Tecno Spark 4 Air គឺជាស្មាតហ្វូនម៉ូឌែលថ្មីចុងក្រោយបំផុតរបស់ក្រុមហ៊ុន TECNO ដែលបានប្រកាសចេញលក់ជាផ្លូវការនៅក្នុងប្រទេសកម្ពុជាយើងកាលពីពេលថ្មីៗនេះ បន្ទាប់ពីការដាក់អោយមានការបញ្ជាទិញមុនកាលពីពេលកន្លងទៅ ជាមួយនឹងការបន្ថែមជូននូវកាបូបមួយរួមនឹងកាសស្តាប់ធំមួយទៀតផង។ ស្មាតហ្វូន Tecno Spark 4 Air មានត្រឹមតែ 119 ដុល្លាទេ រាងក៏ស្អាត ពណ៍ក៏ស្រស់ សមត្ថភាពនោះក៏មិនណយដែរ!
ស្មាតហ្វូនស៊េរីថ្មីនេះ មានលក្ខណៈសម្បត្តិជាច្រើនដែលគួរអោយចាប់អារម្មណ៍ខ្លាំងមែនទែន។ ស្មាតហ្វូនស៊េរីថ្មី Tecno Spark 4 Air នេះ មានអេក្រង់ទំហំ 6.1 អ៊ីង ជាមួយនឹងកម្រិត Aspect Ratio ធំដល់ទៅ 19.5: 9 ដែលធ្វើអោយស្មាតហ្វូននេះមានភាពទាក់ទាញខ្លាំងបំផុតជាមួយនឹងអេក្រង់ធំដែលងាយស្រួលក្នុងការទស្សនាវីដេអូ ការលេងហ្គេម និងការកម្សាន្តជាច្រើនទៀត។
Tecno Spark 4 Air ភ្ជាប់ជាមួយនឹងបន្ទះឈីប MediaTek Helio A22 ល្បឿន 2GHz quad-core និងមានរ៉េមទំហំ 3GB ហើយនិងមានម៉េមូរីទំហំ 32GB ហើយអាចបន្ថែមនូវម៉េមូរីខាងក្រៅ microSD បានរហូតដល់ទៅទំហំ 256GB ។ ស្មាតហ្វូននេះមានថាមពលថ្មទំហំ 3000mAh ខ្លាំងក្នុងការប្រើប្រាស់។ អ្វីដែលកាន់តែទាក់ទាញជាងនេះទៀតនោះ ស្មាតហ្វូនម៉ូឌែលថ្មីនេះដំណើរការនូវប្រព័ន្ធប្រតិបត្តិការ Android 9 Pie ជាមួយនឹងស្បែកខាងលើ HiOS 5.0 ផងដែរ។
ស្មាតហ្វូននេះមានប្រព័ន្ធដោះសោរស្កេនមុខ Face Unlock ប្រព័ន្ធស្កេនក្រយ៉ៅដៃ (Fingerprint) និងសេនស័រជាច្រើនទៀត។ បើនិយាយអំពីកាមេរ៉ារបស់ស្មាតហ្វូននេះវិញនោះ វាមានការឌីស្សាញជាទម្រង់កាមេរ៉ាភ្លោះទំហំ 13-megapixel (f/1.8) +2-megapixel ភ្ជាប់ជាមួយនឹងភ្លើង Dual LED ដែលអាចធ្វើការថតរូបភាពបានច្បាស់ស្រស់ស្អាតមែនទែន។ សម្រាប់កាមេរ៉ាខាងមុខរបស់ស្មាតហ្វូននេះគឺមានទំហំ 5MP ភ្ជាប់ជាមួយនឹងភ្លើង Flash ផងដែរ។
ស្មាតហ្វូននេះមាន 2 ពណ៌សម្រាប់ធ្វើការជ្រើសរើសគឺ Nebula Black និង Royal Purple។ ស្មាតហ្វូន Tecno Spark 4 Air នេះទ្រទ្រង់នូវស៊ីមពីរ ហើយវាមានការតភ្ជាប់ទំនាក់ទំនងជាច្រើនដូចជា Wi-Fi, GPS, 3G និង 4G ផងដែរ៕
