ជាការពិតណាស់នៅក្នុងការិយាល័យធ្វើការរបស់លោកអ្នកគឺពិតជាត្រូវការចាំបាច់នូវម៉ាស៊ីនថតចម្លង ឬម៉ាស៊ីនព្រីនធ័រសម្រាប់ធ្វើការថតចម្លង និងព្រីនរាល់ឯកសារការងារប្រចាំថ្ងៃ។ យ៉ាងណាមិញប្រសិនបើបន្ទប់ការរិយាល័យធ្វើការរបស់លោកអ្នកមានលក្ខណះតូចចង្អៀតមិនសូវទូលាយ ហើយចង់បានម៉ាស៊ីនព្រីនធ័រដែលមានទំហំតូចល្មមផ្តល់ភាពងាយស្រួលក្នុងការទុកដាក់ និងមានសមត្ថភាពគ្រប់គ្រាន់អាចបំពេញតម្រូវការរបស់លោកអ្នកបាន។
នេះនែ…! ម៉ាស៊ីនព្រីនធ័រស៊េរីថ្មីរបស់ EPSON ម៉ូដែល Ecotank M-Series ដែលមានរូបរាងតូចល្មមងាយស្រួលទុកដាក់មិនត្រូវការកន្លែងទំនេរធំ ព្រមទាំងភ្ជាប់មកជាមួយមុខងារប្រើប្រាស់យ៉ាងសម្បូរបែបបំពេញបានតាមតម្រូវការប្រើប្រាស់។ Ecotank M-Series ឬ Ecotank Monochrome-Series គឺជាម៉ាស៊ីនព្រីនធ័រស-ខ្មៅដែលប្រើប្រាស់ទឹកថ្នាំប្រភេទ Black Ink។
ព្រីនធ័រ Ecotank M-Series ស៊េរីថ្មីនេះមាន 3 ម៉ូដែលរួមមានដូចជាម៉ូដែល M1140 ជាព្រីនធ័រដែល មានមុខងារសម្រាប់តែការព្រីនឯកសារប៉ុណ្ណោះ, ម៉ូដែល M2140 ជាព្រីនធ័រមានមុខងារ 3 គឺកូពី ព្រីន និងស្កែន រីឯម៉ូដែល M3170 ជាព្រីនធ័រដែលមានមុខងារ 4 (4-in-1) គឺកូពី ព្រីន ស្កែន និង Fax ឯកសារជាប្រភេទ PDF។
ព្រីនធ័រស៊េរីថ្មីរបស់ EPSON ទាំងបីម៉ូដែលនេះប្រើប្រាស់នូវបច្ចេកវិទ្យា Printhead ដែលជាបច្ចេកវិទ្យាថ្មីចុងក្រោយគឺ PrecisionCore Printhead technology ដែលមានល្បឿនលឿនប្រើពេលតែ 6 វិនាទីក្នុងការព្រីនឯកសារសន្លឹកដំបូង និងមានល្បឿនស្តង់ដារ ISO Printing កម្រិត 20ipm ជាមួយគុណភាពឯកសារច្បាស់ដិតល្អក្នុងកម្រិតភាពច្បាស់នៃរូបភាព 1,200x2,400dpi។ ជាមួយបច្ចេកវិទ្យាថ្មីនេះវាក៏ជួយសន្សំសំចៃក្នុងការប្រើប្រាស់ទឹកថ្នាំថែមទៀតផងដោយទឹកថ្នាំមួយដបអាចព្រីនឯកសារបានដល់ទៅ 6,000 ទំព័រឯណោះ។
ជាងនេះទៅទៀតជាមួយព្រីនធ័រស៊េរីថ្មីនេះក៏មាននូវមុខងារ Auto-Duplex ដែលអាចអោយយើងធ្វើការព្រីនឯកសារបានទំព័រសងខាងថែមទៀតផង។ ចំពោះលក្ខណះសន្សំសំចៃផ្សេងទៀតសម្រាប់ការជ្រើសរើសប្រើប្រាស់ជាមួយម៉ាស៊ីនព្រីនធ័រ Espon Ecotank M-Series គឺការប្រើប្រាស់កំលាំងភ្លើងតិចបំផុតគឺចន្លោះពី 12W ទៅ 14 W ប៉ុណ្ណោះសម្រាប់ការប្រតិបត្តិការការងារ និង បើកចោលគឺពួកវាប្រើប្រាស់ភ្លើងចន្លោះពី 0.2W ទៅ 0.3W តែប៉ុណ្ណោះ។
សម្រាប់ការតភ្ជាប់ទៅកាន់ម៉ាស៊ីនកុំព្យូទ័រ ឬទូរស័ព្ទដៃវិញមានភាពងាយស្រួលមែនទែនតែម្តងគឺភ្ជាប់បានតាមរយះខ្សែជាមួយរន្ធដោត USB2.0, រន្ធ Ethernet និងតាមរយះឥតប្រើខ្សែជាមួយមុខងារ Wi-Fi IEEE 802.11b/g/n និង Wi-Fi Direct ហើយអាចភ្ជាប់ដំឡើងបានជាមួយនឹងប្រព័ន្ធប្រតិបត្តិការចាប់ពី Windows XP ដល់ Windows 10 និង Windows Server ចាប់ពីជំនាន់ 2003 ដល់ 2016 រីឯប្រព័ន្ធប្រតិបត្តិការ MacOS វិញគឺចាប់ពីជំនាន់ OS X10.6.8 ឡើងទៅ។
រឹតតែពិសេសជាងនេះទៅទៀតវាក៏អនុញ្ញាតិអោយយើងធ្វើការភ្ជាប់សម្រាប់ព្រីនឯកសារចេញពីស្មាតហ្វូន ឬ Cloud Printing ជាមួយមុខងារ Epson Connect តាមរយះកម្មកម្មវិធីទូរស័ព្ទដូចជា Epson iPrint, Email Print, Remote Print Drive, Scan to Cloud, Apple AirPrint, Google Cloud Print និង Morpria Print Service ជាដើម។
ជារួមមកវិញការជ្រើសរើសប្រើប្រាស់ជាមួយនឹងម៉ាស៊ីនព្រីនធ័រ Epson Ecotank M-Series ទាំងបីម៉ូដែលនេះគឺវាផ្តល់នូវការសន្សំសំចៃលើការចំនាយខ្ពស់ ផ្តល់នូវភាពងាយស្រួលក្នុងការប្រើប្រាស់ និងជួយអោយការងារការិយាល័យរបស់លោកអ្នកមានភាពលឿនរហ័សទាន់តម្រូវការ។ ដូច្នេះប្រសិនបើលោកអ្នកមានតម្រូវការត្រឹមតែព្រីឯកសារតែមួយមុខលោកអ្នកអាចជ្រើសរើសប្រើជាមួយម៉ូដែល Ecotank M1140 ប៉ុន្តែប្រសិនបើលោកអ្នកមានតម្រូវការក្នុងកិច្ចការងារច្រើនដូចជាថតចម្លង ព្រីន ស្កែន និង Fax ឯកសារលោកអ្នកអាចជ្រើសរើសប្រើជាមួយម៉ូដែល Ecotank M2140 និង M3170។ Epson Ecotank M-Series ជាជម្រើសម៉ាស៊ីនព្រីនធ័រស៊េរីថ្មីដែលល្អ និងស័ក្តិសមបំផុតសម្រាប់ការងារការិយាល័យរបស់លោកអ្នក៕
ទស្សនាវីដេអូខាងក្រោម៖
