កាលពីថ្ងៃទី 6 ខែមិថុនា ឆ្នាំ 2020 សែលកាតនៅតែបន្តការផ្តល់ជូនទឹកប្រាក់ដ៏ច្រើនសន្ធឹកសន្ធាប់ជូនដល់អតិថិជនរបស់ខ្លួន ក្នុងកម្មវិធីឈ្នះ១ម៉ឺនដុល្លាររៀងរាល់ថ្ងៃ ដែលកាលពីថ្មីៗនេះបានរកឃើញអ្នកដែលមានសំណាងឈ្នះទឹកប្រាក់រហូតទៅដល់ 100 000 ដុល្លារ ម្នាក់ទៀតហើយដែលរស់នៅលើទឹកដីខេត្តបាត់ដំបង។
ការចាប់រង្វាន់បានធ្វើឡើងកាលពីថ្ងៃទី 26 ខែមិថុនា 2020 ហើយក្រុមហ៊ុនបានពន្យាពេលការចាប់រង្វាន់ធំ 100 000 ម៉ឺនដុល្លានេះ រហូតដល់ម៉ោង 9 យប់ក្នុងថ្ងៃនោះដែរ។ អ៊ុំស្រី ខា ទៀង ដែលមានអាយុ 70 ឆ្នាំទៅហើយ គាត់ពិតជាអតិថិជនដ៏មានសំណាងមាន ព្រោះគាត់ទើបតែបានចូលរួមលេងកម្មវិធីនេះត្រឹមតែរយះពេល៣ថ្ងៃប៉ុណ្ណោះ ហើយក៏បានឈ្នះតែម្តង។ នៅថ្ងៃដែលចាប់រង្វាន់ គាត់បានលើកទូរសព្ទ័ពីក្រុមការងារសែលកាត ប៉ុន្តែគាត់ហាក់ដូចជាមិនបានដឹងថាគាត់ឈ្នះនោះទេ ដោយសារគាត់ចូលសំរាន្តស្ទើតែលង់លក់ទៅហើយ។
ប្រាក់រង្វាន់នេះ ត្រូវបានយកទៅប្រគល់ជូនអ៊ុំស្រី ខា ទៀង នៅឯគេហដ្ឋានរបស់គាត់ផ្ទាល់កាលពីថ្ងៃទី៤ ខែកក្កដាកន្លងទៅក្នុងទឹកដីខេត្តបាត់ដំបង។ អ៊ុំស្រី ខា ទៀង បានឱ្យដឹងថា៖ <<ខ្ញុំពិតជាអត់បានដឹងថាខ្ញុំបានឈ្នះទឹកប្រាក់ដ៏ច្រើនសន្ធឹកសន្ធាប់នេះទេ ខ្ញុំពិតជាមានអារម្មណ៍រំភើបឥតឧបមា ដែលមានសំណាងបានឈ្នះរង្វាន់ដ៏អស្ចារ្យបំផុតនេះ”។ ខ្ញុំសូមថ្លែងអំណរគុណជាអនេក ដល់ក្រុមហ៊ុនសែលកាតចំពោះឱកាសដ៏មហាសំណាងនេះ។
ដោយមានការសំណូមពរពីសំំណាក់អតិថិជនជាច្រើននៅតាមបណ្តារខេត្ត អោយមានការចាក់ផ្សាយលើកកញ្ចក់ទូរទស្សន៏ កម្មវិធីឈ្នះ 1 ម៉ឺនដុល្លាររៀងរាល់ថ្ងៃនឹងចាប់ផ្តើមការចាប់រង្វាន់ Live ផ្ទាល់នៅលើកញ្ចក់ទូរទស្សន៏ CTN រៀងរាល់ថ្ងៃនៅម៉ោង 7 ល្ងាច និងនៅលើទំព័រ YouTube របស់ក្រុមហ៊ុនសែលកាត។ ចូលរួមលេងជាមួយកម្មវិធីផ្សងសំណាងប្រចាំថ្ងៃនេះទាំងអស់គ្នាដោយគ្រាន់តែ តេទៅលេខ 8888 ឬផ្ញើសារ “10K” ទៅកាន់ 8888 ហើយបន្ទាប់មក អ្នកនឹងទទួលបានលេខផ្សងសំណាងទាំង 6 ខ្ទង់។
