ទូរទស្សន៍ Xiaomi Master Series OLED TV 65 អ៊ីង បានបង្ហាញខ្លួននៅក្នុងទីផ្សារប្រទេសចិនហើយ គឺមានតម្លៃ $1,840

ក្រុមហ៊ុន Xiaomi បានប្រកាសចេញនូវវត្តមានរបស់ទូរទស្សន៍ឆ្លាតវៃ OLED របស់ខ្លួនជាលើកដំបូងបំផុតដែលស្ថិតនៅក្រោមឈ្មោះ Mi TV Master Series។ ទូរទស្សន៍ឆ្លាតវៃនេះ គឺមានតម្លៃ 12,999 Yuan ($1,840) ហើយវាមានអេក្រង់ទំហំ 65-inch 120Hz 4K ដំណើរការដោយបន្ទះឈីប MediaTek chipset និង MIUI ថែមទៀតផង។

ទូរទស្សន៍ Mi TV Master series 65-inch OLED TV ថ្មីនេះ គឺមានការឌីស្សាញប្លែកបើធៀបជាមួយនឹងម៉ូឌែលមុនៗរបស់ក្រុមហ៊ុននេះ។ បើមើលទៅលើឈ្មោះរបស់វានោះ ទូរទស្សន៍នេះមានអេក្រង់កម្រិត 10-bit 65-inch 4K OLED ជាមួយនឹង 120Hz refresh rate, MEMC, 98.5% DCI-P3 color gamut,1000000:1 contrast ratio កម្រិតពន្លឺ 1000 nits, HDR10+, Dolby Vision, 1ms response time និង 98.8% screen to body ratio។

បន្ថែមពីនេះទៀតនោះ ទូរទស្សន៍នេះប្រើប្រាស់នូវបន្ទះឈីប MediaTek MTK9650 SoC ជាមួយនឹងក្រាហ្វិកកាត Mali-G52 MC1 GPU ។ បន្ទះឈីបនេះគឺមានរ៉េមទំហំ 3GB និងម៉េមូរីទំហំ 32GB ។ សម្រាប់កម្មវិធី Software វិញនោះ វាដំណើរការនូវ MIUI ជាមួយនឹងសេវាកម្ម Patchwall content ថែមទៀត។  ទូរទស្សន៍ Xiaomi OLED TV នេះមានភ្ជាប់ជាមួយនឹង 65W speaker system, 2 × 12.5W left/right channels, 2 × 10W surround channels និង 20W 50Hz ultra-low ថែមទៀត។ វាក៏មានការទ្រទ្រង់ទៅលើ DTS Audio, Dolby Audio និង Dolby Atmos 2.1.2 ។ វាក៏មាន 4-mic សម្រាប់មុខងារជំនួយការជាសំលេង XiaoAI voice assistant ផងដែរ។

ទូរទស្សន៍នេះ មានភ្ជាប់ជាមួយនឹង dual-band WiFi 5 និង Bluetooth 5.0 ជាមួយនឹងរន្ធផតជាច្រើនដូចជា 3 x HMDI, 2 X USB,  S/PDIF, optical, ethernet និង Antenna ថែមទៀត។ សម្រាប់មុខងារជាច្រើនទៀតរបស់ទូរទស្សន៍ Mi TV Master series 65-inch OLED នេះគឺមានដូជចា , DC Dimming, Variable Refresh Rate (VRR), Automatic Low Latency Mode (ALLM), Always-on Display (AOD) និង Gaming Mode ផងដែរ៕