នៅថ្ងៃនេះ យោងតាម Page ផ្លូវការរបស់ oppo នៅកម្ពុជា បានផ្សាយថា ក្រុមការងារ OPPO Photography Academy នឹងធ្វើទស្សនៈកិច្ចទៅកាន់ តំបន់មួយចំនួនក្នុងខេត្តសៀមរាប នៅក្នុងពេលឆាប់ៗនេះហើយ ដើម្បីផ្តិតយករូបភាព និងកន្លែងប្រវត្តិសាស្រ្ត ក្នុងគោលបំណងផ្សព្វ ផ្សាយពីអរិយធម៌ និងវប្បធម៌ប្រទេសកម្ពុជា ដើម្បីចែករំលែកឲ្យគ្រប់គ្នាបានស្គាល់កាន់តែច្បាស់ និងបង្ហាញ ពីភាពអស្ចារ្យដែលមានលើដែនដីអឆ្ឆរិយៈរបស់យើងទៅកាន់ពិភពលោកទាំងមូល តាមរយៈរូបភាពដែល ថតដោយអ្នកជំនាញ។ កម្មវិធីនេះ នឹងចាប់ផ្តើមនៅថ្ងៃទី 12 ដល់ថ្ងៃទី 14 ខែកក្កដា ឆ្នាំ 2019 នេះ ដោយនឹងធ្វើដំណើរទៅកាន់ប្រាសាទអង្គរ ប្រាសាទបាយ័ន ប្រាសាទតាព្រហ្ម ប្រសាទកោះកេរ្ត៍ និងតំបន់បឹងទន្លសាប។
សូមបញ្ជាក់ផងដែរថា OPPO Photography Academy ត្រូវបានបង្កើតឡើងជាផ្លូវការណ៍ កាលពីថ្ងៃទី 05 ខែមិថុនាកន្លងទៅក្រោមអធិបតីភាពដ៏ខ្ពង់ខ្ពស់បំផុតរបស់ឯកឧត្តម ខៀវ កាញារិទ្ធ រដ្ឋមន្រ្តីក្រសួងព័ត៌ មាននៃព្រះរាជាណាចក្រកម្ពុជា និងលោកនាយកក្រុមហ៊ុន OPPO នៅកម្ពុជា គោលបំណង គឺដើម្បីជួយ ផ្សព្វផ្សាយអំពីស្នាដៃរបស់អ្នកដែលមានទេពកោសល្យក្នុងការថតរូប និងស្រលាញ់ការថតរូបធម្មជាតិ ប្រាង្គ ប្រាសាទបុរណ បែបវប្បធម៌ ប្រពៃណី បង្កើតសិល្បៈថ្មីៗប្រកបដោយភាពច្នៃប្រឌិត និងមានគុណភាពខ្ពស់ នៅក្នុងប្រទេសកម្ពុជាទាំងអស់ មានឱកាសអាចបង្ហាញនូវស្នាដៃដ៏អស្ចារ្យរបស់ខ្លួនទៅកាន់សារធាណៈ ជនទាំងនៅក្នុងប្រទេសកម្ពុជា និងទៅកាន់ពិភពលោកឲ្យកាន់តែទូលំទូលាយផងដែរ។