នេះគឺជាម៉ាស៊ីនថតរូប និងវីដេអូស៊េរីថ្មីរបស់ក្រុមហ៊ុន Panasonic ម៉ូដែល LUMIX BGH1 Cinema 4K Box Camera។ ម៉ាស៊ីនថតរូបស៊េរីថ្មីនេះ ត្រូវបានក្រុមហ៊ុនរចនាឡើងបែបប្លែក ចេញជារាងដូចប្រអប់បួនជ្រុង មានទំហំតូចល្មមងាយស្រួលទុកដាក់យកតាមខ្លួន ដែលល្អសម្រាប់លោកអ្នកដែលនិយមចូលចិត្តក្នុងការផលិតវីដេអូរឿងអប់រំខ្លី និងវីដេអូ Vlog។ តួររបស់ Panasonic LUMIX BGH1 Cinema 4K Box មានទំងន់សរុប 545 ក្រាម ជាមួយនឹងទំហំវិមាត្ររាងជាការ៉េទំហំ 9.3x9.3cm និងកម្រាស់ 7.8cm។
នៅលើតួរខ្លួនរបស់ម៉ាស៊ីនថតរូបស៊េរីថ្មីរបស់ Panasonic នេះ មានភ្ជាប់មកជាមួយនឹងរន្ធ និងប៊ូតុងសម្រាប់ភ្ជាប់ជាមួយឧបករណ៍បន្ថែមខាងក្រៅដើម្បីប្រើប្រាស់បញ្ជាលើមុខងារផ្សេងៗបែបសាមញ្ញៗងាយស្រួលដល់ការប្រើប្រាស់ ក្នុងនោះរួមមានដូចជា រន្ធដាក់ម៉េមូរីកាតចំនួនពីរ, រន្ធម៉ិចស្រូបសំឡេង, រន្ធដោតកាស, រន្ធភ្ជាប់ខែ្ស Network RJ45 ឬ PoE+, រន្ធភ្ជាប់ឧបករណ៍ remote, HDMI2.0, USB-C3.1, រន្ធភ្ជាប់ខែ្ស 3G-SDI Cables, TC In/Out & Genlock, ប៊ូតុងចុចថត, ប៊ូតុងមីនុយ, កន្លែងភ្ជាប់ភ្លើង Flash រួមនឹងប៊ូតុងសំខាន់ៗមួយចំនួនទៀត។ យ៉ាងណាមិញ LUMIX BGH1 Cinema 4K Box មិនមានអេក្រង់សម្រាប់បញ្ជាមុខងារ ឬមើលសកម្មភាពផ្សេងៗកំឡុងពេលថតនោះ ប៉ុន្តែ យើងអាចភ្ជាប់អេក្រង់ពីខាងក្រៅបាន។
Panasonic Lumix BGH1 Cinema 4K Box បំពាក់នូវសែនស័រថតរូប និងវីដេអូប្រភេទ M4/3 Digital-Live MOS ទំហំ 10.2MP ភ្ជាប់នូវមុខងារ Dual Native ISO ដែលមានលទ្ធភាពក្នុងការបង្កើនកម្រិតពន្លឺ ISO ឡើងខ្ពង់បំផុត 80-204,800 ដោយស្វ័យប្រវត្តិតម្រូវតាមមជ្ឈដ្ឋាននៃប្លង់ថតនិមួយៗ និងមានកម្រិត ISO ថេរ 160-51,200។
សែនស័រកាមេរ៉ារបស់ Lumix BGH1 Cinema 4K Box ក៏មានភ្ជាប់នូវសែនស័រ Micro Four-Thirds Sensor ដើម្បីជំនួយដល់ការកាត់បន្ថយកម្រិតស្នាមអ៊ុចៗនៅលើសាច់វីដេអូ និងរូបភាពថែមទៀតផង។ ទៅលើសមត្ថភាពផលិតសាច់វីដេអូវិញសែនស័រ MOS ទំហំ 10.2MP នេះអាចធ្វើបានខ្ពស់ត្រឹមកម្រិត 4K ខ្នាត 4:2:2 ល្បឿន 60fps/50fps ជាមួយកម្រិតទឹកពណ៌ 10-bit និងមានកម្រិត 13-stops of dynamic rang ជាមួយនឹងមុខងារ V-Log L និង HLG Imaging។
ចំនែកការផលិតសាច់វីដេអូ Slow-Mo គឺអាចធ្វើបានកម្រិត 1080p@240fps។ ជាមួយគ្នានេះដែរ Panasonic Lumix BGH1 Cinema 4K Box អាចអោយយើងធ្វើការតភ្ជាប់បន្ថែមជាមួយនឹង Lens តពីក្រៅជាមួយស៊េរី Lumix G X Vario 12-35mm f/2.8 II ASPH. Power O.I.S. ក៏ដូចជាប្រភេទ Focal Length មួយចំនួនទៀតតាមតម្រូវការ។ ម៉ាស៊ីនថតវីដេអូស៊េរីថ្មីតូចច្រឡឹងមួយនេះដំណើរការលើអង្គគណនាស៊េរី Venus Engine Processor, មានថ្មជាប្រភេទ Li-Ion Battery Pack AG-VBR59, មានបច្ចេកវិទ្យាប្លូធូស និង Wi-Fi ថែមទៀតផង។
សរុបមក…ទាំងអស់នេះគ្រាន់តែជាគុណសម្បត្តិសំខាន់ៗតែមួយផ្នែករបស់ម៉ាស៊ីនថតស៊េរីថ្មី Panasonic Lumix BGH1 Cinema 4K Box ដ៏តូចច្រឡឹងមួយនេះប៉ុណ្ណោះ ហើយនៅលើម៉ាស៊ីនថត នេះនៅមានមុខងារសម្រាប់ប្រើប្រាស់ក្នុងការថតរូប និងវីដេអូកម្រិតអាជីពជាច្រើនទៀតតម្រូវបានតាមការចង់បាន ដែលអាចនិយាយបានថា Panasonic Lumix BGH1 Cinema 4K Box Camera គឺជា Compact Professional Video Creator Camera ដែលល្អបំផុតសម្រាប់ការផលិតវីដេអូបែបរឿងអប់រំខ្លីៗ និង Vlogger ឬអ្នកដែលចូលចិត្តធ្វើដំណើរផ្សងព្រេងដើម្បីថតរូប-វីដេអូទេសភាពប្លែកៗតាមព្រៃភ្នំជ្រលងដងអូរជាដើម៕
សម្រាប់ព័ត៌មានបន្ថែម សូមទំនាក់ទំនង ជាមួយហាង៖ https://www.facebook.com/sabbaynashcamerashop