no-alternative title
no-alternative title
no-alternative title
no-alternative title
no-alternative title
no-alternative title
no-alternative title

តោះមកដឹងពីលក្ខណះសម្បត្តិខ្លះៗរបស់ TECNO Camon i4 ទាំងអស់គ្នាមុនពេលដែលស្មាតហ្វូនថ្នាក់កណ្តាល ដែលមានរូបរាងស៊ីវិល័យនេះ មកដល់កម្ពុជា

Camon i4 ត្រូវបានគេដឹងថា គឺស្មាតហ្វូនស៊េរីថ្មីចុងក្រោយបំផុតរបស់ក្រុមហ៊ុន TECNO Mobile ដែលនឹងមកដល់កម្ពុជាឆាប់ៗនេះ។ នេះគឺជាស្មាតហ្វូនដែលមានការឌីស្សាញដែលមានភ្ជាប់ជាមួយនឹង Notch ដ៏ស្រស់ស្អាត និងលក្ខណៈសម្បត្តិមួយចំនួនថែមទៀតផង។  ស្មាតហ្វូនស៊េរីថ្មី Camon i4 ត្រូវបានរចនាជាមួយនឹងរូបរាងស្តើង និងស្រស់ស្អាតទំហំតូចងាយស្រួលកាន់នៅក្នុងដៃ។ ស្មាតហ្វូននេះ មានអេក្រង់ទំហំ 6.2-inch IPS LCD display ជាមួយនឹងកម្រិតភាពច្បាស់ 720×1520 pixels មានថាមពលថ្មទំហំ 3400 mAh Li-ion និងប្រើប្រាស់នូវកាមេរ៉ា 3 គ្រាប់នៅខាងក្រោយ។ ក្រុមហ៊ុនបានអះអាងថា នេះ គឺជាកាមេរ៉ាល្អបំផុតសម្រាប់ប្រើប្រាស់។

 

no-alternative title

-ការរចនារូបរាង និងអេក្រង់

ស្មាតហ្វូនស៊េរីថ្មី Camon i4 គឺមានអេក្រង់ទំហំ 6.2-inch IPS LCD display ដែលមានអេក្រង់ប្រហែលជា 80% បើធៀបជាមួយនឹងតួខ្លួនរបស់វាដែលមើលទៅស្មាតហ្វូននេះ ពិតជាមានរូបរាងប្រណិតបំផុត។ ស្មាតហ្វូននេះ មានកម្រិតភាពច្បាស់ 720×1520 pixels ជាមួយនឹងអេក្រង់ IPS Touchscreen ដែលមានកម្រិតភិចសែលដង់ស៊ីតេ 271 ppi ដែលមានពណ៌ពន្លឺច្បាស់ងាយស្រួលមើលទៅលើ icons និងអក្សរបានយ៉ាងច្បាស់ល្អ។ ស្មាតហ្វូនស៊េរីថ្មី Camon i4 នេះ មានការបញ្ចូលគ្នារវាងលោហធាតុ និងតួខ្លួនធ្វើពីផ្លាស្ទិកដែលធ្វើអោយស្មាតហ្វូននេះមានភាពរឹងមាំក្នុងការប្រើប្រាស់បំផុត។ ស្មាតហ្វូននេះ មានទម្ងន់ប្រហែលជា 174 ក្រាម ហើយវាមាន ៤ ពណ៌សម្រាប់ធ្វើការជ្រើសរើសគឺ Midnight Black, Aqua Black, Nebula Black និង Champagne Gold ថែមទៀត។

-កាមេរ៉ា 3 គ្រាប់ដ៏ឆ្លាតវៃ

កាមេរ៉ា គឺជាមុខងារមួយដ៏សំខាន់នៅក្នុងការពិចារណាទៅលើការទិញស្មាតហ្វូនស៊េរីថ្មី។ ប្រសិនបើអ្នកស្វែងរកនូវស្មាតហ្វូនដែលមានតម្លៃសមរម្យក្នុងការប្រើប្រាស់បំផុតនោះ ហើយវាមានសមត្ថភាពកាមេរ៉ាខ្លាំងថែមទៀត Camon i4 គឺជាស្មាតហ្វូនដែលសក្តិសមបំផុតក្នុងការប្រើប្រាស់។ ស្មាតហ្វូនស៊េរីថ្មី Camon i4 នេះ មានកាមេរ៉ាដ៏ស្រស់ស្អាត។ កាមេរ៉ាខាងក្រោយទាំងបីមានទំហំ 13MP+8MP និង 2MP depth sensor។ កាមេរ៉ា 3 គ្រាប់នេះដំណើរការបានយ៉ាងល្អជាមួយនឹងមុខងារ High Dynamic Range និងកម្រិតគុណភាពច្បាស់បំផុតក្នុងការប្រើប្រាស់។ កាមេរ៉ានេះ អនុញ្ញាតអោយអ្នកថតវីដេអូនៅក្នុងកម្រិត 1080p ក្នុងកម្រិត 30 វិនាទីក្នុងមួយ frame ។

កាមេរ៉ារបស់ស្មាតហ្វូននេះ អាចផ្តិតរូបភាពបានច្បាស់លម្អិតបំផុតជាមួយនឹងពណ៌ស្រស់ស្អាត និងទាក់ទាញ។ អ្វីដែលខ្វះនៅលើកាមេរ៉ានេះ គឺវាមិនអាចធ្វើការថតរូបភាពនៅកន្លែងដែលមានពន្លឺទាបនោះ។ សម្រាប់មុខងារជាច្រើនទៀតនៅលើកាមេរ៉ានេះ មានដូចជា LED flash, panorama, HDR និង AR stickers សម្រាប់ការថតរូបភាព Selfies និងModes ជាច្រើនទៀតដូចជា beauty, bokeh និង AI។ សម្រាប់អ្នកដែលចូលចិត្តធ្វើការថតរូបភាព Selfie នឹងរីករាយជាមួយនឹងកាមេរ៉ាខាងមុខដែលមានទំហំ 16MP ថែមទៀត។ កាមេរ៉ាខាងមុខរបស់ស្មាតហ្វូននេះទ្រទ្រង់នូវបច្ចេកវិទ្យា Face ID សម្រាប់ការពារសុវត្ថិភាពថែមទៀតផង។

-បន្ទះឈីប និងកម្លាំងម៉ាស៊ីន

បើនិយាយអំពីកម្លាំងម៉ាស៊ីនរបស់ស្មាតហ្វូននេះ Camon i4 ប្រើប្រាស់នូវបន្ទះឈីប MediaTek MTK6761 Helio P22 ជាមួយនឹងអង្គគណនា octa-core ដែលដំណើរការនៅក្នុងល្បឿន 2.0 ជាមួយនឹងក្រាហ្វិកកាត Mali-T720 សម្រាប់ពង្រឹងទៅលើការលេងហ្គេម និងក្រាហ្វិកធំៗថែមទៀតស្មាតហ្វូនស៊េរីថ្មី Camon i4 នេះមាន 2 ទំហំគឺ 32GB ROM និង 3GB RAM ឬ 64GB ROM និង 4GB RAM ។

ស្មាតហ្វូននេះប្រើប្រាស់ស៊ីមពីរ ហើយស្មាតហ្វូនស៊េរីថ្មី TECNO i4 ក៏មានភ្ជាប់ជាមួយនឹងរន្ធដោត microSD Card ដែលអាចបន្ថែមនូវម៉េមូរីបានទំហំ 128GB ថែមទៀត។  ស្មាតហ្វូនស៊េរីថ្មី Camon i4នេះគឺភ្ជាប់ជាមួយនឹងសេនស័រជាច្រើនទៀតដូចជា proximity sensor ដែលធ្វើការតាមដាននៅពេលដែលអ្នកប្រើប្រាស់កាន់ស្មាតហ្វូននេះនៅក្បែរមុខរបស់ពួកគេនៅក្នុងអំឡុងពេលខល និងការបិទអេក្រង់ដើម្បីការពារការចុចនៅលើ Keypad និងការប្រើប្រាស់ថាមពលថ្មនៅលើអេក្រង់នេះ។ វាក៏មានភ្ជាប់ជាមួយនឹងសេនស័រ accelerometer sensor សម្រាប់ធ្វើការតាមដានទៅលើចលនាថែមទៀត។

ស្មាតហ្វូនស៊េរីថ្មី Camon i4 នេះ ភ្ជាប់ជាមួយនឹងប្រព័ន្ធស្កេនក្រយ៉ៅដៃដែលងាយស្រួលប្រើប្រាស់ និងមានសុវត្ថិភាពបំផុតក្នុងការការពារទិន្នន័យស្មាតហ្វូនរបស់អ្នក។ ស្មាតហ្វូនស៊េរីថ្មី TECNO Camon i4 នេះ មានរូបរាងស្រស់ស្អាត និងមានតម្លៃសមរម្យក្នុងការប្រើប្រាស់ ហើយវាក៏មានមុខងារប្រណិតជាច្រើន និងកាមេរ៉ា 3 គ្រាប់ថែមទៀត៕

 

no-alternative title

no-alternative title
ព័ត៌មានពាណិជ្ជកម្ម