តើអ្នកពិតជាចង់បានឯកសារជាច្រើនដែលចាំបាច់ភ្លាមៗមែនទេ? ពេលនេះ អ្នកអាចធ្វើការព្រីនឯកសារទាំងនេះ បានគ្រប់ពេលវេលាយ៉ាងងាយស្រួលបំផុតតាមរយៈស្មាតហ្វូនរបស់អ្នក ឬតាមរយៈការតភ្ជាប់ Wireless បានយ៉ាងងាយស្រួលថែមទៀតផង។ ជាមួយនឹងការជ្រើសរើសប្រើប្រាស់ម៉ាស៊ីននេះ លោកអ្នកនឹងទទួលបាននូវលទ្ធផលជាទីគាប់ចិត្តដោយសារតែ Canon PIXMA TR15០ គឺមានធ្វើការបញ្ចូលថាមពលថ្ម រួចជាស្រេច ដូចនេះ អ្នកមិនចាំបាច់ស្វែងរកនូវកន្លែងសម្រាប់ដោតភ្លើងនោះទេ។ ម៉ាស៊ីននេះ អាចធ្វើការបញ្ចូលថាមពលថ្មតាមរយៈ USB charge បានយ៉ាងងាយស្រួលបំផុត និងមានការតភ្ជាប់ជាមួយនឹង Wi-Fi 2.4 និង 5Ghz។ កាន់តែពិសេសជាងនេះទៀតនោះ ម៉ាស៊ីនព្រីននេះ មានភ្ជាប់ជាមួយនឹងអេក្រង់ទំហំ 1.44 អ៊ីង ប្រភេទ OLED ដែលងាយស្រួលក្នុងការគ្រប់គ្រង និងថែរក្សាបំផុត។
អ្នកអាចធ្វើការព្រីនបានគ្រប់ទីកន្លែងដែលអ្នកទៅដល់៖ លោកអ្នកអាចធ្វើការងារជាច្រើនបានតាមរយៈម៉ាស៊ីននេះភ្លាមៗតែម្តង។ វាមានភាពងាយស្រួលនៅក្នុងការតភ្ជាប់ដោយសារតែវាប្រើប្រាស់នូវបច្ចេកវិទ្យាព្រីនឥតខ្សែ Wireless ចេញពីកុំព្យូទ័រ ស្មាតហ្វូន ឬការព្រីនរូបភាព អត្ថបទដែលគ្មានគែមនោះទេនៅលើសន្លឹកការងារ A4 របស់អ្នក។ អ្នកអាចធ្វើការព្រីនដល់ទៅ ៥ ទម្រង់ ហើយធ្វើការព្រីនបានដោយគ្រាន់តែចុចនៅលើប៊ូតុងមួយប៉ុណ្ណោះ។
លក្ខណៈសម្បត្តិពិសេសៗរបស់ម៉ាស៊ីនព្រីនស៊េរីថ្មីនេះ គឺព្រីនបានគ្រប់ពេលវេលា៖ សម្រាប់ការធ្វើដំណើររបស់អ្នកលែងជាបញ្ហាទៀតហើយ អ្នកអាចធ្វើការព្រីនឯកសារកាន់តែមានភាពងាយស្រួលជាងមុនបំផុត។ ម៉ាស៊ីនព្រីននេះនៅពេលដែលបញ្ចូលថាមពលថ្មម្តងនោះ អាចធ្វើការព្រីនក្រដាសបានដល់ទៅ 330 សន្លឹក ហើយអ្នកអាចធក្វើការព្រីននៅក្នុងការិយាល័យ នៅផ្ទះ ឬការព្រីនតាមរយៈការប្រើប្រាស់នូវរន្ធដោត USB Type C។
ការតភ្ជាប់កាន់តែងាយស្រួល ៖ ម៉ាស៊ីនព្រីននេះ មានភ្ជាប់ជាមួយនឹងបច្ចេកវិទ្យា Wireless Connect និងការគ្រប់គ្រងតាមរយៈកម្មវិធី Canon PRINT app, AirPrint (iOS), Mopria (Android) ឬ Windows 10 Mobileបានថែមទៀត។ ចុះបើមិនមានអ៊ីនធឺណិតនោះ? វាគ្មានបញ្ហានោះទេ អ្នកអាចធ្វើការព្រីនវាបានតាមរយៈបច្ចេកវិទ្យា Wireless Direct បាន។
គុណភាពច្បាស់គ្មានគូប្រៀប៖ ម៉ាស៊ីនព្រីននេះមានសមត្ថភាពខ្ពស់ក្នុងការព្រីន។ វាប្រើប្រាស់នូវទឹកថ្នាំ Hybrid ink ជាមួយនឹងការបង្កើតនូវអត្ថបទបានច្បាស់ស្រស់ស្អាតថែមទៀត។ សម្រាប់រូបភាពដែលធ្វើការព្រីននេះអាចប្រើប្រាស់បានដល់ទៅ 100 ឆ្នាំថែមទៀតដោយគ្មានបញ្ហានោះទេ។