no-alternative title
no-alternative title
no-alternative title
no-alternative title
no-alternative title
no-alternative title

OPPO កំពុងតែបង្កើនការស្រាវជ្រាវក្នុងការអភិវឌ្ឍទៅលើបន្ទះឈីបផ្ទាល់ខ្លួន ដោយបានទាញយកអ្នកជំនាញពីក្រុមហ៊ុនធំៗជាច្រើន

បច្ចុប្បន្ននេះ នៅក្នុងឧស្សាហកម្មស្មាតហ្វូន គឺមាននិន្នាការថ្មីៗជាច្រើន ហើយនឹងមានតម្រូវការយ៉ាងខ្លាំងសម្រាប់ក្រុមហ៊ុនមួយចំនួនអោយត្រៀមបង្កើននូវភាពឯករាជ្យផ្ទាល់ខ្លូន ជៀសវាងជួបរឿងដូចជាក្រុមហ៊ុន Huawei អញ្ចឹង។ និយាយពីអាជីវកម្មបន្ទះឈីប មកដល់ពេលនេះ គឺមានក្រុមហ៊ុនផលិតស្មាតហ្វូនចំនួន 3 ធំៗ ដែលមានប្រើប្រាស់បន្ទះឈីបខ្លួនឯង។ សម្រាប់ដំណើរការនៃការអភិវឌ្ឍនៃបន្ទះឈីបនេះ ក៏មានការពាក់ព័ន្ធជាមួយនឹងក្រុមហ៊ុនជាច្រើនទៀតផងដែរ។ 

 

no-alternative title

តាមការបញ្ជាក់នៅក្នុង “Nikkei Asia Review” បានអមោយដឹងថា សហរដ្ឋអាមេរិក នៅតែបន្តរារាំងក្រុមហ៊ុន Huawei និងក្រុមហ៊ុនជាច្រើនទៀតរបស់ចិន ដូច្នេះ ដើម្បីកុំអោយមានរឿងច្រំដែល ក្រុមហ៊ុន OPPO បានប្រកាសបង្កើននូវកិច្ចខិតខំប្រឹងប្រែងរបស់ខ្លួនក្នុងការឌីស្សាញបន្ទះឈីបរបស់ខ្លួនផងដែរ។ ក្រុមហ៊ុនបច្ចេកវិទ្យាយក្សរបស់ចិននេះ បានបន្តនូវការជ្រើសរើសនូវអ្នកជំនាញជាច្រើនពីក្រុមហ៊ុនជាច្រើនទៀតផងដែរ ដើម្បីជំនួយដល់ការស្រាវជ្រាវ។ 

ប្រភពជាច្រើន បានបញ្ជាក់ថា ក្រុមហ៊ុន OPPO បានជួលនាយកប្រតិបត្តិជាច្រើនពីក្រុមហ៊ុនផ្គត់ផ្គង់របស់ខ្លួន រួមមានដូចជាក្រុមហ៊ុន MediaTek ជាដើម។ បន្ថែមពីនេះទៀតក្រុមហ៊ុននេះក៏ជ្រើសរើសបុគ្គលិកវិស្វករជាច្រើនពីក្រុមហ៊ុន Ziguang Zhanrui ដែលជាក្រុមហ៊ុនអភិវឌ្ឍបន្ទះឈីបទូរស័ព្ទធំបំផុតទី 2 របស់ចិនផងដែរ។ ការជ្រើសរើសនូវបុគ្គលិកទាំងនេះ គឺពិតជាចាំបាច់ខ្លាំងណាស់ក្នុងការបង្កើតនូវក្រុមការងារផលិតផលិតបន្ទះឈីបនៅក្នុងទីក្រុងស៊ាងហៃ។ 

Jeffrey Ju ដែលជាអតីត COO របស់ក្រុមហ៊ុន MediaTek នៅពេលនេះ ក៏នៅជាមួយនឹងក្រុមហ៊ុន Oppo ផងដែរ។ បើទោះបីជាកាលពីមុនធ្វើការជាមួយនឹងក្រុមហ៊ុន MediaTek គាត់នៅតែធ្វើការជាទីប្រឹក្សារបស់ក្រុមហ៊ុន OPPO ផងដែរ។ បន្ថែមពីនេះទៀតនោះ ក្រុមហ៊ុន OPPO ក៏ធ្វើការទាក់ទងជាមួយនឹងក្រុមវិស្វករជាច្រើននៅក្នុងក្រុមហ៊ុន Qualcomm និង Huawei អំពីកិច្ចព្រមព្រៀងនេះផងដែរ។ តាមការបញ្ជាក់របស់ក្រុមហ៊ុនផលិតស្មាតហ្វូនរបស់ចិននេះ ក្រុមហ៊ុននេះ មានសមត្ថភាពជាច្រើនដែលអាចធ្វើការផលិតបន្ទះឈីបបាន។ ក្រុមហ៊ុន MediaTek និង Ziguang Zhanrui មិនធ្វើការអធិប្បាយទៅលើការអភិវឌ្ឍនេះទេ។ អ្នកវិភាគជាច្រើនជឿជាក់ថា ការឌីស្សាញបន្ទះឈីបខ្លួនឯងនេះជួយក្រុមហ៊ុន OPPO កាត់បន្ថយទៅលើការពឹងផ្អែកពីសហរដ្ឋអាមេរិក។ ប្រភពនៅក្នុងឧស្សាហកម្មនេះ បាននិយាយថា ការខិតខំនេះអាចនឹងចំណាយលុយច្រើន និងចំណាយពេលច្រើនឆ្នាំដើម្បីបានលទ្ធផល៕

 

no-alternative title

no-alternative title
ព័ត៌មានពាណិជ្ជកម្ម