ដោយសង្កេតឃើញពីសន្ទុះនៃរីកចំរើននៃវិស័យការថតរូបយ៉ាងខ្លាំងនៅក្នុងប្រទេសកម្ពុជា មួយរយៈចុងក្រោយនេះ ក្រុមការងារ CMPA (Certified Master Program Alliance) បានរៀបចំសិក្ខាសាលាមួយ ដែលមានឈ្មោះថា The Fantastic 3 Workshop ដែលបានប្រារព្ធឡើងកាលពីថ្ងៃ 21-22-23 ខែមករា ឆ្នាំ 2020 កន្លងទៅនេះ នៅក្នុងគោលបំណងបណ្តុះបណ្តាលជំនាញថតរូប Photography បែបជំនាន់ខ្ពស់ ដែលមានការចូលរួមពីអ្នកជំនាញល្បីៗមកពី Professional Masterclass Training រួមមានដូចជាលោក KEDA Z.Feng (ម៉ាឡេស៊ី), លោក Johnson Wee (ម៉ាឡេស៊ី) និលោក Pekridis (ក្រិក)។
អ្វីដែលគួរអោយកត់សំគាល់នោះ The Fantastic 3 Workshop គឺជាកម្មវិធីលំដាប់អន្តរជាតិមួយ ដែលមានការទទួលស្គាល់ និងប្រព្រឹត្តិឡើងនៅបណ្តាប្រទេសជាច្រើននីៅលើពិភពលោករួចមកហើយ ជាងនេះទៅទៀតនេះគឺជាលើកទីមួយសម្រាប់ប្រទេសកម្ពុជាផងដែរ។ កម្មវិធីសិក្ខាសាលជំនាញថតរូបជាន់ខ្ពស់ The Fantastic 3 Workshop នេះ បានប្រព្រឹត្តឡើងនៅក្នុងទីក្រុងភ្នំពេញមានរយៈពេល 3 ថ្ងៃ និងមានការចូលរួមពីសំណាក់យុវជនកម្ពុជា និងយុវជនបរទេសផងដែរ ដែលសុទ្ធសឹងតែមានចំណាប់អារម្មណ៍ខាងវិស័យថតរូប Photography និងវីដេអូ Videography។
លើសពីនេះទៅទៀត The Fantastic 3 Workshop បានផ្តល់នូវបទពិសោធន៍ និងជំនាញល្អៗជាច្រើនតាមរយៈនៃការយល់ដឹងពីទ្រឹស្តីនៃការថតរូប ការអនុវត្តន៍ផ្ទាល់ ការកែសម្រួលរូបដើម្បីអោយកាន់តែមានភាពទាក់ទាញ និងអ្វីដែលកាន់តែពិសេសថែមទៀតនោះ គឺអ្នកចូលរួមានមានឱកាសនៅក្នុងការសំណេះសំណាលជាមួយនឹងអ្នកជំនាញទាក់ទងទៅនឹងបច្ចេកទេស និងមានភាពច្នៃប្រឌិតនៃការថតរូបផ្សេងៗ។
សម្រាប់ព័ត៌មានបន្ថែម សូមទស្សនា វីដេអូខាងក្រោមនេះ៖
