A542UA គឺជាប្រភេទកុំព្យូទ័រយួរដៃពីក្រុមហ៊ុន ASUS ដែលមានសមត្ថភាពខ្លាំងបង្គួរ។ ជាមួយនឹងរូបរាង និងរចនាបទរបស់វា មើលទៅគឺមានលក្ខណៈ Premium ស៊ីវីល័យ សាកសមជាមួយសិស្ស និស្សិត ក៏ដូចជាអ្នកធ្វើការងារការិយាល័យ។
កុំព្យូទ័រយួរដៃនេះ ត្រូវបានក្រុមហ៊ុនចេញលក់ជាមួយនឹងតម្លៃត្រឹមតែ 539$ ប៉ុណ្ណោះ។ កុំព្យូទ័រថ្មីនេះ គឺមានបំពាក់នូវម៉ាស៊ីននូវកម្លាំងខ្លាំងល្មម គឺ CPU Intel Core I5 ជំនាន់ទី 8 (Core I5-8250U) រ៉េមDDR4 ទំហំ 4GB ជាប្រភេទ SDRAM ដែលមានកម្រិត 2133MHz អាចតម្លើងបានដល់ទៅទំហំ 16GB និងមានអង្គចងចាំភ្ជាប់ជាមួយទំហំ 1TB ប្រភេទ SATA អាចតម្លើង SSD បន្ថែមក្រៅបាន។
ASUS A542UA មានទំហំអេក្រង់ 15.6 អ៊ីង កម្រិតបង្ហាញ HD ប្រភេទAnti-Glare មានបច្ចេកវិទ្យា ASUS Splendid Technology ដែលជួយដល់កម្រិតបង្ហាញអេក្រង់អោយមានភាពរស់រវើកនិងពណ៌ដិតស្អាត។ នៅលើម៉ាស៊ីនេះ ក៏មានបំពាក់នូវ Speaker ចំនួន 2 គឺនៅខាងក្រោមផ្ទៃកុំព្យូទ័រផ្ទាល់ហើយវាក៏បានបំពាក់នូវបច្ចេកវិទ្យា Audio Wizardដែលជួយ Optimize ប្រព័ន្ធសម្លេងដើម្បីជំនួយដល់បទពិសោធន៍នៃការកម្សាន្តរបស់អ្នកបានថែមមួយកម្រិតទៀតផង។
ជាមួយគ្នានេះ A542UA ក៏បានបំពាក់ជាមួយនឹងបច្ចេកវិទ្យាសាកថ្មលឿន គឺវាមានសមត្ថភាពសាកពីសូន្យទៅ 60%ត្រឹម49នាទីប៉ុណ្ណោះដោយគ្មានភាពក្តៅថ្មរនោះទេ ព្រោះថា វាមានបច្ចេកវិទ្យា ASUS IceCool Technology ជួយកាត់បន្ថយកម្តៅបើទោះជាប្រើប្រាស់ក្នុងកំឡុងពេលយូរក៏ដោយ ដូច្នេះ លោកអ្នកអាចប្រើប្រាស់ ដោយមិនគួរបារម្ភពីបញ្ហាប៉ោងថ្មរនោះទេ។ A542UA ត្រូវបានដំណើរការដោយប្រព័ន្ធប្រតិបត្តិការណ៍ Window 10។
នៅលើតួនៃ A542UA គឺមានភ្ជាប់បំពាក់ជាមួយ Ports ជាច្រើនដូចជារន្ធ Audio Jack x 1 រន្ធ VGA x 1 រន្ធ USB Type A x 2 រន្ធ USB Type C x 1 រន្ធ USB 2.0 x 1 រន្ធ RJ45 x 1 រន្ធ HDMI x 1 រន្ធ SD Card Reader x 1 និងរន្ធសាកថ្ម។
