កម្មវិធីប្រកួតថតរូបប្រចាំឆ្នាំ Canon PhotoMarathon 2019 នេះ ត្រូវបានបង្ហាញឱ្យឃើញថា គឺជាព្រឹត្តិការណ៍ថតរូបកំរិតតំបន់មួយ ដែលបានស្វែងរកអ្នកថតរូប ដែលគ្មានអ្នកស្គាល់ អោយក្លាយជាអ្នកថតរូបដែលទីចាប់អារម្មណ៍ និងចាប់ផ្តើមសាងកេរ្តិ៍ឈ្មោះរបស់ខ្លួននៅក្នុងប្រទេសកម្ពុជា។ តាមរយៈការប្រកួតប្រជែងនេះ ប្រទេសកម្ពុជាយើង នឹងបានរកឃើញ អ្នកថតរូបដែលមានទេពកោសល្យខ្ពស់ជាច្រើន ក្នុងប្រទេសកម្ពុជា ហើយក៏បានផ្តល់ឱ្យពួកគេនូវទំនុកចិត្ត ដើម្បីបំពេញក្តីសុបិន្តរបស់អ្នក។
សូមជំរាបថា កន្លងមក មានមនុស្សជាច្រើន បានខិតខំប្រឹងប្រែងយ៉ាងខ្លាំងរៀងៗខ្លួនលើ វិស័យថតរូបមួយនេះ ហើយជាមួយកម្មវិធីប្រកួត ថតរូប Canon PhotoMarathon នេះ។ ព្រឹត្តិការណ៍នេះ នឹងនាំពួកគេអោយទៅដល់គោលដៅនៃចំណង់ចំណូលចិត្តដូចគ្នា រួមគ្នា, ការអភិវឌ្ឍសហគមន៍អ្នកថតរូប និងចំណងមិត្តភាព និងគាំទ្រគ្នាទៅវិញទៅមក ដែលជាទិសដៅដែលអាចអោយពួកគេ អភិវឌ្ឍជំនាញរបស់ពួកគេបន្ថែមទៀត, រួមទាំងការចាប់អារម្មណ៍របស់ពួកគេ និងការផ្លាស់ប្តូរគំនិតថ្មីអំពីការថតរូប។
យោងតាមការបញ្ជាក់របស់ក្រុមហ៊ុន i-Qlick បានអោយដឹងថា Canon PhotoMarathon លើកទី 9 នេះ គឺមានការផ្តល់រង្វាន់កាន់តែធំ និងកាន់តែច្រើនជាងមុន ដែលមានរហូតដល់ទៅ 18 រង្វាន់ឯណោះ ដោយមិនបូករួមទាំងរង្វាន់ដំណើរកំសាន្តថតរូបនៅក្រៅប្រទេសនោះទេ។ ហើយជ័យលាភី នឹងមានឱការជួយជំរុញអោយអ្នកថតរូបវ័យក្មេងទាំងឡាយនៅកម្ពុជា ដើម្បីស្វែងយល់ពីជំនាញរបស់ពួកគេបន្ថែមទៀតផង។
គួរបញ្ជាក់ថា ជារៀងរាល់ឆ្នាំ ក្រុមហ៊ុន Canon តែងតែបាននាំនូវព្រឹតិ្តការណ៍នេះ ហើយនៅថ្ងៃទី 8 ខែធ្នូ ឆ្នាំ 2019 នេះ ព្រឹត្តិការណ៍ការប្រកួតថតរូបដ៏ធំបំផុតនៅប្រទេសកម្ពុជាប្រចាំឆ្នាំ 2019 ក៏បានចាប់ផ្តើមដូចការគ្រោងទុក ដែលមានការចូលរួមពីសំណាក់បេក្ខជនជាច្រើននាក់ បានមកចូលរួម បង្ហាញថ្វីដៃ នឹងគំនិតច្នៃប្រឌិតរបស់ខ្លួន។ កម្មវិធីនេះ គឺបានធ្វើឡើងនៅសាលាតិចណូ។