ថ្មីៗនេះ ក្រុមហ៊ុន ជីហ្គៀ គ្រុប (GGear Group) បានចូលរួមរៀបចំហេដ្ឋារចនាសម្ព័ន្ធមន្ទីរពេទ្យ និងមណ្ឌលព្យាបាលអ្នកជំងឺកូវីដ 19 បានចំនួន 5 កន្លែងហើយ ក្រោមកិច្ចសហកាជាមួយសមាគមគ្រូពេទ្យស័្មគ្រចិត្តយុវជនសមេ្តចតេជោ (TYDA) អស់រយៈពេល 7 សប្ដាហ៍។
សម្រាប់ទីតាំងទាំងប្រាំកន្លែងនោះ រួមមានដូចជា សណ្ឋាគារ The Great Duke មន្ទីរពេទ្យល្លួងម៉ែ មណ្ឌលព្យាបាលជំងឺកូវីដ 19 កោះពេជ្រទី 1 នឹង ទី2 និងមណ្ឌលព្យាបាលជំងឺកូវីដ 19 ទួលពង្រ ដែលមានគ្រែចំនួនសរុបប្រមាណជាង 4300 គ្រែ សំរាប់ដាក់ព្យាបាលប្រជាពលរដ្ឋដែលរងគ្រោះ ដោយការ ឆ្លងរីករាលដាលនៃជំងឺកូវីដ 19 ក្នុងសហគមន៏។
នៅក្នុងកិច្ចការនេះ ថ្នាក់ដឹកនាំ និងបុគ្គលិកក្រុមហ៊ុន ជីហ្គៀ គឺបានខិតខំប្រឹងប្រែងយ៉ាងសកម្មអស់ពីកម្លាំងកាយ កម្លាំងចិត្តទាំងយប់ ទាំងថ្ងៃ នៅក្នុងការរៀបចំកន្លែងសម្រាប់ព្យាបាលអ្នកជំងឺកូវីដ 19 អោយបានទាន់ពេលវេលា និងប្រកបដោយស្ដង់ដាសុវត្ថិភាពថែមទៀតផង។
ដូច្នេះ នៅក្នុងកាលៈទេសៈដ៏លំបាកនេះ ដើម្បីបង្ហាញពីស្មារតីសហការ និងសាមគ្គីភាពតែមួយ សូមបងប្អូនទាំងអស់គ្នា ចូលរួមគោរព និងអនុត្ដន៍វិធានការ 3 កុំ និង3 ការពារ ដើម្បីកម្ពុជារួចផុតពីជម្ងឺកូវីដ 19 ទាំងអស់គ្នា។
