ថ្មីៗនេះ មានការបែកធ្លាយជាបន្តបន្ទាប់នូវ ស្មាតហ្វូនស៊េរីថ្មី Huawei Y7a ដែលជាកំណែរអាប់ដេតថ្មីនៃស្មាតហ្វូនត្រកូល Y នាចុងឆ្នាំ 2020 នេះ។ អ្វីដែលគួរឲ្យកក់សម្គាល់នោះគឺ បច្ចេកវិទ្យាសាកថ្មមហាលឿនរបស់វា ដែលមានល្បឿនលឿនរហូតដល់ 22.5W Huawei SuperCharge សាក 30នាទី ប្រើពេញមួយថ្ងៃ កំលាំងថ្មយក្សទំហំ 5000មីលីអំពែ។ Huawei Y7a ត្រឡប់មកលើកនេះនាំមកជូនអ្នកប្រើប្រាស់ជាមួយនឹងការមេរ៉ា AI បួនគ្រាប់ 48MP អាចថតរូបវីដេអូ ស្អាតកប់គ្រប់ពេលវេលា ចំណែកឯកាមេរ៉ាមុខទម្លុះអេក្រង់ចំកណ្តាលមានសតម្ថភាពផ្តិតយករូបភាពស៊ែលហ្វីស្អាតបែបធម្មជាតិមិនសលើស។
ស្មាតហ្វូននេះ មានអេក្រង់ធំខ្នាតយក្ស 6.67” ជាមួយនឹងកម្រិតបង្ហាញ FHD+ ច្បាស់ត្រជាក់ភ្នែក ងាយស្រួលសម្រាប់ ការបំពេញការងារ ឬការកម្សាន្តផ្សេងៗដូចជាបាញ់ហ្គេម ទស្សនាខ្សែភាពយន្ត ការប្រគំតន្ត្រីច្រើនម៉ោង ក៏អស់ហានិភ័យរឿងបញ្ហាភ្នែក ព្រោះមានបំពាក់នូវ បច្ចេកវិទ្យាការពារភ្នែក TÜV Rheinland របស់ប្រទេសអាឡឺម៉ង់។ បើក្រឡេកមើលរូបរាងនៃទូរស័ព្ទដៃស៊េរីថ្មី Huawei Y7a គឺពិតជាមានភាពទាក់ទាញខ្លាំងមិនថាការចរនា ការឌីហ្សាញ និងពណ៌អែមត្រូវចិត្តតែម្តង ដែលសបញ្ជាក់ឲ្យឃើញច្បាស់នូវការផ្លាស់ប្តូរដ៏ធំរបស់ត្រកូល Y។
សម្រាប់អង្គផ្ទុកទិន្នន័យវិញ អតថិជននឹងអស់បារម្ភរឿងបញ្ហា Memory ពេញ ព្រោះវាមាន ROM ធំមហិមារហូតដល់ទៅ 128GB អនុញ្ញាតឲ្យគ្រប់គ្នាអាចរីករាយថតរូបវីដេអូ និងដោនឡូតហ្គេមម៉ាឆ្ងាញ់ឥតសំចៃដៃ។ ចំណែកតម្លៃវិញគឺនឹកស្មានមិនដល់ថា ក្រុមហ៊ុនហួវៃដាក់តម្លៃមិនដល់ $200ផង ដែលជាការពញ្ញាក់អារម្មណ៍ដ៏ធំសម្បើមមិនធ្លាប់មានពីមុនមក ព្រោះស្មាតហ្វូនស៊េរីថ្មី Huawei Y7a ល្អពេកហើយ គឺល្អលើសពីតម្លៃ។
យោងតាមហ្វេសប៊ុកផ្លូវការក្រុមហ៊ុនហួវៃនៅកម្ពុជា បានប្រឡូយនូវតម្លៃខ្ទង់ត្រឹមតែ 1XX ដុល្លារ https://www.facebook.com/huaweimobilekh/posts/3192649700839420
តាមការសន្និដ្ឋាន ស្មាតហ្វូនសេរីថ្មី Huawei Y7a តម្លៃត្រឹមតែ 1XX ដុល្លារ មានបីពណ៌សម្រាប់ជ្រើសរើសគឺពណ៌មាស បៃតង និងខ្មៅ ពិតជាមិនធម្មតាទេ ប្រហែលជាអាចដណ្តើមបានប្រជាប្រិយភាពខ្លាំងក្លាមិនចាញ់ស្មាតហ្វូនស៊េរីមុនៗប៉ុន្មានោះទេ។ យ៉ាងណាមិញមានតែរងចាំអ៊ុតមើលនូវតម្លៃពិតប្រាកដរបស់វាសិនហើយមើលទៅ!