PS42 គឺជាកុំព្យូទ័រយួរដៃជំនាន់ថ្មីរបស់ក្រុមហ៊ុន MSI ដែលឈានមុខគេនៅលើពិភពលោកទៅលើផ្នែក Hardware ហើយជាពិសេសទៀតនោះ កុំព្យូទ័រស៊េរីថ្មីនេះ ក៏មានរូបរាងស្រស់ស្អាត ទាក់ទាញ និងស៊ីវិល័យបំផុតក្នុងការប្រើប្រាស់ថែមទៀតផង។ PS42 នេះ បំពាក់នូវបន្ទះឈីប Intel Core i7 ជំនាន់ទី 8 ចុងក្រោយបំផុត និងប្រព័ន្ធប្រតិបត្តិការ Windows 10 Home/Windows 10 Pro ថែមទៀតផង។ PS42 បានបំពាក់មកជាមួយក្រាហ្វិចរហូតដល់ NVIDIA GeForce GTX 1050 Max-Q Design, 4GB GDDR5 ឬលោកអ្នកអាចជ្រើសរើសយកប្រភេទក្រាហ្វិកកាត NVIDIA GeForce MX250 2GB GDDR5 dedicated graphics បានផងដែរ
PS42 នេះមានរូបរាងតូចស្រស់ស្អាតទម្ងន់ស្រាលត្រឹមតែ 1.19Kg និងកម្រាស់ស្តើងត្រឹមតែ 15.9mm តែប៉ុណ្ណោះ ងាយស្រួលសម្រាប់លោកអ្នក ក្នុងយកតាមខ្លួន និងធ្វើការងារបានគ្រប់ទីកន្លែង។ វាពិតជាអស្ចារ្យមែនទែនក្នុងការប្រើប្រាស់ជាមួយនឹងកុំព្យូទ័រថ្មីនេះ។ កម្លាំងម៉ាស៊ីនខ្លាំងក្លាជាមួយនឹងក្រាហ្វិកកាតដាច់ Dedicated Graphics៖ សម្រាប់ក្រាហ្វិកកាត NVIDIA® GeForce® graphics នេះ ផ្តល់នូវកម្លាំងម៉ាស៊ីនខ្លាំងក្លាសម្រាប់ការកែប្រែទៅលើរូបភាព (Design) ការកែប្រែទៅលើវីដេអូកម្រិតអាជីព (video editing) ។
អ្វីដែលរឹតតែពិសេសទៀតនោះ អ្នកអាចកែប្រែរូបភាព និងវីដេអូកាន់តែងាយស្រួលជាមួយនឹងកម្មវិធីជាច្រើនដូចជា Adobe® Lightroom® និង Premiere® Pro ថែមទៀត។ ជាមួយនឹងការរចនារូបរាងយ៉ាងទាន់សម័យជាមួយនឹងតួខ្លួនធ្វើពីអាលុយមីញ៉ូមយ៉ាងស្រស់ស្អាតជាមួយនឹងគ្រាប់ចុច Keyboard ពណ៌សយ៉ាងទាន់សម័យនោះ ធ្វើអោយ PS42 មានរូបរាងតូចងាយស្រួលចល័ត ហើយថែមទាំងធន់ក្នុងការប្រើប្រាស់ថែមទៀត។
អេក្រង់ធំ គែមស្តើងងាយស្រួលក្នុងការទស្សនា និងការកម្សាន្ត៖ កុំព្យូទ័រ PS42 នេះមានគែមព័ទ្ធអេក្រង់ស្តើង Thin Bezel កម្រាស់ត្រឹមតែ 5.7mm ដូចនេះ កម្រិតអេក្រង់របស់វាគឺមានភាពធំទូលាយនៅក្នុងការទស្សនា។ អេក្រង់របស់កុំព្យូទ័រនេះមានទំហំ 14 អ៊ីង កម្រិតភាពច្បាស់ FHD IPS-Level anti-glare display ដែលការពារចំណាំងផ្លាតចេញពីអេក្រង់ថែមទៀត។
កម្លាំងម៉ាស៊ីនខ្លាំងក្លា៖ កុំព្យូទ័រ MSI PS42 នេះ គឺមានភ្ជាប់ជាមួយនឹងបច្ចេកវិទ្យា Cooler Boost 3 ផ្តាច់មុខជាមួយនឹងកង្ហារចំនួន 2 និងរន្ធសម្រាប់បំភាយកំដៅចំនួន ៣ ទៀតក្នុងការប្រើប្រាស់។ អ្នកនៅតែអាចរក្សានូវសីតុណ្ហភាពត្រជាក់ជានិច្ចសម្រាប់ការប្រើប្រាស់នៅលើម៉ាស៊ីនកុំព្យូទ័ររបស់អ្នក។ ភាពងាយស្រួលក្នុងការភ្ជាប់ទំនាក់ទំនង៖ សម្រាប់កុំព្យូទ័រយួរដៃ PS42 អាចប្រើប្រាស់ជាមួយនឹងរន្ធដោត USB Ports ចំនួន ៤ ។ សម្រាប់រន្ធដោត USB 3.1 មានល្បឿននៃការបញ្ចូនទិន្នន័យលឿនជាងរន្ធដោត USB 2.0 រហូតដល់ទៅ 10X ថែមទៀត។ នៅលើម៉ាស៊ីនរបស់កុំព្យូទ័រនេះមានភ្ជាប់ជាមួយនឹងរន្ធដោតជាច្រើនដូចជា SD Card Reader, USB3.1 ជំនាន់ទី 1, Type-C, USB3.1 ជំនាន់ទី 1, Type-A, DC-in, HDMI និង Audio Combo ថែមទៀត។
ថាមពលថ្មខ្លាំងប្រើប្រាស់បាន 10 ម៉ោង៖ ជាមួយនឹងការប្រើប្រាស់នូវថាមពលថ្មទំហំ 50Wh lithium-polymer នេះអាចប្រើប្រាស់ការងារបានពេញមួយថ្ងៃរយៈពេល 10 ម៉ោងដោយគ្មានបញ្ហានោះទេ។ មិនថាការធ្វើការងារ ឬការកម្សាន្តនោះទេ កុំព្យូទ័រ PS42 នេះគឺបង្ហាញអំពីស្ទាយ៍នៃការប្រើប្រាស់របស់អ្នក។
ការប្រើប្រាស់នូវមុខងារ One-Touch Access ជាមួយនឹង Windows Hello៖ សម្រាប់ម៉ាស៊ីនកុំព្យូទ័រ PS42 នេះ មានភ្ជាប់ជាមួយនឹងប្រព័ន្ធស្កេនក្រយ៉ៅដៃ fingerprint sensor ដែលត្រូវបង្កើតឡើងសម្រាប់ការការពារទៅលើទិន្នន័យឯកជនភាពផ្ទាល់ខ្លួន និងសុវត្ថិភាពនៃអាជីវកម្មរបស់អ្នក។ ការ Login ចូលទៅក្នុងកុំព្យូទ័រនេះ គឺពិតជាងាយស្រួលប្រើប្រាស់មែនទែនដោយគ្រាន់តែប៉ះម្រាមដៃរបស់អ្នកសម្រាប់ធ្វើការដោះសោរកុំព្យូទ័រនេះបានលឿន និងសុវត្ថិភាពខ្ពស់បំផុត។
បច្ចេកវិទ្យាពណ៌ថ្មីដ៏ស្រស់ស្អាត ៖ អ្វីដែលកាន់តែពិសេសជាងនេះទៀតនោះ កុំព្យូទ័រនេះភ្ជាប់ជាមួយនឹងបច្ចេកវិទ្យា MSI exclusive True Color Technology ដែលផ្តល់នូវ Modes ជាច្រើនផ្សេងគ្នាដែលល្អបំផុតក្នុងការប្រើប្រាស់នៅលើកិច្ចការប្រចាំថ្ងៃរបស់អ្នកនោះ។ វាភ្ជាប់ជាមួយនឹងពណ៌ sRGB, ល្អបំផុតសម្រាប់ការរចនា, ការធ្វើការងារនៅការិយាល័យ, ការទស្សនាកាន់តែអស្ចារ្យ, បច្ចេកវិទ្យា Anti-Blue សម្រាប់ការពារភ្នែក និងល្អបំផុតសម្រាប់អ្នកលេងហ្គេមថែមទៀត។
ប្រព័ន្ធសំឡេង 7.1 Audio ដ៏អស្ចារ្យ៖ លោកអ្នកអាចរីករាយជាមួយនឹងប្រព័ន្ធសំឡេងកម្រិតដូចនៅក្នុងរោងកុននៅពេលដែលអ្នកប្រើប្រាស់ជាមួយនឹងកុំព្យូទ័រនេះផ្ទះ។ ជាមួយនឹងប្រព័ន្ធសំឡេង Nahimic 3 Audio នេះ អាចធ្វើការពង្រឹងទៅលើសមត្ថភាពនៃការចាក់តន្រ្តីកាន់តែពិរោះអស្ចារ្យរណ្តំចិត្តជាមួយនឹងកម្រិត Virtual Surround Sound របស់អ្នក។