ASUS Republic of Gamers ដែលជាក្រុមហ៊ុនម៉ាកយីហោកុំព្យូទ័រលេងហ្គេមចំណាត់ថ្នាក់លេខ 1 របស់ពិភពលោកបានប្រកាសនៅថ្ងៃនេះអំពីការប្រកួត
កីឡាអេឡិចត្រូនិច ROG Masters Asia Pacific 2022 ។ សម្រាប់ការប្រកួតដណ្តើមពានរង្វាន់នេះមានទឹកប្រាក់ចំនួន $40,000 ដុល្លារអាមេរិកដែលនឹងចាប់ផ្តើមពីថ្ងៃទី 15 ខែសីហានេះ ដែលមានការចូលរមពីក្រុម Tom Clancy’s Rainbow Six: Siege ដែលនឹងធ្វើការប្រកួតតទល់គ្នាជាមួយនឹងក្រុមកីឡាអេឡិចត្រូនិចផ្សេងទៀតនៅក្នុងវគ្គផ្តាច់ព្រ័ត្រដែលនឹងធ្វើឡើងនៅក្នុងទីក្រុងបាំងកក ប្រទេសថៃ។
ក្រុមកីឡាអេឡិចត្រូនិចមកពីតំបន់អាស៊ីអាគ្នេយ៍ អាស៊ីខាងត្បូង ប្រទេសជប៉ុន និងប្រទេសកូរ៉េខាងត្បូងនឹងធ្វើការចុះឈ្មោះដើម្បីចូលរួមការប្រកួតវគ្គជម្រុះចាប់ពីថ្ងៃទី 15 ខែសីហានេះជាមួយនឹងការប្រកួតពានរង្វាន់អនឡាញចាប់ពីថ្ងៃទី 17 ខែកញ្ញានេះ។ នៅពេលដែលក្រុមណាមួយឈ្នះនោះ ក្រុមនោះនឹងបន្តក្នុងការឡើងទៅប្រកួតវគ្គផ្តាច់ព្រ័ត្រក្នុងតំបន់ និងការបន្តទៅប្រកួតវគ្គផ្តាច់ព្រ័ត្រចុងក្រោយនៅក្នុង Thailand Game Show ដែលនឹងធ្វើឡើងនៅថ្ងៃទី 21 ខែតុលានេះ។ វគ្គប្រកួតផ្តាច់ព្រ័ត្រតំបន់ និងវគ្គផ្តាច់ព្រ័ត្រ (Grand Finals) នឹងធ្វើការផ្សាយបន្តផ្ទាល់ជាច្រើនភាសាផងដែរ។
លោក Peter Chang អ្នកគ្រប់គ្រងទូទៅនៅក្នុងតំបន់អាស៊ីប៉ាស៊ីហ្វិកនៅក្នុង System Business Group របស់ក្រុមហ៊ុន ASUS និយាយថា “យើងបានបង្កើតនូវកុំព្យូទ័រ ROG ដ៏អស្ចារ្យសម្រាប់អ្នកលេងហ្គេមនៅគ្រប់កម្រិតក្នុងការអភិវឌ្ឍនូវសមត្ថភាពរបស់ពួកគេកាន់តែប្រសើរ ហើយព្រឹត្តិការណ៍ ROG Masters APAC គឺជាផ្លូវមួយរបសយើងដែលអនុញ្ញាតអោយពួកគេអាចបង្ហាញនូវទេពកោសល្យដ៏អស្ចារ្យដែលមិនគួរអោយជឿបាន។ នៅក្នុងឆ្នាំនេះ ជាមួយនឹងក្រុម Rainbow 6: Siege យើងមានគោលដៅក្នុងការជ្រើសរើសនូវក្រុមកីឡាអេឡិចត្រូនិចដ៏ល្អបំផុតនៅក្នុង APAC ដើម្បីព្រឹត្តិការណ៍ប្រកួតដ៏អស្ចារ្យនៅក្នុងទីក្រុងបាំងកក។”
អំពី ROG Masters
នៅក្នុងការបង្កើតនៅក្នុង APAC នៅក្នុងឆ្នាំ 2016 នោះ ព្រឹត្តិការណ៍ ROG Masters APAC នេះបន្តក្នុងការនាំយកនូវឱកាសនៃកីឡាអេឡិចត្រូនិច esports ដ៏ល្អបំផុតសម្រាប់អ្នកលេងហ្គេមគ្រប់រូបនៅក្នុងតំបន់ដែលផ្តោតទៅលើការជ្រើសរើសនូវមនុស្សដែលមានទេពកោសល្យសម្រាប់ព្រឹត្តិការណ៍អន្តរជាតិ។ នៅក្នុងឆ្នាំនេះ ជាលើកដំបូងបំផុតដែលព្រឹត្តិការណ៍ ROG Masters APAC 2022 នឹងមានការចូលរួមពីក្រុម Tom Clancy’s Rainbow Six: Siege ដ៏ខ្លាំងក្លា។
ការចុះឈ្មោះ និងកាលបរិច្ឆេទនៃការបិទបញ្ចប់
សម្រាប់បេក្ខជនដែលចាប់អារម្មណ៍អាចធ្វើការចុះឈ្មោះសម្រាប់ព្រឹត្តិការណ៍ប្រកួតជាផ្លូវការនេះតាមរយៈគេហទំព័រ www.rogmastersapac.gg ។ ការចុះឈ្មោះសម្រាប់ព្រឹត្តិការណ៍ ROG Masters APAC 2022 នេះចាប់ផ្តើមពីថ្ងៃទី 15 ខែសីហា និងបញ្ចប់នៅថ្ងៃទី 15 ខែកញ្ញា៕
