ក្រោយពីបានបានបង្ហាញខ្លួនក្នុងកម្មវិធី Computex 2019 នៅក្នុងទីក្រុងតៃវ៉ាន់កាល់ពីថ្ងៃទី 27 ខែឧសភាឆ្នាំ 2019 កន្លងទៅនេះ។ Laptop ជំនាន់ថ្មីសេរី Vivobook S531 របស់ក្រុមហ៊ុន ASUS ត្រូវក្រុមហ៊ុនតំណាសងបនៅកម្ពុជា បានប្រកាសថា ផលិតផលថ្មីនេះ គឺបានមកដល់ទីផ្សារប្រទេសកម្ពុជាហើយ។
Vivobook S15 គឺជា Laptop ថ្មីមួយ ដែលបានបង្កើតឡើងស្របតាមភាពជឿនលឿននិងតម្រូវការរបស់យុវវ័យសម័យថ្មី មានជម្រើសពណ៌ចម្រុះស្អាតប្លែកភ្នែកចំនួន 5 ពណ៌ផ្សេងៗគ្នាដូចជា ពណ៌បៃតងស្លែរ ពណ៌ផ្កាឈូក ពណ៌ខៀវ ពណ៌ខ្មៅ និង ពណ៌ទឹកប្រាក់។
ផ្ទៃខាងលើផលិតដោយលោហៈមានរចនាបទប្លែកស្អាតអមទៅដោយ Logo ASUS Vivobook នៅខាងកៀន និងមានរន្ធចេញខ្យល់ប្រសើរជាងមុន និងមានSpeakersនៅចំហៀងនៃសម្បកខាងក្រោម ជាមួយនឹងបច្ចេកវិទ្យា ErgoLift ត្រជៀក Laptop រុញឡើង3.5°ដែលជំនួយដល់ការTyping អោយមានភាពងាយស្រួល។
លេបថបនេះ មានទម្ងន់ស្រាលត្រឹមតែ 1.8KG ងាយស្រួលដាក់ចូលកាបូបយកតាមខ្លួន មិនធំពេកក្នុងការយួរនិងយកទៅណាមកណា។ លេបថបនេះមានបច្ចេកវិទ្យា Four-sided NanoEdge Display ដែលផ្តល់ទំហំអេក្រង់ធំគ្មានគែម សឹងតែ 88% នៃផ្ទៃ Laptop ទៅហើយគឺគែមមានប្រវែងខ្លីត្រឹមតែ 5.2mm ដែលជួយទៅដល់បទពិសោធន៍នៃការសម្លឹងទៅលើអេក្រង់របស់អ្នកអោយកាន់តែប្រសើរឡើង។
លេបថបនេះ ត្រូវបានបំពាក់ CPU Core I7-8565U (Turbo Boost ដល់ទៅ 4.6GHz) និង Core I5-8265 (Turbo Boost ដល់ទៅ3.9GHz) ជំនាន់ទី8 និង GPU ដាច់ របស់ក្រុមហ៊ុន NVIDIA GeForce MX250 ដែលមានអង្គចងចាំប្រភេទ PCIe SSD ទំហំដល់ទៅ 1TB។ វាក៏ជាលេបថបដំបូងដែលបំពាក់បច្ចេកវិទ្យាInfrared (IR) Camera ដែលយើងអាច Log-in ដោយមិនប្រើដៃយ៉ាងមានសុវត្ថិភាពជាមួយនឹង Window Hello ដោយគ្រាន់តែក្រឡេកមើលទៅលើលេបថប និង បច្ចេកវិទ្យា Wi Fi 6 (802.11ax) ដែលមានល្បឿនលឿនជាងបច្ចេកវិទ្យា Wi Fi 5ដល់ទៅ 3 ដង ហើយបច្ចេកវិទ្យានេះ ផ្ទុកនូវ Network កាត់បន្ថយភាពស្ទក់យឺត 75% ដែលជួយដល់ការផ្ទេរវីឌី អូ4K ដែលជួយទៅដល់អ្នកដែលមានអាជីបជា Video Editor។ លើសពីនេះលេបថបមួយនេះបំពាក់ជាមួយនឹងប្រព័ន្ធសម្លេងរបស់បច្ចេកវិទ្យា Harmon Kardonដែលផ្តល់គុណភាពសម្លេងខ្ពស់ ល្អ បាស់បុកខ្លាំង លើសពីលេបថបដ៏ទៃ។
សម្រាប់ប្រិយមិត្តដែលទន្ទឹងរងចាំការមកដល់នៃលេបថប Vivobook S15 នេះ ក្រុមហ៊ុនASUSគឺមានលក់នៅក្នុងទីផ្សារប្រទេសកម្ពុជាចាប់ពីថ្ងៃនេះតទៅហើយ។ គួរបញ្ជាក់ផងដែរថាក្រុមហ៊ុនASUSនឹងមានព្រឹត្តិការណ៍ដាក់សម្ពោធតាំងបង្ហាញ ASUS Vivobook S531 នៅថ្ងៃទី 22 ខែកញ្ញា ឆ្នាំ 2019 ខាងមុខនេះ នៅផ្សារទំនើបអ៊ីអនម៉លសាខាទី 1។