ឆាប់ៗនេះ ក្រុមហ៊ុន vivo ត្រៀមខ្លួនរួចរាល់ហើយក្នុងការប្រកាសបង្ហាញនូវស្មាតហ្វូនស៊េរីថ្មីដែលមានភ្ជាប់ជាមួយនឹង Hexa-camera ដែលជាកាមេរ៉ាសែលហ្វ៊ីជំនាន់ថ្មី ឡូយ និងប្លែកបំផុត។ ដូចអ្វីដែលអ្នកអាចទាយបាន នេះមានន័យថា ស្មាតហ្វូននេះនឹងមានកាមេរ៉ាខាងក្រោយ 4 គ្រាប់ និងកាមេរ៉ាភ្លោះខាងមុខ។ អ្វីដែលចាប់អារម្មណ៍នោះ ស្មាតហ្វូន vivo V17 Pro នឹងមានការឌីស្សាញជាមួយនឹងកាមេរ៉ាផុសឡើងខាងមុខ។ ប៉ុន្តែកាមេរ៉ាផុសនេះ គឺជាប្រភេទកាមេរ៉ាភ្លោះ ជាជាងការប្រើប្រាស់នូវកាមេរ៉ា 1 គ្រាប់ដែលកំពុងតែមានការពេញនិយមនៅលើទីផ្សារក្នុងពេលបច្ចុប្បន្ននេះ។
ក្រៅពីការឌីស្សាញជាមួយនឹង hexa-camera ស្មាតហ្វូនស៊េរីថ្មី vivo V17 Pro នេះ នឹងមានការភ្ជាប់ជាមួយនឹងមុខងារដែលគួរអោយចាប់អារម្មណ៍ជាច្រើន នឹងមានអេក្រង់ទំហំ 6.44-inch Super AMOLED ។ សម្រាប់កម្រិតអេក្រង់ Ratio របស់វាក៏ខ្ពស់ផងដែរ។ យ៉ាងណាមិញ ពេលនេះ យើងនៅមិនទាន់អាចបញ្ជាក់បានអំពីរឿងនេះនៅឡើយទេ។ សម្រាប់កម្រិតភាពច្បាស់នៃអេក្រង់នេះគឺមានកម្រិត 2440×1080 ហើយវាក៏ទ្រទ្រង់នូវប្រព័ន្ធស្កេនក្រយ៉ៅដៃក្រោមអេក្រង់ថែមទៀតផង។
អ្វីដែលមានការចាប់អារម្មណ៍ខ្លាំងបំផុតនៅលើស្មាតហ្វូននេះ គឺទៅលើកាមេរ៉ារបស់វា។ សម្រាប់កាមេរ៉ាខាងមុខរបស់ស្មាតហ្វូននេះគឺមានភ្ជាប់ជាមួយនឹងកាមេរ៉ាផុសឡើងភ្លោះដែលមានទំហំ 32MP+2MP។
នេះគឺជាស្មាតហ្វូនដំបូងបំផុតដែលមានភ្ជាប់ជាមួយនឹងកាមេរ៉ាផុសឡើងភ្លោះនោះ។ សម្រាប់កាមេរ៉ាខាងក្រោយរបស់ស្មាតហ្វុននេះគឺមានការឌីស្សាញបញ្ឈរ ហើយសម្រាប់កាមេរ៉ាគោលគឺមានទំហំ 48MP គ្រាប់ទីពីរមានទំហំ 8MP និងគ្រាប់ទីបីមានទំហំ 2MP ហើយនឹងគ្រាប់ទី 4 មានទំហំ 2MP ដូចគ្នា។ ស្មាតហ្វូនស៊េរីថ្មី vivo V17 Pro នេមានភ្ជាប់ជាមួយនឹងបន្ទះឈីប Snapdragon 675 រ៉េមទំហំ 8GB និងម៉េមូរីក្នុងម៉ាស៊ីនទំហំ 128GB និងមានថាមពលថ្មរបស់វាមានទំហំ 4100mAh នឹងទ្រទ្រង់នូវបច្ចេកវិទ្យាបញ្ចូលថាមពលថ្មលឿនថែមទៀតផង។ សំរាប់ពត៌មានបន្ថែមសូមទស្សនា vivo Showroom ឬ Page ផ្លូវការ vivocambodia