MSI GP75 Leopard គឺជាកុំព្យូទ័រស៊េរីថ្មីមួយ ដែលត្រូវបានក្រុមហ៊ុនរចនាជាមួយនឹងរូបរាងស្រស់ស្អាតទាក់ទាញខ្លាំង ហើយនិងមានសមត្ថភាពល្អឥតខ្ចោះ សម្រាប់ការលេងហ្គេម។ ម៉ាស៊ីនថ្មីនេះ ប្រើប្រាស់នូវបន្ទះឈីប Intel Core i7 ជំនាន់ទី 9 រួមនិងក្រាហ្វិកកាត GeForce GTX 1650 និងជម្រើសមួយទៀត GeForce GTX 1660Ti ព្រមទាំងមានអេក្រង់ 17.3 អ៊ីង បង្ហាញរូបភាពបានកម្រិត Full HD (1920x1080) ជាមួយនឹងកម្រិត 144Hz IPS-level gaming panel ក៏ដូចជាបច្ចេកវិទ្យាប្រព័ន្ធត្រជាក់ Cooler Boost 5 ផងដែរ។
MSI GP75 Leopard ថ្មីនេះ ត្រូវបានក្រុមហ៊ុន MSI ប្រើប្រាស់នូវក្តារចុចប្រភេទ Per-Key RGB gaming keyboard របស់ក្រុមហ៊ុន SteelSeries ហើយមានផ្ទាំង Dragon Center ជាមួយនឹង Gaming Mode ផ្តាច់មុខកម្មវិធី MSI App Player សម្រាប់បទពិសោធន៍នៃការលេងហ្គេមយ៉ាងអស្ចារ្យរវាងស្មាតហ្វូន និង PC ក៏ដូចជាប្រព័ន្ធសំឡេង Giant Speakers លឺខ្លាំងជាងមុនដល់ទៅ 5 ដងថែមទៀត។ សម្រាប់អ្នកលេងហ្គេម នៅពេលដែលមានកុំព្យូទ័រនេះ នៅក្នុងដៃនោះ គឺពិតជាអស្ចារ្យជាមិនខាន ដោយសារតែពួកគេអាចគ្រប់គ្រងទៅលើពិភពហ្គេមនេះ កាន់តែងាយស្រួលបំផុត។
បើនិយាយអំពីគុណភាពសំឡេងនៅលើម៉ាស៊ីនកុំព្យូទ័រម៉ូដែលថ្មីនេះ គឺមានសំឡេងលឺខ្លាំងជាងមុនដល់ទៅ 5 ដង ជាមួយនឹងកម្រិតគុណភាពសំឡេងខ្ពស់ដែលអ្នកលេងហ្គេមជាច្រើន នឹងទទួលបាននូវអារម្មណ៍រីករាយតាមរយៈនូវ Speakers យក្សនេះផងដែរ។ សម្រាប់អ្នកលេងហ្គេមប្រភេទ 3D ក៏នឹងទទួលបាននូវសំឡេងពិរោះកម្រិត Surround Sound នេះ និងការគ្រប់គ្រងទៅលើតន្រ្តី ខ្សែភាពយន្ត និងការខល Conference បានថែមទៀតផង។ ប្រព័ន្ធសំឡេង Audio Boost គឺមានកម្លាំងខ្លាំងជាងមុន 30% ជាមួយនឹងការភ្ជាប់ជាមួយ AMP (Audio Power Amplifier) និងរន្ធដោតកាសស្តាប់ពណ៌មាសនេះ។
នៅក្នុងការអភិវឌ្ឍផ្តាច់មុខក្នុងភាពជាដៃគូជាមួយនឹងក្រុមហ៊ុន BlueStacks នោះ ការប្រើប្រាស់កម្មវិធី MSI App Player គឺនឹងអាចជួយអ្នកក្នុងការនាំយកនូវបទពិសោធន៍នៃការលេងហ្គេមអស្ចារ្យបំផុត សម្រាប់ហ្គេមនៅលើទូរស័ព្ទទៅកាន់ PC Platform នេះ មួយវិញទៀត គឺអ្នកអាចលេងហ្គេមនេះ ជាមួយនឹង Keyboard Lighting និងក្រាហ្វិកកម្រិតខ្ពស់។ រីឯ Dragon Center 2.0 ត្រូវបានក្រុមហ៊ុនរចនាសម្រាប់ធ្វើការគ្រប់គ្រង និងការបង្កើននូវកម្លាំងកាន់តែខ្លាំងក្លាទៅលើការលេងហ្គេមនៅលើម៉ាស៊ីននេះផងដែរ។
MSI GP75 Leopard គឺភ្ជាប់ជាមួយនឹងអេក្រង់មិនធម្មតានោះទេ ក្នុងការទស្សនា ដែលពិតជាជក់ចិត្តដិតអារម្មណ៍មែនទែនក្នុងការប្រើប្រាស់។ អ្វីដែលកាន់តែអស្ចារ្យជាងនេះទៀតនោះ វាមានភ្ជាប់ជាមួយនឹងក្តារចុច Per-Key RGB Gaming Keyboard របស់ក្រុមហ៊ុន Steel Series ដែលអ្នកប្រើប្រាស់នឹងចូលចិត្តរីករាយជាមួយនឹងការលេងហ្គេមដោយសារតែគ្រាប់ Keys នេះ មានភ្ជាប់ជាមួយនឹងភ្លើង Lighting ល្អបំផុតសម្រាប់ការលេងហ្គេម។
កុំព្យូទ័រលេងហ្គេមស៊េរីថ្មីនេះ មានភ្ជាប់ជាមួយនឹងអេក្រង់ Matrix Display សម្រាប់ធ្វើការទ្រទ្រង់ទៅលើមុខងារ Multi-Task ដែលអាចប្រើប្រាស់បាន 3 ម៉ូនីទ័រតាមរយៈរន្ធដោត HDMI និង mini DisplayPort នៅក្នុងកម្រិតទស្សនាដល់ទៅ 4K (3840x2160) កម្រិត 60Hz ដែលផ្តល់នូវភាពរីករាយកាន់តែអស្ចារ្យថែមទៀត។ បន្ថែមពីនេះទៀតនោះ ដើម្បីអោយម៉ាស៊ីននេះត្រជាក់នោះ ក្រុមហ៊ុន MSI ក៏ប្រើប្រាស់នូវរន្ធបំភាយកំដៅចំនួន 7 រន្ធសម្រាប់ធ្វើការពង្រឹងទៅលើភាពត្រជាក់ និងការលេងហ្គេមកាន់តែខ្លាំងក្លាបំផុតថែមទៀត៕
