បន្ទាប់ពីបង្ហាញជាផ្លូវការនូវយុទ្ធសាស្ត្រថ្មីសម្រាប់ការវាយលុកទីផ្សារ និងប្រកួតប្រជែងជាមួយនឹងដៃគូររបស់ខ្លួននៅកម្ពុជា រួចមក នៅថ្ងៃនេះ ក្រុមហ៊ុន Huawei ប្រចាំនៅកម្ពុជា បានប្រកាសចេញនូវស្មាតហ្វូនថ្មីរបស់ខ្លួនមួយទៀតហើយ នោះ គឺម៉ូដែល Huawei Y9s ដែលមានតម្លៃត្រឹមតែ 259 ប៉ុណ្ណោះ ដើម្បីជាការឆ្លើយតបនឹងកំណើននៃទីផ្សារស្មាតហ្វូនកម្ពុជា។
ក្រុមហ៊ុនស្មាតហ្វូនដែលកំពុងតែលំដាប់លេខ 2 នៅលើពិភពលោកនេះ បានបញ្ជាក់ថា Huawei Y9s ដែលជាអាវុធសំងាត់ថ្មីរបស់ខ្លួនមួយនេះ គឺចាប់ផ្ដើមទទួលការកុម៉្មង់ចាប់ពីថ្ងៃនេះទៅហើយសម្រាប់អ្នកដែលបានកុម្ម៉ង់ទុកមុននោះ នឹងទទួលបានស្មាតហ្វូននៅថ្ងៃទី 12.12.2019 រួមជាមួយកាដូបន្ថែមកាតាបស្ពាយក្រោយ (Huawei Bagpack) រួមនិងស៊ីមកាត Smart លេខពិសេសផងដែរ។ ក្រុមហ៊ុន Huawei បានបន្តថា ដើម្បីធ្វើការកុម៉្មងបាននោះ អតិថិជនទាំងអស់ អាចទៅកាន់ Huawei Concept Store នៅតាមផ្សារទំនើប និង ហាងលក់ទូរសព្ទនៅក្នុងប្រទេសកម្ពុជាដែលនៅជិតលោកអ្នក។
Huawei បានបន្ថែមថា ជាមួយនឹងការចេញលក់ Huawei Y9s នៅពេលនេះ គឺនឹងមានផ្តល់ជូននូវជម្រើស 2 ពណ៌សម្រាប់ជ្រើសរើសគឺ ពណ៌ខ្មៅ និង ពណ៌គ្រីស្ទាល់។ ស្មាតហ្វូននេះ គឺបំពាក់មកជាមួយនូវរ៉េមទំហំ 6GB និងមានមេម៉ូរីទំហំដល់ទៅ 128GB ហើយនឹងអាចបន្ថែមមែមម៉ូរីរហូតដល់ 512GB ទៀតផង។
កាន់តែពិសេស HUAWEI Y9s បំពាក់កាមេរ៉ា AI ក្រោយចំនួន 3 គ្រាប់ដែលកាមេរ៉ាគោលសម្រាប់ថតប្លង់ទូទៅទំហំ 48MP(Super Clear Camera), ប្លង់ទូលាយ (Ultra Wide Angle) ទំហំ 8MP និងប្លង់ព្រាលក្រោយ (Depth Camera) ទំហំ 2MP ចំណែកកាមេរ៉ាមុខជាកាមេរ៉ាសែលហ្វី (Pop-up Selfie Camera) ទំហំដល់ទៅ 16MP ឯណោះ សម្រាប់ទំហំថ្មគឺ 4000 mAh ដែលអាចប្រើប្រាស់បានពេញ 1 ថ្ងៃ៕