ក្រុមហ៊ុន ជីហ្គៀគ្រុប (GGear Group ) និងក្រុមហ៊ុន LG Electronics បានប្រារព្ធនូវពិធីសម្ពោធជាផ្លូវការ សាខាថ្មីមួយទៀត គឺ LG BRANDSHOP សាខាក្រុងដូនកែវ ដែលមានអាស័យដ្ឋាន ផ្លូវលេខ 107 ភូមិវាលយន្ដ សង្តាត់ស្វាយរៀង ខេត្តស្វាយរៀង ។
កម្មវិធីនេះធ្វើឡើងនៅថ្ងៃទី 06 ខែ មករា ឆ្នាំ 2022 ដែលមានការចូលរួមក្រោមអធិបិតីភាពឯកឧត្តម សុខ រស់ អភិបាលរងនៃគណៈអភិបាលខេត្តស្វាយរៀង ថ្នាក់ដឹកនាំរបស់ក្រុមហ៊ុន ជីហ្គៀ គ្រុប ( GGear Group ) និងក្រុមហ៊ុន LG Electronics ប្រចាំប្រទេសកម្ពុជា។
LG BRANDSHOP សាខាក្រុងស្វាយរៀង គឺមានដាក់តាំងបង្ហាញ និងលក់នូវរាល់ឧបករណ៏អេឡិចត្រូនិចរបស់ម៉ាក LG ទាំងអស់ដែលមានដូចជា ទូរទស្សន៍ ម៉ាស៊ីនត្រជាក់ ទូរទឹកកក ម៉ាស៊ីនបោកសំលៀកបំពាក់ ឧបករណ៍បំពង សម្លេង និង ឧបករណ៏ប្រើប្រាស់ក្នុងផ្ទះជាច្រើនផ្សេងទៀត ដែលសុទ្ធសឹងតែជាផលិតផលទំនើបៗ និងម៉ូដែលថ្មីៗ ចុងក្រោយគេបង្អស់របស់ LG ។
នាក្នុងឱកាសនៃពិធីសម្ពោធ LG BRANDSHOP សាខាក្រុងស្វាយរៀងនាថ្ងៃនេះ ឯកឧត្តម សុខ រស់ អភិបាលរងនៃគណៈអភិបាលខេត្តស្វាយរៀងបានមានប្រសាសន៍ថា “ ការបើកសម្ពោធហាងលក់គ្រឿងអេឡិចត្រូនិច LG BRANDSHOP នាពេលនេះបង្ហា្ញញអោយឃើញពីការជឿជាក់ និងទុកចិត្ដលើប្រសិទ្ធិភាពវ៉ាក់សាំងកូវីដ១៩ ជាពិសេសជឿជាក់លើការដឹកនាំគ្រប់គ្រងរបស់រាជរដ្ឋាភិបាលដែលមានបុរេវិនិច្ឆ័យខ្ពស់ ចង្អុលបង្ហាញនិងចាត់ចែងការងារប្រយុទ្ធប្រឆាំងនឹងជំងឺកូវីដ១៩ ប្រកបដោយប្រសិទ្ធភាពខ្ពស់។
ចំណែកលោក ហ៊ ហាប់ អគ្គនាយករងក្រុមហ៊ុន ជីហ្គៀ គ្រុប លោកក៏ប្រសាសន៏ផងដែរថា “ ថ្ងៃនេះតាំងនាមអោយថ្នាក់ដឹកនាំក្រុមហ៊ុន ជីហ្គៀ គ្រុប និង រូបខ្ញុំបាទផ្ទាល់ សូមថ្លែងអំណរគុណយ៉ាងជ្រាលជ្រៅជូនចំពោះឯកឧត្ដម រស់ សុខ អភិបាលរងខេត្តស្វាយរៀង ដែលបានផ្តល់កិត្តិយសចូលរួមជាអធិបតីភាពដ៏ខ្ពង់ខ្ពស់ក្នុងពិធីសម្ពោធហាងទំនើប LG BRANDSHOP សាខាក្រុងស្វាយរៀង ។
វត្តមានរបស់ឯកឧត្ដម នាថ្ងៃនេះ គឺជាកាតាលីករមួយបន្ថែមទៀតដែលជួយជំរុញលើកទឹកចិត្តអោយរូបខ្ញុំបាទ និង ក្រុមការងារទាំងអស់បន្តការខិតខំប្រឹងប្រែងដើម្បីពាំនាំនូវបច្ចេកវិទ្យាទំនើបចុងក្រោយបំផុតមកប្រទេសកម្ពុជា។ ជាពិសេសមកកាន់ខេត្តស្វាយរៀង ដើម្បីជាគុណប្រយោជន៍មួយផ្នែកក្នុងការសិក្សា និង ការធ្វើការរបស់ប្អូនៗក៏ដូចជាសំរួលដល់ការងារធុរ:កិច្ចផ្សេងៗផងដែរ ។
LG BrandShop សាខាក្រុងស្វាយរៀង គឺជាសាខាទី18 ក្នុងចំណោម LG BRANDSHOP ទាំងអស់ទូទាំងប្រទេសកម្ពុជា ដែលក្នុងនោះមាន 7 សាខាទីតាំងសិ្ថតនៅក្នុងរាជធានីភ្នំពេញបូករួមទាំង Aeon 1 និង Aeon 2 នឹង 11 សាខាទៀតស្ថិតនៅតាមបណ្តាខេត្តនានា។ យើងនឹងបន្តបើកសាខាថ្មីជាបន្តបន្ទាប់ទៀត តាមផែនការដែលយើងបានគ្រោងទុកក្នុងឆ្នាំ 2022 ។
ក្រុមហ៊ុន ជីហ្គៀ គ្រុប មានភាពច្បាស់លាស់និងចង់ចូលរួមជាមួយខេត្តស្វាយរៀងក្នុងការបង្តើត ឱកាសការងារដល់ប្អូនៗនិស្សិត ដែលបានរៀនចប់នឹងចង់ត្រឡប់មកធ្វើការនៅស្រុកកំណើតវិញដើម្បីជួយកាត់បន្ថយភាពក្រីក្របានមួយកំរិត ។ ជាងនេះទៅទៀតក្រុមហ៊ុនរបស់យើងក៌មានមជ្ឃមណ្ឌលសេវាកម្មថែទាំនិង ជួលជុសដើម្បីផ្តល់ភាពងាយស្រួលដល់អតិថិជន និង ជួយជំរុញក្នុងការអភិវឌ្ឍសេដ្ឋកិច្ច ព្រមទាំងធនធានមនុស្សក្នុងតំបន់ផងដែរ ។
ឆ្លៀតក្នុងឱកាសបើកសម្ពោធសាខាថ្មីនេះផងដែរ LG BRANDSHOP សាខាក្រុងស្វាយរៀងមានកម្មវិធីប្រូម៉ូសិនលក់បញ្ចុះតម្លៃរហូតដល់ 20 % ការថែមជូនកាដូរជាច្រើនសន្ធឹកសន្ធាប់ដោយឥតកំណត់ ។ ការផ្ដល់ជូនដ៏អស្ចារ្យនេះនឹងចាប់ផ្ដើមពីថ្ងៃនេះរហូតដល់ថ្ងៃទី 6 ដល់ 9 ខែ មករា ឆ្នាំ 2022 ពត៌មានលំអិតសូមទំនាក់ទំនងមកកាន់លេខទូរសព្ទ 016 888 472 ។