ក្រុមហ៊ុន Sony គឺជាម៉ាកយីហោក្រុមហ៊ុនអេឡិចត្រូនិកដ៏ធំរបស់ជប៉ុន ដែលមានផលិតផលជាច្រើនដូចជាកាមេរ៉ា ទូរទស្សន៍ ស្មាតហ្វូន ផលិតផលដែលពាក់ព័ន្ធជាមួយនឹងសំឡេង និងជាច្រើនទៀត។ ថ្មីៗនេះ ក្រុមហ៊ុននេះ ក៏បង្ហាញនូវផលិតផលសំឡេងជាច្រើនទៀត នៅក្នុងប្រទេសរបស់ខ្លួនផងដែរ ដែលក្នុងនោះរួមមានដូចជា កាសស្តាប់ WH-1000XM3, WF-XB700 និង WI-SP510 wireless ជាដើម។ ជាមួយគ្នានេះ ក្រុមហ៊ុន Sony មិនបញ្ឈប់នៅត្រឹមនេះនោះទេនៅក្នុងការបង្ហាញនូវស្មាតហ្វូនស៊េរីថ្មីរបស់ខ្លួននោះ សម្រាប់ក្រុមអត្តពលិក។
នៅក្នុងឆ្នាំ 2019 កន្លងទៅនេះ ក្រុមហ៊ុន Sony បានស្នើសុំនូវការឌីស្សាញប៉ាតង់ជាច្រើន ជាមួយនឹងក្រុមហ៊ុន JPO ក្នុងការធ្វើការនៅលើកាសស្តាប់ Wireless នេះ។ ប៉ាតង់នេះ គឺមានការចេញផ្សាយកាលពីខែមុននេះ ហើយវាមានពណ៌ខ្មៅ ពណ៌ស។ យ៉ាងណាមិញ សម្រាប់ព័ត៌មានលម្អិតរបស់កាសស្តាប់នេះ នៅមិនទាន់ទម្លាយអោយដឹងនៅឡើយទេដោយសារតែពេលនេះវាមានការបង្ហាញត្រឹមតែប៉ាតង់របស់វាប៉ុណ្ណោះ។ ទោះជាយ៉ាងណាក៏ដោយនោះ ក្រុមហ៊ុននេះ ក៏មានការពិពរណ៌នាខ្លះអំពីស្មាតហ្វូននេះផងដែរ។
បើមើលទៅលើរូបភាពទាំងនេះ បង្ហាញយ៉ាងច្បាស់ថានេះគឺជាកាសស្តាប់ Wireless និងមានការឌីស្សាញសម្រាប់សកម្មភាពជាច្រើនទាក់ទងទៅនឹងកាយសម្បទា។ អ្វីដែលគួរអោយកត់សម្គាល់នោះ កាសស្តាប់នេះ គឺមានការឌីស្សាញប្លែកដែលមើលទៅស្រស់ស្អាត និងមិនមានអារម្មណ៍ថា ឈឺត្រចៀកនោះទេ។ កាសស្តាប់នេះគឺមាន microphone នៅផ្នែកខាងលើរបស់វាដែលងាយស្រួលក្នុងការទទួលនូវការខល និងជួយអ្នកប្រើប្រាស់ជាច្រើនអាចទទួលបាននូវការស្តាប់កាន់តែងាយស្រួលថែមទៀត។ វាគឺប្រហែលជា touch controls សម្រាប់ធ្វើការឡើងចុះសំឡេង ហើយវាក៏នឹងមានមុខងារជាច្រើនទៀតផងដែរក្នុងនោះគឺជា noise cancelation ថែមទៀត៕