no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Asus នាំយកនូវផលិតផលថ្មីៗទៅបង្ហាញក្នុងព្រឹត្តិការណ៍ IFA 2019 ដែលមានគោលដៅសម្រាប់អ្នកថតរូបភាព និងវីដេអូអាជីព

នៅក្នុងព្រឹត្តិការណ៍ពិពរណ៍អេឡិចត្រូនិចធំបំផុត IFA 2019 ដែលកំពុងតែបើកទ្វារទទួលស្វាគមន៍ទស្សនិកជនទាំងអស់ទូទាំងពិភពលោកនោះ ក្រុមហ៊ុនម៉ាកយីហោធំៗក៏រៀបចំនូវព្រឹត្តិការណ៍ក្នុងការបង្ហាញនូវផលិតផលថ្មីៗជាច្រើនរបស់ខ្លួនហើយអ្នកទស្សនាក៏អាចចូលរួមក្នុងព្រឹត្តិការណ៍នៃការប្រកាសបង្ហាញនេះផងដែរ។ ក្រុមហ៊ុន Asus ក៏បានបង្ករនូវការចាប់អារម្មណ៍ខ្លាំងជាមួយនឹងវត្តមានរបស់កុំព្យូទ័រលើតុ ProArt Series ដ៏អស្ចារ្យរបស់ខ្លួន រួមជាមួយនឹងម៉ូនីទ័រ និងកុំព្យូទ័រយួរដៃចំនួន 3 ម៉ូឌែលទៀតផងដែរ។

 

no-alternative title

Asus ProArt Station D940MX

នៅក្នុងបដិវត្តទៅលើបច្ចេកវិទ្យា Hardware ថ្មីនេះ Asus បានបញ្ចេញនូវវត្តមានរបស់ Asus ProArt Station D940MX ដែលជាប្រភេទ workstation-grade desktop ដ៏អស្ចារ្យដែលមានរូបរាងតូចល្មមក្នុងការប្រើប្រាស់ និងងាយស្រួលក្នុងការចល័តថែមទៀតផង។ Asus សម្រេចចិត្តក្នុងការប្រើប្រាស់នូវបន្ទះឈីប CPUs ចុងក្រោយបំផុតរបស់ក្រុមហ៊ុន Intel នោះគឺ CPUs ជំនាន់ទី 9 ដែលមានរ៉េម 64GB DDR4 RAM ។ សម្រាប់ GPUs របស់វាគឺមាន ២ ជម្រើសគឺ Nvidia Quadro RTX 4000 ឬ RTX 2080 Ti ។ ជាក់ស្តែង សម្រាប់ workstation អាជីពមួយនេះត្រូវតែមានភ្ជាប់ជាមួយនឹង Storagge ដែលលឿនដូចនេះ D940MX ក៏បំពាក់មកជាមួយនឹង 512GB PCIe SSD និង 1TB hard drive ផងដែរ។

បើនិយាយអំពីការភ្ជាប់ទំនាក់ទំនងវិញនោះ វាមានភ្ជាប់ជាមួយនឹងរន្ធ Thunderbolt 3 ports ចំនួនពីរនៅផ្នែកខាងងមុខហើយវាក៏មានភ្លើង LED សម្រាប់បង្ហាញនៅផ្នែកខាងក្រោមផងដែរ។ ប្រព័ន្ធម៉ាស៊ីននេះ គឺប្រើប្រាស់នូវ 2D vapor chamber និងរន្ធបំភាយកំដៅជាច្រើនសម្រាប់គ្រប់គ្រងទៅលើសីតុណ្ហភាព ខណៈពេលដែលកង្ហារចំនួន 4 ទៀតជួយកាត់បន្ថយទៅលើកំដៅបានយ៉ាងល្អបំផុត។ ម៉ាស៊ីននេះក៏ទទួលបានវិញ្ញាបនបត្រពី MIL-STD 810G ផងដែរ។

Asus ProArt Display PA32UCG

សូមជំរាបថា កាលនៅក្នុងព្រឹត្តិការណ៍ WWDC Apple ក៏បង្ហាញនូវអេក្រង់ ProDisplay ស៊េរីថ្មីរបស់ខ្លួនដែលមើលទៅពិតជាមានលក្ខណៈអាជីព ហើយសម្រាប់ម៉ូនីទ័រ ProArt Display ស៊េរីថ្មីរបស់ក្រុមហ៊ុន Asus នេះគឺមានគោលដៅក្នុងការប្រកួតប្រជែងនៅលើទីផ្សារនៅក្នុងផ្នែកម៉ូនីទ័រអាជីពនេះ។ Asus បានអះអាងថា ម៉ូនីទ័រ PA32UCG monitor ថ្មីនេះ គឺជាអេក្រង់ HDR 1600 display ដំបូងបំផុតរបស់ពិភពលោកដែលមានកម្រិត 120Hz refresh rate ។ សម្រាប់កម្រិតភាពច្បាស់របស់វាគឺ 4K និងភ្លើង mini LED backlight ដែលមានកម្រិតពន្លឺ 1000nits ដល់ទៅ 1600nits រួមជាមួយនឹង contrast ratio 1.000.000:1 ថែមទៀត។

បន្ថែមពីនេះទៀត វាទ្រទ្រង់ទៅលើ HDR 10, HLG និង Dolby Vision ជាមួយនឹងការប្រើប្រាស់នូវបច្ចេកវិទ្យា Quantum Dot technology និងការផ្តល់នូវ DCI-P3, Adobe RGB, sRGB, Rec. 709 និង Rec. 2020 color spaces និង 10-bit color depth ថែមទៀត។ តាមការបញ្ជាក់របស់ក្រុមហ៊ុន Asus វាក៏មានភ្ជាប់ជាមួយនឹង Delta-E rating តិចជាង 1.0. Refresh rate ដែលអាចប្រើប្រាស់បាននៅក្នុងកម្រិត 48Hz ទៅដល់ 48Hz ដែលពិតជាមានសារៈសំខាន់មែនទែននៅក្នុងការអភិវឌ្ឍទៅលើហ្គេមនោះ។

ម៉ូនីទ័រ មានភ្ជាប់ជាមួយនឹងរន្ធ 2x Thunderbolt 3 ports, 1x DisplayPort, 3x HDMI ports និង USB Hub ផងដែរ៕

 

no-alternative title

no-alternative title
ព័ត៌មានពាណិជ្ជកម្ម