ា Professional ដាក់តាមខ្លួនឡើយ ព្រោះកម្រិតនៃការចាប់យករូបភាពពិតជាគួរឲ្យចាប់អារម្មណ៍មែនទែន។
បច្ចុប្បន្ននេះ អ្នកប្រើប្រាស់ទូរស័ព្ទមានការព្រួយបារម្ភ ពីទូរស័ព្ទឆាប់អស់ថ្ម តែបញ្ហានេះ នឹងលែងកើតមានទៀតហើយ ដោយសារតែ OPPO R15 Pro មានថាមពលថ្ម 3430mAh អមបច្ចេកវិទ្យាសាកថ្មរហ័ស VOOC ដោយអាចសាកបាន 100 ភាគរយ ប្រើពេលត្រឹមតែ 60 នាទីតែប៉ុណ្ណោះ។ OPPO R15 Pro រូបរាងសាមញ្ញផ្ដល់ភាពឥតខ្ចោះមួយនេះ ប្រើប្រព័ន្ធប្រតិបត្តិ: Android 8.1 Oreo ស្រោបផ្ទៃកម្មវិធីដោយ ColorOS 5.0 ដែលរាល់ពេលដែលអ្នកបើកទូរសព្ទម្ដងៗ ផ្ដល់ភាពទាក់ទាញមួយនឹកស្មានមិនដល់។ ប្រិយមិត្តទាំងអស់អាចរក OPPO R15 Pro តាមបណ្ដាហាងនានាក្នុងក្រុងភ្នំពេញ៕