កាលពីថ្ងៃអាទិត្យទី 22 ខែកញ្ញា ឆ្នាំ 2019 ក្រុមហ៊ុន អេស៊ូស បានសម្ពោធផលិតផលថ្មីរបស់ខ្លួនជាផ្លូវការនៅអ៊ីអនម៉លសុខរាជធានីភ្នំពេញ ដែលមានការចូលរួមពីសំណាក់ទស្សនិកជនយ៉ាងច្រើនកុះករ។ ព្រឹត្តិការណ៍នេះ គឺមានការរៀបចំយ៉ាងទាក់ទាញចំណាប់អារម្មណ៍ជាខ្លាំង ដោយមានការដាក់តាំងពិព័រណ៍ជាមួយកុំព្យូទ័រទាំង 5 ពណ៌ ដែលជាជម្រើសពិសេសសំរាប់យុវវ័យក្នុងការជ្រើសរើស និងស្រឡាញ់ទៅតាមចំណង់ចំណូលចិត្តក៏ដូចជាបុគ្គលិកលក្ខណៈរៀងៗខ្លួន។ អ្វីដែលពិសេសជាងនេះទៅទៀតនោះ គឺយើងឃើញមានការចាប់រង្វាន់កុំព្យូទ័រសេរ៊ីចុងក្រោយ 1 នេះ ដែលមានតម្លៃរហូតដល់ទៅ 789 ដុល្លា រួមទាំងកាដូជាច្រើនសន្ធឹកសន្ធាប់ផងដែរ។
តាមប្រសាសន៍របស់លោក Lawrence LIU ដែលជាប្រធានគ្រប់គ្រងទីផ្សារក្រុមហ៊ុន Asus ប្រចាំនៅប្រទេសកម្ពុជា បានថ្លែងអោយដឹងថា លោកពិតជាមានក្តីសោមនស្សរីករាយជាខ្លាំងដែលតែងតែមានឱកាសនាំចូលនូវផលិតផលបច្ចេកវិទ្យាចុងក្រោយរបស់ក្រុមហ៊ុន Asus មកកាន់ប្រទេសកម្ពុជា អោយទាន់ទៅនឹងសម័យកាលបច្ចេកវិទ្យាពិភពលោក។
លោកបានបានបន្តថា នេះគឺជាម៉ូដែលពិសេស 1 ដែលអាចអោយអ្នកទាំងអស់គ្នាជ្រើសរើសទៅតាមបុគ្គលិកលក្ខណៈរបស់ខ្លួន ជួយសំរួលដល់ការងារប្រចាំថ្ងៃរបស់អ្នកទាំងអស់គ្នា និងមានតម្លៃថោកសមរម្យបំផុត។ ទាំងនេះហើយដែលអាចជួយលើកស្ទួយវិស័យអេឡិចត្រូនិចនៅកម្ពុជា ក៏ដូចជាជួយអោយសេដ្ឋកិច្ចជាតិទាំងមូលរីកចំរើនផងដែរ។
លោកបានបន្តទៀតថា ការផលិតកុំព្យូទ័រដែលមានការរចនា និងបច្ចេកវិទ្យាលេខ 1 ទាំងគុណភាព និងតម្លៃសមរម្យ គឺនៅតែជាគោលជំហរដ៏រឹងមាំរបស់ក្រុមហ៊ុនអេស៊ូសរហូត ហើយនេះជាហេតុដែលយើងទទួលបានភាពជោគជ័យជាប់លំដាប់ថ្នាក់លេខ 1 រហូតមកដល់សព្វថ្ងៃ។ លោកនៅតែបន្តកិច្ចខិតខំប្រឹងប្រែងដើម្បីប្រទេសកម្ពុជាទទួលបានការអភិវឌ្ឍផ្នែកបច្ចេកវិទ្យាឈានទៅមុខជារាងរហូតជាមួយក្រុមហ៊ុនអេស៊ូស។