no-alternative title

សែលកាត បានចាប់ផ្តើមកម្មវិធីបរិច្ចាគថវិកាដើម្បីជួយដល់ជនរងគ្រោះដោយសារទឹកជំនន់ តាមរយៈគម្រោងផលិតបទចម្រៀងដ៏ធំបំផុតរបស់ខ្លួន

ក្រុមហ៊ុនសែលកាត បានប្រកាសនៅថ្ងៃនេះថា ខ្លួននឹងចាប់ផ្តើមកម្មវិធីបរិច្ចាគថវិកាដើម្បីផ្តល់ជំនួយសង្គ្រោះ និងស្តារនីតិសម្បទានៅតាមតំបន់ដែលរងផលប៉ះពាល់ដោយសារទឹកជំនន់ធ្ងន់ធ្ងរ ដែលកំពុងជះឥទ្ធិពលដល់អាយុជីវិត និងជីវភាពរស់នៅរបស់ពលរដ្ឋខ្មែរនៅខេត្តចំនួន ១៧ ក្នុងចំណោមខេត្តទាំង 25 របស់កម្ពុជា។

 

រូបភាពពាណិជ្ជកម្ម
no-alternative title

កម្មវិធីបរិច្ចាគនេះ នឹងញុំាងឱ្យមានការចាប់ផ្តើមគម្រោងប្រចាំឆ្នាំដ៏ធំបំផុតមួយរបស់សែលកាត ដែលជាគម្រោងផលិតបទចម្រៀងមិនចំឡងគេ ក្រោមការសហការរវាងក្រុមហ៊ុនសែលកាតជាមួយនឹង SongKites និងតារាឆ្នើមៗកំពុងពេញនិយមទាំង 8 ដួងទៀតនៅកម្ពុជាផងដែរ។ បទចម្រៀងនេះ ត្រូវបាននិពន្ធឡើងដើម្បីជាការបង្ហាញនិងកោតសរសើរដល់ភាពខ្លាំង និងភាពរឹងមាំរបស់ប្រជាជនខ្មែរ។

ដើមឡើយ ដោយមានបំណងដើម្បីជាការជម្រុញទឹកចិត្ត និងការអបអរភាពប្រសើឡើងវិញ ពីជម្ងឺរាតត្បាតកូវីដ-១៩របស់កម្ពុជា គម្រោងនេះនឹងត្រូវបានផ្តើមដាក់ឱ្យដំណើរការមុនការគ្រោងទុក ជាមួយគោលបំណងដើម្បីផ្សព្វផ្សាយនូវភាពវិជ្ជមាន និងជួយដល់ជនរងគ្រោះដោយសារទឹកជំនន់តាមរយៈកម្មវិធីបរិច្ចាគថវិកា នៅក្នុងគ្រាដ៏លំបាកនេះ។

បទចម្រៀង ដែលមានចំណងជើងថា “ពិភពលោកយើងតែមួយ” នេះ គឺជាការបង្ហើរសំនៀងរួមគ្នារវាងព្រះនាងតូច នរោត្ដម ជេនណា កញ្ញា រ៉េត ស៊ូហ្សាណា កញ្ញា មាស សុខសោភា លោក ខាន់ ជែមស៍ លោក ហេង ពិទូ អ្នកនាង ខាត់ សុឃីម លោក ចេន និងកញ្ញា អ៊ីវ៉ា។ បទចម្រៀងនេះ នឹងមានដាក់ជូនសម្រាប់ដោនឡូតនៅក្នុងកម្មវិធី Calltunes របស់សែលកាត ក្នុងតម្លៃ ២០សេន ខណៈបទចម្រៀងជាវីដេអូដែលមានគុណភាពខ្ពស់ នឹងមានផ្តល់ជូននៅក្នុងកម្មវិធី Cellcard Music Streaming ក្នុងតម្លៃ ៥ សេន/ថ្ងៃ។

រាល់ថវិកាទាំងអស់ដែលបានមកពីការដោនឡូដបទចម្រៀងនៅក្នុង Calltune និងការភ្ជាប់សេវាកម្ម Music Streaming ចាប់ពីថ្ងៃទី ១៥ ខែតុលា ដល់ថ្ងៃទី ៣១ ខែតុលា នឹងត្រូវយកទៅបរិច្ចាគជូនដល់កាកបាទក្រហម ដើម្បីជួយគាំទ្រដល់ការឆ្លើយតបជាបន្ទាន់របស់អង្គការនេះ ក្នុងការជួយសង្គ្រោះពលរដ្ឋខ្មែររាប់ពាន់នាក់ ដែលកំពុងភៀសខ្លួនដោយសារគ្រោះទឹកជំនន់។

ថវិកាបរិច្ចាគនេះ នឹងជួយគាំទ្រដល់ការផ្តល់ស្បៀងអាហារ ទីជម្រក និងទឹកស្អាតដល់ជនរងគ្រោះ ក៏ដូចជាបុគ្គលិកស្ម័គ្រចិត្តរបស់កាកបាទក្រហម ដែលកំពុងចូលរួមក្នុងការជួយសង្គ្រោះនិងជម្លៀសប្រជាពលរដ្ឋផងដែរ។

លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុនសែលកាត បានមានប្រសាសន៍ថា ក្រុមការងាររបស់សែលកាត និងបុគ្គលិកទាំងអស់របស់ក្រុមហ៊ុនរ៉ូយ៉ាល់គ្រុប បានបង្ហាញនូវក្តីព្រួយបារម្ភយ៉ាងខ្លាំងចំពោះសុខសុវត្ថិភាព និងសុខុមាលភាពរបស់បងប្អូនពលរដ្ឋខ្មែរ ដែលកំពុងរងគ្រោះដោយសារទឹកជំនន់។

“យើងកំពុងរួបរួមសាមគ្គីគ្នាដើម្បីបើកយុទ្ធនាការរៃអង្គាសថវិកាបន្ទាន់ ក៏ដូចជាធានាឱ្យបានថារាល់ប្រតិបត្តិការនិងសេវាកម្មទាំងអស់របស់យើង ផ្តល់នូវទំនុកចិត្តប្រើប្រាស់ខ្ពស់ និងនៅតែដំណើរការដើម្បីឱ្យក្រុមគ្រួសារទាំងអស់អាចប្រាស្រ័យទាក់ទងគ្នាបាន”។

“យើងសូមជម្រុញឱ្យអ្នកទាំងអស់គ្នា មកចូលរួមជាសាមគ្គីភាពជាមួយក្រុមហ៊ុនសែលកាត ក្រុមហ៊ុនរ៉ូយ៉ាល់គ្រុប និងសិល្បករដ៏មានទេពកោសល្យទាំងអស់ ដែលបានចូលរួមចំណែកក្នុងការសហការផលិតបទចម្រៀងថ្មីនេះ”។

យើងនឹងប្រកាន់ខ្ជាប់នូវការប្តេជ្ញាចិត្តរបស់យើងក្នុងការជួយដល់អតិថិជនដែលកំពុងជួបការលំបាក ក៏ដូចជាផ្តោតការយកចិត្តទុកដាក់ក្នុងការប្រឹងប្រែងជួយដល់សហគមន៍ ដែលកំពុងរងផលប៉ះពាល់ដោយសារគ្រោះទឹកជំនន់ និងជម្ងឺរាតត្បាតផងដែរ។

ចុះមើលវីដេអូ: 

សម្រាប់ព័ត៌មានលម្អិតបន្ថែម សូមចូលទៅកាន់( www.cellcard.com.kh ) ឬតេទៅកាន់ 012812812/ 812។

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
 HONOR X7b ថ្មអមតៈ ធន់មាំស្វិត ថតរូបច្បាស់ស្អាតកម្រិតអាជីព មានលក់ជាផ្លូវការហើយតម្លៃត្រឹមតែ 169$ ប៉ុណ្ណោះ!

HONOR X7b ថ្មអមតៈ ធន់មាំស្វិត ថតរូបច្បាស់ស្អាតកម្រិតអាជីព មានលក់ជាផ្លូវការហើយតម្លៃត្រឹមតែ 169$ ប៉ុណ្ណោះ!

ដោយ ប៉េងលីន
រថយន្តអគ្គិសនី Xpeng P7i Wing Edition បង្ហាញខ្លួនជាមួយលក្ខណៈសម្បត្តិខ្ពស់ជាងម៉ូដែលមុន នឹងមានតម្លៃ 30900 ដុល្លារ

រថយន្តអគ្គិសនី Xpeng P7i Wing Edition បង្ហាញខ្លួនជាមួយលក្ខណៈសម្បត្តិខ្ពស់ជាងម៉ូដែលមុន នឹងមានតម្លៃ 30900 ដុល្លារ

ដោយ ប៉េងលីន
ការឌីស្សាញផ្នែកខាងក្រៅ និងខាងក្នុងនៃរថយន្ត Kia K4 ត្រូវបានបង្ហាញចេញនៅមុនការមកដល់នៅថ្ងៃទី 27 ខែមេសា

ការឌីស្សាញផ្នែកខាងក្រៅ និងខាងក្នុងនៃរថយន្ត Kia K4 ត្រូវបានបង្ហាញចេញនៅមុនការមកដល់នៅថ្ងៃទី 27 ខែមេសា

ដោយ ប៉េងលីន
រថយន្តអគ្គិសនី Aito M9 មានការបញ្ជាទិញច្រើនជាង 60,000 គ្រឿងហើយក្រោយពីការប្រកាសចេញបាន 86 ថ្ងៃ

រថយន្តអគ្គិសនី Aito M9 មានការបញ្ជាទិញច្រើនជាង 60,000 គ្រឿងហើយក្រោយពីការប្រកាសចេញបាន 86 ថ្ងៃ

ដោយ ប៉េងលីន
នៅពេលនេះ តាក់ស៊ីហោះ បានចាប់ផ្តើមដាក់លក់នៅលើទីផ្សារអនឡាញនៅក្នុងប្រទេសចិនហើយ

នៅពេលនេះ តាក់ស៊ីហោះ បានចាប់ផ្តើមដាក់លក់នៅលើទីផ្សារអនឡាញនៅក្នុងប្រទេសចិនហើយ

ដោយ ប៉េងលីន
Hongqi EH7 Sedan EV រថយន្តអគ្គិសនីសុទ្ធ ប្រកាសលក់ផ្លូវការនៅទីផ្សារជាមួយតម្លៃ $31,900 ដុល្លារ

Hongqi EH7 Sedan EV រថយន្តអគ្គិសនីសុទ្ធ ប្រកាសលក់ផ្លូវការនៅទីផ្សារជាមួយតម្លៃ $31,900 ដុល្លារ

ដោយ ប៉េងលីន