ល្មមដល់ពេលផ្លាស់ប្តូរទូរស័ព្ទ 4G ទៅកាន់តែ 5G ហើយ! Huawei nova 7 SE ស្មាតហ្វូនសេរីថ្មីទ្រទ្រង់បច្ចេកវិទ្យា 5G តម្លៃត្រឹមតែ 3XX ដុល្លារប៉ុណ្ណោះ នឹងមកដល់ឆាប់ៗនេះហើយ

តើអ្នកកំពុងតែកាន់ប្រើទូរស័ព្ទ4G មែនទេ? ! តោះល្មមដល់ពេលផ្លាស់ប្តូរទូរស័ព្ទ4G ទៅកាន់តែ 5G វិញម្តងហើយ ដើម្បីទទួលបានបទពិសោធន៍ថ្មីស្រឡាងពីបច្ចេកវិទ្យា 5G ដែលនឹងមកដល់ឆាប់នេះ។ ជាពិសេសមិនតែម្តងបានទាំងទូរស័ព្ទទ្រទ្រង់បច្ចេកវិទ្យា5G និងថតរូបវីដេអូស្អាតកប់ស៊េរីទំហំធំ រហូតដល់ 64MP មុខងារថ្មីចុងក្រោយ វីដេអូ Dual-View ជាមួយនឹងស្មាតហ្វូនស៊េរីថ្មីបំផុត Huawei nova 7 SE ដែលមានតម្លៃលក់ត្រឹមតែ 3XX ដុល្លារ។ យោងតាមទំព័រហ្វេសប៊ុកផ្លូវការ Huawei Mobile ប្រចាំប្រទេសកម្ពុជាបានកំពុងតែព្រឡូយបង្ហាញកាន់តែជាក់ច្បាស់ថាស្មាតហ្វូនស៊េរី Huawei nova 7 SE នឹងមកដល់ក្នុងពេលដ៏ខ្លីខាងមុខនេះ ដែលជាពេលវេលាដ៏សក័្តសមបំផុតក្នុងការផ្លាស់ប្តូរទូរស័ព្ទ 4G ទៅកាន់ 5G យោងតាមការបង្ហើបរបស់ក្រុមហ៊ុនហួវៃនៅប្រទេសកម្ពុជាបានឲ្យដឹងថា “ដល់ពេលដែលត្រូវផ្លាស់ប្តូរ មកប្រើស្មាតហ្វូន 5G វិញម្តង” ហើយទទួបានការចាប់អារម្មណ៍ខ្លាំងពីសំណាក់អ្នកលេងបណ្តាញសង្គមគួរឲ្យកត់សម្គាល់។  

ស្មាតហ្វូន Huawei nova 7 SE ត្រូវបានក្រុមហ៊ុនធ្វើកំណែអាប់ដេតសាហាវលើ បច្ចេកវិទ្យា5G បំពាក់កាមេរ៉ាថតរូបវីដេអូកម្រិតអាជីព និងរូបរាងកាន់តែទាក់ទាញ រចនាឡើងពីកញ្ចក់ 3D ស្រស់ស្អាតទាន់សម័យពណ៌ត្រូវចិត្ត។ Huawei nova 7 SE 5G មានអេក្រង់ទំហំ 6.5” កម្រិតបង្ហាញ 2400x1080 ភិកស៊ែល ភ្ជាប់បច្ចេកវិទ្យាការពារភ្នែក បំពាក់កាមេរ៉ាក្រោយ 4គ្រាប់ 64MP អាចថតវីដេអូកម្រិត 4K ថតវីដេអូយឺត Slow-Mo កម្រិត 960 fps ច្បាស់ត្រជាក់ភ្នែក។ លើសពីនេះ មុខងារថ្មី វីដេអូ Dual-View អនុញ្ញាតឲ្យអ្នកអាចថតវីដេអូស៊ែលភ្ជាប់ជាមួយនឹងវីដេអូទេសភាព ក្រុមគ្រួសារ មនុស្សជាទីស្រឡាញ់ ឬសត្វចិញ្ចឹម ហើយពិតជាត្រូវម៉ាច់ចំពោះអ្នកចូលចិត្តធ្វើវីដេអូ Vlog។ សម្រាប់ការថតរូបវិញកាន់តែអែម ដោយ Huawei nova 7 SE មានកាមេរ៉ាមេទំហំ 64MP ( High Resolution Lens, f/1.8) អាចថតស្អាតច្បាស់ក្រឡែតសព្វវត្ថុក្នុងរូបភាពដែលចង់ផ្តិតយក។ សម្រាប់ពេលយប់វិញ អ្នកប្រើប្រាស់កាន់តែអស់បារម្ភក្នុងការផ្តិតយករូបភាព ទេសភាព ក្រុមគ្រួសារ មិត្តភក្តិ ឬមនុស្សជាទីស្រឡាញ់ បានច្បាស់ស្អាតគ្មានគ្រាប់អ៊ុច ជាមួយនឹងមុខងារបច្ចេកវិទ្យាថ្មី HUAWEI AI  Image Stabilization និង Handheld Super Night Mode។

កាមេរ៉ាទី2 ទំហំ 8MP (f/2.4) ជាកាមេរ៉ាសម្រាប់ថតប្លង់ទូលាយ Ultra Wide Angle បាន 120ដឺក្រេ អាចថតរូបភាព ទេសភាព ទិដ្ឋភាពទីក្រុង និងការជួបជុំមិត្តភក្តិក្រុមគ្រួសារបានកាន់តែទូលាយ។ កាមេរ៉ាទី3 បំពាក់នូវឡេន Macro ទំហំ 2មេហ្គាភិកស៊ែល f/2.4 សម្រាប់ថតរូបជិតៗរហូតដល់ទៅ 4cm ដែលនឹងផ្តល់នូវការថតរូបភាពតាមទូរស័ព្ទដៃកាន់តែរស់រវើក។ សម្រាប់កាមេរ៉ាទី4 ទំហំ 2មេហ្គាភិកស៊ែល (f/2.4) ភ្ជាប់បច្ចេកវិទ្យា AI depth perception សម្រាប់ថតរូបព្រាលផ្ទៃខាងក្រោយ Bokeh ធ្វើឲ្យរូបភាពដែលផ្តិតចេញមកកាន់តែទាក់ទាញ និងលេចធ្លោបំផុត។

Huawei nova 7 SE 5G មានកាមេរ៉ាមុខទម្លុះអេក្រង់ សម្រាប់ថតរូបស៊ែលហ្វីច្បាស់ស្អាតនៅពេលយប់ជាមួយនឹងមុខងារ Super Night Selfie 2.O Mode ភ្ជាប់បច្ចេកវិទ្យា Multi-Frame សម្គាល់ការថតគ្រប់សណ្ឋាន និងផ្តល់ពន្លឺដោយស្វ័យប្រវត្តនៅពេលថតស៊ែលហ្វីពេលយប់ ហើយរូបភាពមួយសន្លឹកៗដែលផ្តិតចេញមកភ្លឺសស្អាតបែបធម្មជាតិ។ ជាពិសេសបច្ចេកវិទ្យាAIជំនួយការថតរូបស៊ែលហ្វី អាចកំណត់សម្គាល់មុខមនុស្ស ស្រមោល និង ពន្លឺធ្វើឲ្យររូបថតស៊ែលហ្វីបែប Portrait កាន់តែអេម។  Huawei nova 7 SE ភ្ជាប់នូវ Huawei AppGallery អាចដោនឡូត Facebook, Instagram, Line, Tiktok, WhatsApp កុម្ម៉ង់ម្ហូបតាម App Food Panda, Bloc Delivery, eGets  ទិញទំនិញតាម Khmer24, L192, ZANDo, Smile Shop, AliExpress  កម្មវិធីកក់ TADA,  WeGo, SmartRide, ឬ រៀនតាមអនឡាញ E-school Cambodia និង Zoom ម៉ាឆ្ងាញ់ រហ័សរលូនឥតទាក់។ 

Huawei nova 7 SE មានរ៉េម 8GB អង្គផ្ទុកទិន្នន័យ 128GB មានថាមពលថ្ម 4000mAh ភ្ជាប់បច្ចេកវិទ្យាសាកថ្មលឿនដូចថាសហោះ Huawei SuperCharge 40W មានស៊ីមពីរ ទ្រទ្រង់បច្ចេកវិទ្យា 5G។ តាមការសន្និដ្ឋាន ស្មាតហ្វូនស៊េរីថ្មីទ្រទ្រង់បច្ចេកវិទ្យា5G ដំបូងគេបង្អស់ Huawei nova 7 SE ដែលមានតម្លៃ 300-400 ដុល្លារ អាចនឹងជម្រុញឲ្យក្រុមហ៊ុនហួវៃដណ្តើមយកចំណែកទីផ្សារស្មាតហ្វូនក្នុងជួរមុខគេក៏ថាបាន ប៉ុន្តែជាក់ស្តែងយ៉ាងណានោះមានតែរងចាំអ៊ុតមើលបន្តទៀតទាំងអស់គ្នា។