ក្រុមហ៊ុន LG Electronics កំពុងចាប់ផ្តើមយុទ្ធនាការជាសាកលមួយមានឈ្មោះថាកម្មវិធី Healthy Home Solutions កម្មវិធីនេះបង្កើតឡើងដើម្បីលើកទឹកចិត្តអ្នកប្រើប្រាស់ផលិតផលLG ទូទាំងពិភពលោកឱ្យបោះជំហានឆ្ពោះទៅរករបៀបរស់នៅប្រកបដោយនិរន្តរភាព និងសុខភាពល្អជាងមុនតាមរយៈការប្រើប្រាស់ ផលិតផល LG។ យុទ្ធនាការនេះផ្តោតលើវិធីសាស្ត្រ និងគន្លឹះដែលធ្វើអោយការរស់នៅក្នុងផ្ទះ កាន់តែល្អប្រសើរពីមួយថ្ងៃទៅមួយថ្ងៃ។ យុទ្ធនាការជាសកលនេះបានណែនាំការផ្លាស់ប្តូរលើសកម្មភាពតូចៗនៃការរស់នៅ និងការអនុវត្តប្រចាំថ្ងៃនៅក្នុងផ្ទះឱ្យកាន់តែប្រសើរដោយផ្អែកលើសារស្នូល ការលើកកម្ពស់សុខុមាលភាពអ្នកប្រើប្រាស់ និងនិរន្តរភាពផលិផល។
បន្ទាប់ពីជោគជ័យនៃយុទ្ធនាការ Healthy Home លើកដំបូងរបស់ខ្លួន ដែលបានចាប់ផ្តើមនៅឆ្នាំ 2020 ក្រុមហ៊ុន LG បានដំណើរការយុទ្ធនាការគួរឱ្យទាក់ទាញចិត្តមនុស្សជាច្រើន ដោយណែនាំឱ្យពួកគេអនុវត្ត របៀបរស់នៅប្រកបដោយសុខភាពល្អ និងធ្វើអោយជីវិតកាន់តែល្អប្រសើរជាងមុន។ យុទ្ធនាការនោះ បានផ្តោតសំខាន់លើ #CareForWhatYouWear, #CareForAGreenerKitchen និង #CareForWhereYouLive។ ស្របជាមួយនឹងចំណុចទាំងនេះ យុទ្ធនាការ Healthy Home Solutions ថ្មីឆ្នាំ២០២២បានផ្តោតលើការបង្កើតបរិយាកាសផ្ទះប្រកបដោយ «សុខុមាលភាព» ជាមួយផលិតផលចុងក្រោយរបស់ LG ចាប់តាំងពីការថែទាំសម្លៀកបំពាក់តាមបែបទំនើប ឧបករណ៍ផ្ទះបាយ រហូតដល់ដំណោះស្រាយការបន្សុទ្ធខ្យល់កម្រិតខ្ពស់។
វិធានការណ៍ងាយស្រួល និងមានប្រសិទ្ធភាពមួយចំនួនដែលបានណែនាំនៅក្នុងយុទ្ធនាការនេះ រួមមានការចម្អិនអាហារដែលមានសុខភាពល្អ ដោយប្រើគ្រឿងផ្សំក្នុងស្រុកស្រស់ៗផ្ទុកក្នុងទូរទឹកកកLG ជំនួសឱ្យការបញ្ជាទិញអាហារដែលមានជាតិខាញ់នៅខាងក្រៅ ការពារសម្លៀកបំពាក់មិនអោយតួក ឬជ្រីវជ្រួញ និងកំចាត់មេរោគជាមួយនឹងចំហាយទឹករបស់ម៉ាស៊ីនបោកLG។ លើសពីនេះទៀតនោះការប្រើប្រាស់ម៉ាស៊ីនត្រជាក់ LG ក៏ជាការចូលរួមកាត់បន្ថយការប្រើប្រាស់ថាមពល ដោយកំណត់សីតុណ្ហភាពតាមស្តង់ដា (២៣អង្សាសេ) ហើយវាបានជួយការពារដល់ផលប៉ះពាល់ដល់ បរិស្ថាន និងការកើនឡើងកំដៅក្នុងពិភពលោកថែមទៀតផង។
ដើម្បីចែកចាយសារសំខាន់ៗនៃយុទ្ធនាការនេះឱ្យមានប្រសិទ្ធភាព LG បានបង្កើតគំនិតសាមញ្ញដែល ឆ្លើយតបទៅនឹងស្ថានភាពជាក់ស្តែងរបស់មនុស្សទូទាំងពិភពលោកមានដូចជាការបរិភោគអាហារសុវត្ថិភាព ខ្យល់ដង្ហើមស្រស់ថ្លាធ្វើអោយសុខភាពផ្លូវចិត្តកាន់តែល្អ និងទទួលបាន សម្លៀកបំពាក់ដែលល្អ ហើយអាចប្រើប្រាស់បានឡើងវិញ។ សារទាំងត្រូវបានចែករំលែក ដោយ Influencer របស់LG ទូរទាំងពិភពលោក។
លោក Lyu Jae-cheol ប្រធានក្រុមហ៊ុន LG Electronics Home Appliance & Air Solution Company បានលើកឡើងថា «យុទ្ធនាការ Healthy Home Solutions ថ្មីគឺជាផ្នែកមួយនៃការប្តេជ្ញាចិត្តបន្តរបស់ LG ក្នុងការថែរក្សាសុខភាពអ្នកប្រើប្រាស់ និងបរិស្ថាន។ តាមរយៈស៊េរីយុទ្ធនាការ Healthy Home Solution របស់យើង យើងសង្ឃឹមថានឹងលើកកម្ពស់ការយល់ដឹងអំពីភាពសាមញ្ញនៃការរស់នៅប្រកបដោយនិរន្តរភាព និងថាតើវាមានសារៈសំខាន់យ៉ាងណាដែលយើងទាំងអស់គ្នាថែរក្សាខ្លួនយើង ផ្ទះ និងភពផែនដីរបស់យើង»។ គួររំលឹកថាថ្មីៗនេះក្រុមហ៊ុន LG Electronics បានបង្ហាញពីគោលការណ៍និរន្តរភាពថ្មីដែលផ្អែកលើចក្ខុវិស័យ “ជីវិតកាន់តែប្រសើរសម្រាប់ទាំងអស់គ្នា” (Better Life for All) ដោយអនុវត្តទៅលើការបង្កើតភាពច្នៃប្រឌិតថ្មីៗ និងប្តេជ្ញាផ្តល់ផលិតផលអេឡិចត្រូនិកដែលជួយអតិថិជនឱ្យរស់នៅកាន់តែប្រសើរ។ សំរាប់ព័ត៌មានលំអិតអំពីផលិតផល LG សូមចុចលើតំណភ្ជាប់នេះ៖ https://www.ggear.com.kh/lg-brandshop/