ប្រសិនបើអ្នកកំពុងតែស្វែងរកលេបថបមួយដែលមានតម្លៃសមរម្យសម្រាប់សិក្សានៅផ្ទះ អ្នកអាចពិចារណាម៉ូឌែល D409DA របស់ ASUS បាន។ លេបថបម៉ូឌែលនេះមានតម្លៃ និងសមត្ថភាពល្អដែលអាចផ្ដល់ភាពងាយស្រួលដល់អ្នកក្នុងការសម្រេចការងារផ្សេងនៅផ្ទះបានយ៉ាងរលូន។
ក្រឡេកមើលទៅដំបូងគេ អ្នកនឹងឃើញឡូហ្គូរបស់ ASUS នៅចំកណ្ដាលនៃផ្ទៃលេបថបដែលមានពណ៌ប្រាក់រលោង។ ផ្ទៃខាងលើនៃលេបថបនេះត្រូវបានធ្វើឡើងដោយផ្លាស់ស្ទីក ប៉ុន្តែដោយសារពណ៌របស់លេបថបនេះជាពណ៌ប្រាក់ ដូច្នេះអ្នកមើលទៅហាក់ដូចជាផ្ទៃលេបថបនេះគឺបានធ្វើពីលោហៈធាតុ។
នៅខាងឆ្វេងនៃលេបថប អ្នកនឹងឃើញមានរន្ធសាកថ្មមួយ, រន្ធ USB type C, រន្ធសម្រាប់បញ្ចេញកំម្ដៅដែលគេហៅថា Heat Sink, HDMI និង រន្ធ USB។ រីឯនៅខាងស្ដាំនៃលេបថបវិញ មានរន្ធដោត Micro SD card, audio jack 3.5mm និងរន្ធ USB ចំនួន២ថែមទៀត។ នៅពីក្រោយលេបថបអ្នកនឹងឃើញមានរន្ធឆ្នូតជាច្រើនដែលនៅក្នុងនោះអ្នកអាចឃើញកង្ហារសម្រាប់រក្សាកម្ដៅរបស់ម៉ាស៊ីនឲ្យមានតុល្យភាពល្អ។
សម្រាប់ Speaker វិញ វាស្ថិតនៅខាងក្រោយលេបថបជិតផ្ទៃអេក្រង់ដែលធ្វើឲ្យសំលេងច្បាស់ល្អ និងបញ្ចូលគ្នាបានល្អជាមួយរូបភាពនៃផ្ទៃអេក្រង់។ អ្វីដែលកាន់តែពិសេសនោះ នៅលើ Touchpad អ្នកអាចស្កេនម្រាមដៃជំនួសដោយការដាក់លេខកូដសម្ងាត់។លេបថបនេះមានទំហំស្គ្រីន 14 អ៊ីញដែលមានផ្ទៃគែមស្ដើងងាយស្រួលក្នុងការទស្សនាវីដេអូផ្សេងៗ។ ក្រឡេកមកមើល Spec របស់ D409DA នេះវិញ លេបថបនេះបានបំពាក់ CPU របស់ AMD Ryzen 3-3200U, RAM 8GB និងមាន Harddisk រហូតដល់ 1T SATA ដែលអ្នកអាចប្រើប្រាស់បានយ៉ាងរលូនដោយមិនមានបញ្ហាអ្វីនោះឡើយ។ ខាងក្រោមនេះគឺជាតារាងតម្លៃដែលខុសគ្នាទៅតាម Specs:
ជាមួយនឹងសមត្ថភាពរបស់លេបថប និងតម្លៃពិតជាសមរម្យល្មម សាកសមនឹងសិស្សនិស្សិតទិញសម្រាប់ធ្វើការងារសាលា ឬសិក្សាតាមអនឡាញក្នុងកំឡុងពេលរដូវកាលកូវីដនេះណាស់។