ក្រុមហ៊ុន អ៊ីដតខូ គឺជាក្រុមហ៊ុនដ៏ធំមួយ ដែលមានបំរើសេវាកម្ម និងផ្គត់ផ្គង់លើដំណើរការ និងការគ្រប់គ្រងផលបត្រលើបង្គោលអង់តែនទូរស័ព្ទចំនួនជាង 3000 ក្នុងតំបន់ប្រចាំទីផ្សារចម្បងៗ ដែលរួមមានដូចជា នៅក្នុងប្រទេសម៉ាឡេស៊ី មីយ៉ាន់ម៉ា បង់ក្លាដែស កម្ពុជា ស្រីលង្កា និងប៉ាគីស្ថាន ជាដើម។
នៅថ្ងៃនេះក្រុមហ៊ុន អ៊ីដតខូ បានប្រកាសជ្រើសរើសបុគ្គលិកផ្នែក Key Account Manager សម្រាប់បំរើការងារនៅក្នុងប្រទេសកម្ពុជា ដើម្បីរួមចំណែកគ្រប់គ្រង នឹងផ្តល់ព័ត៍មានសម្រាប់នាយកប្រតិបត្តិផ្នែកទីផ្សារ និងផ្នែកលក់របស់ក្រុមហ៊ុន។ សូមជំរាបថា ក្រុមហ៊ុន edotco Group បានបង្កើតឡើងនៅក្នុងឆ្នាំ 2012 គឺជាក្រុមហ៊ុនដែលផ្តល់សេវាកម្មរួមផ្នែកហេដ្ឋារចនាសម្ព័ន្ធទូរគមនាគមន៍ដំបូងគេនៅអាស៊ី។ ក្រុមហ៊ុន edotco Group ផ្តល់សេវាកម្ម និងដំណោះស្រាយតាំងពីចាប់ផ្តើមរហូតដល់បញ្ចប់លើសេវាកម្មហេដ្ឋារចនាសម្ព័ន្ធបណ្តាញទូរស័ព្ទ រួមមាន ៖ ការជួលបង្គោលអង់តែន ការសាងសង់បង្គោលអង់តែនថ្មី ការផ្គត់ផ្គង់ថាមពលអគ្គិសនី ការភ្ជាប់បណ្តាញសេវាទូរស័ព្ទ និងសេវាតំហែទាំលើស្ថានីយផ្សាយរបស់ក្រុមហ៊ុនទូរស័ព្ទ។
រហូតមកមកទល់និងពេលនេះ ក្រុមហ៊ុន អ៊ីដតខូ បានបន្តខិតខំផ្តល់នូវលទ្ធផលជាទីគាប់ចិត្តក្នុងការផ្តល់សេវាហេដ្ឋារចនាសម្ព័ន្ធទូរគមនាគមន៍ និងដំណោះស្រាយ។ សេវាតម្លៃបន្ថែមរបស់ក្រុមហ៊ុននេះ ត្រូវបានគាំទ្រដោយសេវា echo ដែលជំរុញដល់ប្រសិទ្ធភាព ក្នុងការត្រួតពិនិត្យផ្នែ ប្រតិបត្តិការនៅតាមស្ថានីយ ដូចជា ការប្រើប្រាស់អាគុយ ថាមពលអគ្គិសនី និងប្រេងឥន្ធនៈសម្រាប់ហេដ្ឋារចនាសម្ព័ន្ធទូរគមនាគមន៍។