ថ្មីៗនេះ ក្រុមហ៊ុន Panasonic Cambodia សហការជាមួយនិង Sabbay Nash Camera Shop បានរៀបចំនូវការដាក់សម្ពោធជាផ្លូវការណ៌នូវកាមេរ៉ាស៊េរីថ្មី Panasonic Lumix S9 នៅក្នុងប្រទេសកម្ពុជា ដែលព្រឹតិ្តការណ៌នេះត្រូវបានប្រារព្ធឡើងនៅសណ្ឋាគារ FairField By Marriot នឹងមានការអញ្ជើញចូលរួមពីសំណាក់ថ្នាក់ដឹកនាំក្រុមហ៊ុនទាំងពីរ រួមជាមួយនិងអ្នកផលិតមាតិកា អ្នកថតរូប រួមជាមួយនិងអ្នកដែលចូលចិត្តកាមេរ៉ាជាច្រើនរូប។
លោក Hisakazu Maeda ដែលជា Head of Panasonic Cambodia មានប្រសាសន៍ថា បច្ចុប្បន្ននេះ ទីផ្សារកាមេរ៉ានៅក្នុងប្រទេសកម្ពុជា គឺបាននឹងកំពុងតែមានការរីកចំរើនខ្លាំងឡើងៗជាលំដាប់ ដែលកត្តានេះ បានជម្រុញអោយវិស័យអេឡិចត្រូនិក មានតម្រូវការកើនឡើង សម្រាប់ជាចំណែកមួយនៃការផលិតរូបភាពអោយមានគុណភាពខ្ពស់។
ជាមួយគ្នានេះ ការកើនឡើងនៃមាតិកាឌីជីថលថ្មីៗ ជាពិសេសតាមតរយៈប្រព័ន្ធផ្សព្វផ្សាយសង្គម ក៏បានធ្វើអោយតម្រូវការនៃការប្រើប្រាស់កាមេរ៉ាផ្ទាល់ខ្លួនកាន់តែច្រើនផងដែរ។
បន្ថែមពីនេះ វិស័យទេសចរណ៌នៅកម្ពុជា ក៏បានដើរតួយ៉ាងសំខាន់ដូចគ្នា ទៅលើការជុំរុញអោយភាពរីកចំរើននៃតម្រូវការប្រើប្រាស់របស់ថ្មីៗ។ នៅនៅក្នុងប្រទេសកម្ពុជា គឺមានបេតិភ័ណ្ឌវប្បធម៌ដ៏សំបូរបែបជាច្រើន ជាពិសេសគឺប្រាសាទអង្គរវត្តតែម្តង នៅទីនោះ គឺមានទេសភាពរសររវើកបំផុត។ រឿងនេះ គឺបានជម្រុញ អោយមនុស្សជាច្រើន ទាំងភ្ញៀវជាតិ និងអន្តរជាតិ ប្រើប្រាស់នូវមានកាមេរ៉ាផ្ទាល់ខ្លួនដើម្បីផលិតរូបភាពស្អាតៗ។
លោកបានបន្តថា ជាមួយនិងការដាក់សម្ពោធជាផ្លូវការណ៌នូវកាមេរ៉ា Lumix S9 នៅពេលនេះ គឺកាមេរ៉ាចម្រុះពណ៌ថ្មីមួយ ដែលរចនាឡើងសម្រាប់អ្នកដែលចូលចិត្តផលិតមាតិកា, អ្នកចូលចិត្តរបស់របបែបស៊ីវីល័យ, Vloger។ កាមេរ៉ាថ្មីនេះ គឺនឹងផ្តល់នូវភាពងាយស្រួលនៅលើក្នុងការចែករំលែករូបភាព វីដេអូ មានគុណភាពខ្ពស់ ពីព្រោះថា កាមេរ៉ានេះបំពាក់នូវ Sensor Full Frame 4K/6K Video Hybrid AutoFocus និង Image Stabilization រួមជាមួយនិងកម្មវិធី Lumix Lap ដែលអាចផ្ទេរ និងកែសម្រួលមាតិការបស់អ្នកលប្រើប្រាស់បានដោយប្រើប្រាស់ពេលត្រឹមតែ 30 វិនាទីប៉ុណ្ណោះ។
នៅក្នុងឱកាសនោះដែរ លោក Chea Pisour ដែលជាប្រធានក្រុមហ៊ូន Sabbay Nash Camera Shop ដែលជាក្រុមហ៊ុនចែកចាយកាមេរ៉ា Panasonic Lumix នៅកម្ពុជា ក៏បានថ្លែងអំណរគុណដល់ថ្នាក់ដឹកនាំក្រុមហ៊ុន Panasonic ក៏ដូចជាភ្ញៀវកិត្តិយសដែលបានអញ្ជើញចូលរួមនៅក្នុងព្រឹត្តិការណ៌នេះផងដែរ។ លោកសង្ឃឹមថា បន្ទាប់ពីការប្រកាសចេញនូវកាមេរ៉ា Lumix S9 នេះ កាមេរ៉ា Panasonic នឹងនៅតែបន្តឌិតជាប់ចិត្តរបស់អ្នកប្រើប្រាស់កាន់តែច្រើនជាងមុន ហើយនឹងមានការគាំទ្រកាន់តែខ្លាំងជាងមុនដូចគ្នា!
សូមជំរាបថ LUMIX S9 គឺជាកាមេរ៉ាស៊េរីថ្មីប្រភេទ Compact mirrorless camera ស្ថិតក្នុងគ្រួសារកាមេរ៉ា S-Series របស់ Panasonic។ កាមេរ៉ាស៊េរីថ្មីនេះ បំពាក់សែនស័រកាមេរ៉ាទំហំ 24.2MP Full-frame image sensor ដែលមានលក្ខណៈប្រហាក់ប្រហែលគ្នានឹងម៉ូដែល Lumix S5 II និង S5 IIX ដែរ។ ហើយសែនស័ររបស់ Lumix S9 មានសមត្ថភាពខ្ពស់អាចផលិតគុណភាពវីដេអូបានដល់កម្រិត 6K ក្នុងល្បឿន 30fpsជាមួយនឹងប្រព័ន្ធទប់លំនឹង in-body image stabilization (IBIS) និង Phase Detection Autofocus system (PDAF) ថែមទៀតផង។
Panasonic Lumix S9 គឺជាកាមេរ៉ាខ្នាតតូច Compact mirrorless camera ដែលមានទំហំវិមាត្រ 12.6 x 7.39 x 4.67cm ជាមួយទំងន់ 403 ក្រាម មិនគិតបញ្ចូលទំងន់ថ្ម។ ជាមួយទំហំខ្លួនតូចតែខ្លឹមរបស់ Lumix S9 គឺមានបំពាក់នូវរន្ធ I/O សំខាន់មួយចំនួនដូចជា micro-HDMI និង USB-C នៅខាងស្តាំ និងរន្ធដោតកាសខ្នាត 3.5mm ស្ថិតនៅខាងឆ្វេង ប៉ុន្តែ មិនមានរន្ធ 3.5mm microphone input នោះទេ។ សម្រាប់ទំហំផ្ទុកទិន្នន័យវិញ Panasonic Lumix S9 គាំទ្រជាមួយរន្ធដោតម៉េមូរីប្រភេទ SD UHS-II ដែលស្ថិតនៅផ្នែកខាងក្រោមនៃកាមេរ៉ាក្បែរគ្នាជាមួយរន្ធដាក់ថ្មដែរ។
Lumix S9 ប្រើប្រាស់ថ្មប្រភេទ Panasonic DMW-BLK22 ដូចគ្នានឹងម៉ូដែល Lumix S5/S5 II និង S5 IIX ដែរ។ ហើយនៅផ្នែកខាងក្រោម ក៏មាននូវ 1/4″-20 mounting point ផងដែរ។ ជាមួយគ្នានេះ Lumix S9 ក៏មានអេក្រង់់ LCD Touchscreen ទំហំ 3-inch ដែលអាចកាច់ចេញបិតផ្អោបជាមួយតួរខ្លួនថែមទៀតផង។ ជាមួយគ្នានេះ Lumix S9 ក៏មាននៅប៊ូតុងសម្រាប់ប្រើក្នុងការកំនត់មុខងារថតរូប និងវីដេអូជាច្រើនផ្តល់នូវភាពងាយស្រួលក្នុងការប្រើប្រាស់។
ជាងនេះទៅទៀត Panasonic Lumix S9 ក៏មានបំពាក់នូវបច្ចេកវិទ្យា Wi-Fi 5 និង Bluetooth 5.0 សម្រាប់ការតភ្ជាប់ និងចែករំលែករូបភាព ឬវីដេអូទៅកាន់ឧបករណ៍ផ្សេងៗបានយ៉ាងងាយស្រួល។ ជាពិសេស Panasonic ក៏បានប្រកាសចេញកម្មវិធី LumixLap ដែលអនុញ្ញាតិឲ្យអ្នកប្រើប្រាស់អាចធ្វើការកែរូប ឬក៏ចែកចាយរូបភាព វីដេអូបានដោយផ្ទាល់នៅលើស្មាតហ្វូនថែមទៀតផង។
