MSI GF63 THIN គឺជាម៉ាស៊ីនកុំព្យូទ័រលេងហ្គេមជំនាន់ថ្មីមួយ ដែលសមត្ថភាពខ្លាំងក្លានៅបង្កើតឡើងសម្រាប់ពិភពហ្គេមពិតៗ ល្បឿនដំណើរការលឿនគ្មានដៃគូប្រជែង ព្រមទាំងមានរូបរាងស្រស់ស្អាតស្តើងកម្រាស់ត្រឹមតែ 21.7 មម និងទម្ងន់ត្រឹមតែ 1.86 គីឡូក្រាមប៉ុណ្ណោះ ។ បន្ទាប់ពីបានបង្ហាញវត្តមាននៅលើទីផ្សាររប្រទេសកម្ពុជា ឃើញថា ម៉ាស៊ីនថ្មីនេះ មានការចាប់អារម្មណ៍ខ្លាំងពីសំណាក់អ្នកប្រើប្រាស់ជាច្រើន។
MSI GF63 THIN ថ្មីនេះ ភ្ជាប់ជាមួយនឹងបន្ទះឈីបថ្មី GeForce GTX 1650 ដែលលឿនជាងមុនដល់ទៅ 126% និងប្រើប្រាស់នូវស្ថាបត្យកម្មនៃការឌីស្សាញ NVIDIA Max-Q ដែលពោរពេញទៅដោយភាពច្នៃប្រឌិតខ្ពស់ដែលធ្វើអោយម៉ាស៊ីនកុំព្យូទ័រនេះ មានរូបរាងស្តើងបំផុត លឿនបំផុត និងស្ងាត់បំផុតរបស់ពិភពលោក ។ នេះគឺជាម៉ាស៊ីនកុំព្យូទ័រលេងហ្គេម ដែលមានកម្រាស់ស្តើងបំផុតដែលអ្នកអាចយកតាមខ្លួនបានគ្រប់ទីកន្លែង ។
កុំព្យូទ័រស៊េរីថ្មី MSI GF63 THIN នេះ មានភ្ជាប់ជាមួយនឹងបន្ទះឈីប Intel Core i7 ជំនាន់ទី 9 ដែលមានអង្គគណនាចំនួន 6 គ្រាប់ដែលមានការបង្កើនល្បឿនលឿនជាងមុនដល់ទៅ 10% ហើយអ្វីកាន់តែពិសេសជាងនេះទៀតនោះ ម៉ាស៊ីនកុំព្យូទ័រនេះមានភ្ជាប់ជាមួយនឹងគែម Bezel ស្តើងមែនទែនដែលធ្វើអោយអេក្រង់របស់វាកាន់តែធំក្នុងការទស្សនា និងការកម្សាន្តថែមទៀតផង។ ជាមួយនឹងការឌីស្សាញនូវគែមស្តើងបែបនេះ អេក្រង់របស់វាគឺមានទំហំដល់ទៅ 15.6" Full HD (1920x1080), IPS level ដែលនេះ គឺជាជម្រើសដ៏ល្អបំផុត និងជាដៃគូដ៏ជិតស្និទ្ធិរបស់អ្នក។ កុំព្យូទ័រនេះ ដំណើរការនូវប្រព័ន្ធប្រតិបត្តិការ Windows 10 Home / Windows 10 Pro ។
MSI GF63 THIN នេះ មានភ្ជាប់ជាមួយនឹងថាមពលថ្មខាំ្លងដែលអាចប្រើប្រាស់បានចាប់ពី 7 ម៉ោង ទៅសម្រាប់ការកម្សាន្ត និងការងាររបស់អ្នក។ ថាមពលថ្មនេះគឺបានធ្វើតេស្តដោយស្តង់ដារ MobileMark 2014។ អ្វីដែលកាន់តែអស្ចារ្យទៀតនោះ វាមានភ្ជាប់ជាមួយនឹងប្រព័ន្ធសំឡេង NAHIMIC 3 ដែលមានការពង្រឹងទៅលើប្រព័ន្ធសំឡេង 3D surround soundនៅក្នុងហ្គេមបានយ៉ាងល្អបំផុត ហើយវាក៏ងាយស្រួលក្នុងការគ្រប់គ្រងទៅលើតន្ត្រី ខ្សែភាពយន្ត និងការខលនៅក្នុងសន្និសីទបានថែមទៀត។ អ្វីដែលរំភើបជាងនេះទៀតនោះ កុំព្យូទ័រនេះមានភ្ជាប់ជាមួយនឹង AUDIO BOOST ដែលបង្កើនសំឡេងលឺខ្លាំងជាងមុនដល់ទៅ 30% នេះគឺដោយសារតែការប្រើប្រាស់នូវ AMP (Audio Power Amplifier) និងរន្ធដោតកាសពណ៌មាស។
នៅក្នុងការសហការផ្តាច់មុខជាមួយនឹងក្រុមហ៊ុន BlueStacks នោះ កម្មវិធី MSI APP Player នាំយកនូវបទពិសោធន៍ក្នុងការលេងហ្គេមយ៉ាងសម្បូរបែបរវាងស្មាតហ្វូន និង PC នេះ ហើយវាក៏មានមុខងារជាច្រើនទៀតដែលអ្នកអាចធ្វើការបញ្ជាបានផងដែរដូចជាការប្រើប្រាស់ភ្លើងនៅលើ Keyboard និងការពង្រឹងទៅលើក្រាហ្វិកបានថែមទៀតជាមួយនឹងមុខងារ Multi-Task នោះ។
