កាលពីថ្ងៃទី 1 ខែ សីហា ឆ្នាំ 2020 កន្លងទៅនេះ ក្រុមហ៊ុន អាយ អេឡិកត្រូនិក បានធ្វើពិធីចុះហត្ថលេខាលើអនុស្សរណៈយោគយល់ជាមួយនិង មន្ទីរពេទ្យ ដឺ ប្រេស្ទីហ្ស៍ (The Prestige Hospital) ក្នុងគោលបំណង “ ផ្ដោតទៅលើការបង្កើននូវចំណងមិត្តភាពរវាងដៃគូជំនួញអោយកាន់តែជិតស្និតនឹង ដើម្បីពង្រឹងនូវប្រព័ន្ធ អេឡិចត្រូនិចក្នុងវិស័យសុខាភិបាល “។
កម្មវិធីដ៏មានន័យនេះ ត្រូវបានរៀបចំឡើងនៅមន្ទីរពេទ្យ ដឺ ប្រេស្ទីហ្ស៍ ផ្ទាល់តែម្ដង។ ដែលមានការចូលរួមពីលោក ឡែន តាន់ ជាអគ្គនាយកក្រុមហ៊ុន អាយ អេឡិកត្រូនិក លោក Warren Zwick ជាប្រធាន ITC Service តំណាងអោយ មន្ទីរពេទ្យ ដឺ ប្រេស្ទីហ្ស៍ និង ភាគីពាក់ព័ន្ធជាច្រើនទៀត។
នៅក្នុងកម្មវិធីដ៏ពិសេសនេះ លោកអគ្គនាយកក្រុមហ៊ុន អាយ អេឡិកត្រូនិក ក៏ដូចជាលោក Warren Zwick បានធ្វើបទបង្ហាញយ៉ាងក្បោះក្បាយស្ដីពីអត្ថន័យ និងគោលបំណង នៃការចុះហត្ថលេខាលើអនុស្សារណៈយោគយល់( MOU ) របស់ ភាគីទាំងពីរ ក៏ដូចជាបានឆ្លើយនូវសំនួរពីខាងសារពត៍មានយ៉ាងច្រើនផងដែរ។
គួរបញ្ជាក់ដែរថាក្រុមហ៊ុន អាយ អេឡិកត្រូនិក គឺជាក្រុមហ៊ុនដែលផ្គត់ផ្គង់នូវគ្រឿងបរិក្ខាអេឡិកត្រូនិកយ៉ាងសម្បូរបែប ដែលសុទ្ធសឹងតែជាផលិតផល ម៉ាកល្បីៗលើពិភពលោកដែលមានសមត្ថភាពខ្ពស់ជាទីទុកចិត្តនិងមានការធានាយ៉ាងត្រឹមត្រូវផងដែរ។ ចំណែកឯ មន្ទីរពេទ្យ ដឺ ប្រេស្ទីហ្ស៍ គឺជាមន្ទីរពេទ្យដែលផ្ដល់នូវទំនុកចិត្តខ្ពស់ដល់អ្នកជម្ងឺ ដោយព្យាបាលតាមរយៈឧបករណ៍ទំនើបៗ និងបុគ្គលិកដែលមានសមត្ថភាពខ្ពស់។
ឆ្លៀតក្នុងឱកាសនេះផងដែរ ក្រុមហ៊ុន អាយ អេឡិកត្រូនិក ក៏ដូចជា មន្ទីរពេទ្យ ដឺ ប្រេស្ទីហ្ស៍ ក៏សូមថ្លែងអំណរគុណដល់ អតិថិជនទាំងអស់ដែលតែងតែគាំទ្រដល់ក្រុមហ៊ុនទាំងពីរកន្លងមក ហើយសន្យាថា និង ខិតខំប្រឹងប្រែងពង្រឹង គុណភាព និង សេវាកម្មរបស់ខ្លួនជាបន្តទៀតជូនដល់អតិថិជនទាំងអស់។
បណ្ដាញទំនាក់ទំនង ៖ ក្រុមហ៊ុន អាយ អេឡិកត្រូនិក អាស័យដ្ឋានទី1 : អាគារ អូឡាំព្យា (ក្បែរស្តាតអូឡាំពិក) ផ្ទះលេខ S5-12 & S5-12A, ផ្លូវលេខ 161 សង្កាត់វាលវង់ ខណ្ឌ7មករា ភ្នំពេញ អាស័យដ្ឋានទី2 ផ្ទះលេខ 246 E0+E1 ផ្លូវព្រះមុនីវង្ស សង្កាត់ ទូរស័ព្ទ : 023 222 924គេហទំព័រ : www.icekh.com អ៊ីម៉ែល : [email protected] ហ្វេសប៊ុក : ICE Electronics មន្ទីរពេទ្យ ដឺប្រេស្ទីហ្ស៍ អាស័យដ្ឋាន : ផ្ទះលេខ 16&18 (ក្បែរផ្សារកាប់គោ) សង្កាត់ទន្លេបាសាក់ ខណ្ឌចំការមន ភ្នំពេញ ទូរស័ព្ទ : 023 266 999 គេហទំព័រ : www.tph.asia អ៊ីម៉ែល : [email protected] ហ្វេសប៊ុក : The Prestige Hospital