ក្រុមហ៊ុន ជីហ្គៀ គ្រុប ( GGear Group ) បានសហការជាមួយនឹងក្រុមហ៊ុន LG Electronics ដែលជាដៃគូអាជីវកម្មដើម្បីរៀបចំសិក្ខាសាលាស្តីពីការបំពាក់ និងពង្រឹងជំនាញបន្ថែម (Skill Upgrade)លើបច្ចេកទេសក្នុងការដំឡើងម៉ាស៊ីនត្រជាក់ LG ជូនដល់ក្រុមជាងអ្នកជំនាញដំឡើងម៉ាស៊ីនត្រជាក់តាមសហគមន៍នីមួយៗផ្សេងៗគ្នានៅតាមទីរួមខេត្តនានា ទួរយ៉ាងខេត្តកំពង់ធំ និង ខេត្តសៀមរាប ។
គោលបំណងនៃការរៀបចំសិក្ខាសាលានេះឡើងគឺដើម្បីបង្កើនការយល់ដឹងបន្ថែមអំពីបច្ចេកវិទ្យាថ្មីៗ ក៏ដូចជាលក្ខណៈពិសេសមួយចំនួនរបស់ម៉ាស៊ីនត្រជាក់ រាប់ចាប់តាំងពី ម៉ាស៊ីនត្រជាក់តាមលំនៅដ្ឋាន (RAC) រហូតទៅដល់ ម៉ាស៊ីនត្រជាក់ពាណិជ្ជកម្ម (CAC) ព្រមទាំងបច្ចេកទេសដំឡើងអោយបានត្រឹមត្រូវតាមស្ដង់ដាររបស់ក្រុមហ៊ុនផ្ទាល់។
នៅពេលចាប់ផ្តើមអ្នកចូលរួមត្រូវបានផ្តល់ឱកាសដើម្បីចែករំលែកការព្រួយបារម្ភនិងបញ្ហាប្រឈមរបស់ពួកគេនៅក្នុងការងារប្រចាំថ្ងៃនិងផ្តោតលើវិធីដើម្បីទទួលបានលទ្ធផលល្អបំផុត។ ជាពិសេសចែករំលែកនូវបទពិសោធន៏ដែលក្រុមជាងជំនាញទាំងអស់កំពុងតែជួបប្រទះជាមួយបញ្ហក្នុងពេលការដំឡើងម៉ាស៊ីនត្រជាក់នាពេលបច្ចុប្បន្ន។ក្នុងវគ្គសិក្ខាសាលាមួយនេះ ក៏មានការធ្វើបទបង្ហាញអំពីការផ្ដល់សេវាកម្មជូនអតិថិជនប្រកបដោយជំនាញនិងវិជ្ជាជីវៈចាប់តាំងពីការស្លៀកពាក់រហូតទៅដល់ការនិយាយស្តីឆ្លើយតបទៅកាន់អតិថិជនផងដែរដើម្បីផ្តល់ភាពជឿជាក់ថែមមួយកំរិតទៀតដល់ពួកគាត់។
ក្រុមហ៊ុន ជីហ្គៀ គ្រុប ( GGear Group ) និង ក្រុមហ៊ុន LG Electronic នឹងខិតចំបង្កើតវគ្គបណ្តុះបណ្ដាលជំនាញបន្ថែមទៀតក្នុងការដំឡើងម៉ាស៊ីនត្រជាក់ដែលជាជំនាញរឹងក៏ដូចជាជំនាញទន់ជូនទៅដល់ក្រុមជាងអ្នកជំនាញដំឡើងម៉ាស៊ីនត្រជាក់តាមសហគមន៍អោយបានកាន់តែច្រើនតាមដែលអាចធ្វើទៅបានគ្រប់ខេត្តក្រុង ទូរទាំងប្រទេសកម្ពុជា។
